Azərbaycanla Türkiyə arasındakı münasibətlər region dövlətləri üçün nümunədir
Noyabrın 21-də Milli Məclisin Beynəlxalq münasibətlər və parlamentlərarası əlaqələr komitəsinin üzvləri ölkəmizdə səfərdə olan Türkiyə Böyük Millət Məclisinin Beynəlxalq əlaqələr komitəsinin üzvləri ilə görüşdülər. Qonaqları salamlayan komitənin sədri Səməd Seyidov dedi ki, Azərbaycanla Türkiyə arasında olan münasibətlər region dövlətləri üçün nümunədir. Sabitlik, inkişaf və dostluq rəmzi olan bu əlaqələr bütün türk dünyasına təsir göstərir. Azərbaycanın BMT Təhlükəsizlik Şurasına üzv seçilməsinin ölkəmiz üçün böyük bayram olduğunu deyən Səməd Seyidovun sözlərinə görə, bu təntənələrdə Türkiyənin Azərbaycanın yanında olması olduqca qürurvericidir.
Səməd Seyidov bildirdi ki, bütün məsələlərdə hər zaman bir-birinin yanında olan iki ölkənin parlamentləri də dövlətlərimiz arasındakı əlaqələrə böyük töhfələr verir. İki parlamentin xarici əlaqələr komitələri bu istiqamətdə olduqca fəallıq nümayiş etdirir. Hazırda Azərbaycan və Türkiyə münasibətlərinin ən yüksək mərhələyə qədəm qoyduğunu deyən komitə sədri əlavə etdi ki, əlaqələrin inkişafına xidmət etmək parlamentlərimizin beynəlxalq münasibətlər üzrə komitələrinin əsas vəzifələrindən biridir.
Görüş üçün təşəkkürünü bildirən nümayəndə heyətinin rəhbəri, TBMM Beynəlxalq əlaqələr komitəsinin sədri Volkan Bozkır dedi ki, Azərbaycan və Türkiyə ortaq tarixi, mədəni, mənəvi dəyərləri və bir milləti olan iki qardaş dövlətdir. Eyni zamanda Azərbaycan və Türkiyə önəmli strateji tərəfdaş olan ölkələrdir. Azərbaycanın uğurları ilə qürur duyduqlarını deyən Volkan Bozkır ölkəmizin BMT TŞ-na üzv seçilməsini Türkiyənin də qələbəsi kimi qəbul etdiklərini diqqətə çatdırdı. Qonaq bu baxımdan ölkəmizə səfər etmələrinə böyük önəm verdiklərini bildirdi.
Görüşdə Azərbaycan və Türkiyənin üzləşdiyi problemlərdən də söz açıldı, hər iki ölkənin bir-birini hər zaman dəstəkləyəcəkləri bir daha diqqətə çatdırıldı.
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Tacikistan vətəndaşlarını Rusiyaya səfər etməməyə çağırıb
27 Aprel
Azərbaycanın daha bir cüdoçusu Avropa çempionu olub
27 Aprel
Türkiyədə 38 qeyri-leqal miqrant saxlanılıb
27 Aprel
Rusiyada miqrantların qalma müddəti il ərzində 90 günə qədər azaldılır
27 Aprel
Qələbə "Sabah"ı 3-cü edib - Premyer Liqa
27 Aprel
Gürcüstan parlamentinin sədri ABŞ senatorlarına sərt cavab verib
27 Aprel
Karlo Ançelotti: Arda Gülərin “Real”da qalacağına şübhə yoxdur
27 Aprel
Azərbaycan Ordusunun hərbi qulluqçuları Türkiyədə beynəlxalq təlimdə iştirak edirlər
27 Aprel
Səfir: Ruanda soyqırımı bir Fransa əməliyyatı idi
27 Aprel
“WhatsApp”a parolsuz giriş olacaq
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!