Yol infrastrukturu yenilənir
Ölkənin cəlbedici turizm məkanı olan Quba rayonu gündən-günə gözəlləşir, sürətlə inkişaf edir. Təkcə onu demək kifayətdir ki, Prezident İlham Əliyev Quba rayonuna 11 dəfə səfər etmişdir.
Dövlət başçısının ötən ilin oktyabr ayının 11-dəki səfəri də zəngin olmuşdur. Həmin gün Prezident İlham Əliyev və Birinci vitse-prezident Mehriban Əliyeva Zərqava-Qasımqışlaq-Çayqışlaq-Xaspolad-Aspərəsti yolunun, Quba Rayon Mərkəzi Xəstəxanasının yeni binasının, "Günəş” körpələr evi-uşaq bağçasının, "ABAD Factory” istehsalat kompleksinin, "Qubaekoaqrar” MMC kənd təsərrüfatı mallarının istehsalı zavodunun açılışında iştirak etmişlər.
Səfərdən sonra Prezident İlham Əliyev Quba-Qonaqkənd avtomobil yolunun tikintisinin davam etdirilməsi, Quba şəhərində əhalinin mənzil-məişət şəraitinin yaxşılaşdırılması, rayonun Alekseyevka kəndində yeni ümumtəhsil məktəbinin inşası və Susay-Xınalıq avtomobil yolunun tikintisi ilə bağlı 4 sərəncam imzalamışdır. Ölkə rəhbəri bu il yanvarın 7-də Susay-Xınalıq avtomobil yolunun tikintisinin davam etdirilməsi ilə bağlı əlavə tədbirlər haqqında daha bir sərəncam imzalamışdır.
Bu da təsadüfi deyil. 2007-ci ildə istifadəyə verilmiş Quba-Xınalıq avtomobil yolu təbii amillərin təsiri, qar uçqunlarının, torpaq sürüşmələri və iri qaya parçalarının tökülməsi səbəbindən tez-tez bağlanırdı. Bu da əlavə çətinliklər yaradırdı. Əhalinin alternativ yolla gediş-gəlişini təmin etmək üçün Quba-Susay avtomobil yolunun davamlı olaraq əlavə 30 kilometr uzunluğunda Susay-Xınalıq, həmçinin bu yoldan 4,8 kilometr məsafədə yerləşən Qırız kəndinə gedən avtomobil yolunun tikintisində xeyli iş görülmüşdür. Başqa sözlə, yerli əhali üçün böyük narahatlıq yaradan 23 kilometr uzunluğunda, 10 kəndi birləşdirən Hacıhüseynli-Gənclər qəsəbəsi avtomobil yolu və bu yola birləşən digər yollar təmir edilərək istifadəyə verilib. Quba-Xaçmaz avtomobil yolunun 14 kilometrlik hissəsi yenidən qurulub. Bakı-Quba avtomobil yolunun Alekseyevka kəndi ərazisindən keçən hissəsi, İdrisiqışlaq-Qasımqışlaq-Xaspolad-Zərqava-Aspərəsti-Çayqışlaq yolunun ətrafında yaşıllıq zolaqları salınıb.
Qısa müddət ərzində Quba-Qusar yolundan Alpan, Uzunmeşə, Susay kəndlərinə gedən istiqamətdə min kubmetrlərlə torpaq işləri görülüb, sərt döngələr yarılaraq hamarlanıb, yol yatağı genişləndirilib, Xucbala-Alpan yolunun müəyyən hissəsinə birinci qat asfalt döşənib.
Yol üzərində tikiləcək körpülərin, suötürücülərin yerləri hazırlanıb, borular gətirilib, Alpan çayı üzərində körpünün salınması üçün hazırlıq işlərinə başlanılıb.
Quba-Qonaqkənd avtomobil yolunun yenidən qurulması ilə bağlı hazırlıq işləri aparılır. Hazırda tikinti və yenidənqurma Qamqam və Təngəaltı istiqamətində görülür. İkizolaqlı yolun hərəkət hissəsi 7 metr olacaq.
Xırt kəndində inşası yarımçıq qalmış körpünün tikintisi davam etdirilir. Çayqovuşanda da yeni körpü inşa olunacaq.
Akif ƏLİYEV,
Ağaəli MƏMMƏDOV (foto),
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Zelenski: Ukraynaya 10 il ərzində dəstək vermək üçün ABŞ-la danışıqlar aparılır
29 Aprel
İrpendə “Azərbaycan Günü” keçirilib
28 Aprel
Prezidentin Mətbuat xidmətinin məlumatı
28 Aprel
QDİƏT PA-da Türkiyə heyətinin rəhbəri: Ankara ABŞ və Aİ-nin Cənubi Qafqaza münasibətindən narahatdır...
28 Aprel
Ukrayna ordusu Donetskin 3 yaşayış məntəqəsindən geri çəkilib
28 Aprel
“Nizami” Kino Mərkəzində “Azərbaycanda Rusiya Kinosu Günləri”nin bağlanış mərasimi keçirilib...
28 Aprel
Premyer Liqa: "Qəbələ"nin mövsümü sonuncu pillədə bitirməsi dəqiqləşib
28 Aprel
Türkiyənin aparıcı partiyalarından birinə yeni sədr seçilib
28 Aprel
Akademik avarçəkmə üzrə Azərbaycan millisinin üzvü “Paris-2024”ə lisenziya qazanıb
28 Aprel
Bəzi dağlıq ərazilərdə havanın qısamüddətli az yağıntılı olacağı gözlənilir
28 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!