11 Avqust 2022 00:29
247
CƏMİYYƏT

Vətən qəhrəmanlarını unutmur

 

Ağdam Rayon İcra Hakimiyyətinin başçısı Vaqif Həsənov rayonun Papravənd kəndindən məcburi köçkün kimi Sumqayıt şəhərində məskunlaşmış  I qrup Vətən müharibəsi əlili Vidadi Əliyevlə görüşüb. 
Görüş zamanı RİH başçısı Vidadi Əliyevin səhhəti və qayğıları ilə maraqlanıb. Vidadi Əliyev onu yaşayış evi və minik avtomobili ilə təmin etdiyi üçün Prezident İlham Əliyevə minnətdarlığını bildirib, şəhid ailələrinin və qazilərin daim dövlətin diqqət mərkəzində saxlanılmasından, eləcə də doğma rayonu tərəfindən edilən maddi dəstəkdən razılığını və məmnunluğunu ifadə edib. 
Qeyd edək ki, Vidadi Əliyev Prezidentin müvafiq sərəncamları ilə Füzuli və Cəbrayıl rayonlarının işğaldan azad olunmasına görə medalları ilə təltif edilmişdir.    

L.QULİYEV,
"Azərbaycan"
 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video