27 May 2023 14:00
381
Elm və texnika
A- A+

Yük daşıyan ev robotu "Kaçaka" satışa çıxarıldı

 

Yaponiyada məişətdə istifadəyə yararlı, şifahi əmrlərlə əşya daşıyan “Kaçaka” robotu satışa çıxarılıb. Süni intellekt şirkəti "Preferred Robotics" tərəfindən istehsal edilən robot, xüsusi hazırlanmış mini təkərli xidmət masasının altından keçir. Məişətdə istifadəyə yararlı, düzbucaqlı formalı “Kaçaka” şifahi əmrlərlə belindəki qəhvə stolunun köməyi ilə əşyalar gətirə və ya götürə bilir. Robot mobil proqram vasitəsilə qeydə alınan obyekti verilən əmrlə evin və ya ofisin istənilən nöqtəsinə aparır. Sensor və kamera avadanlığı ilə divara və mebelə toxunmadan “Kaçaka” öz yükünü istədiyi nöqtəyə ən yaxşı marşrutla daşıyır. Çəkisi 10 kiloqramdır. Stend də daxil olmaqla 20 kiloqrama qədər yük daşıya bilən robot saniyədə 80 santimetrə qədər sürət yığa bilir.
Tanıtım videosunda robotun yuxudan oyananlara səhər qəhvəsini, bişirilmiş yeməkləri, qonaq otağına isə kompyuter kimi ofis əşyalarını daşıdığı görünür. İki və ya üç mərtəbəli iki ayrı xidmət masası ilə bazara çıxarılan “Kaçaka” robotu ilk olaraq 1800 dollar başlanğıc qiyməti ilə satışdadır. Cihazın istifadəsi üçün lazım olan mobil proqrama görə də əlavə olaraq aylıq 7 dollar ödənməlidir.
Xatırladaq ki, "Preferred Robotics" şirkəti Yaponiyada 1 milyard dollardan çox bazar dəyəri ilə bir neçə “birbuynuzlu startap”lardan biri kimi tanınır.


Səbuhi Bayramov,
"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video