Uzunömürlülər muzeyi
Lerik şəhərində dünyada analoqu olmayan Uzunömürlülər muzeyi var. 1991-ci ildən tarix-diyarşünaslıq muzeyinin filialı kimi fəaliyyətə başlayıb, sonra müstəqil mədəniyyət mərkəzinə çevrilib.
Muzeyin yeni binası 2010-cu ilin iyun ayında istifadəyə verilib. Tikintisində müasir memarlıq elementlərindən istifadə olunub. Açılışında Prezident İlham Əliyev iştirak edib.
Bu unikal muzeyin Lerikdə yaradılması təsadüfi deyil. Diyarımız dünyada uzunömürlülər məskəni kimi şöhrət qazanıb. Lerikdə vaxtilə 200 nəfərdən artıq uzunömürlü ağsaqqal və ağbirçək yaşayıb. Hazırda rayonun yaşı yüzü haqlamış 12 nəfər sakini var.
İki salondan ibarət olan muzeydə 1400-ə yaxın eksponat toplanıb. Birinci salonda 168 il yaşamış Şirəli Müslümovun, 150 il ömür sürmüş Mahmud Eyvazovun, 136 yaşında dünyasını dəyişmiş Məcid Ağayevin, 120 il doğma ocağından bir gün belə ayrılmayan Nəni Əhədovanın, 125 yaşlı Həsrət Məlikovun həyat tərzini əks etdirən eksponatlar tamaşaçıya uzunömürlüyün sirlərindən söhbət açır, sanki “hər kəs yüz il yaşamasa, günah onun özündədir”, - deyir.
Şüşə qutulardakı dini kitablar, canamaz və möhürlər ağsaqqallarımızın, ağbirçəklərimizin dinimizi, adət-ənənələrimizi repressiya illərində belə qoruyub saxladıqlarından, əqidələrindən dönmədiklərindən xəbər verir.
Dağ kəndlərində yaşayan, bir əsrin dizini qatlamış uzunömürlülər barədə eksponatlar ikinci salonda təqdim olunur. 103 yaşlı Soru kənd sakini Arəstə İbadovanın, 101 yaşlı Rvarud kənd sakini Kazım Talıbovun, Lerik şəhərində 101 yaşlı Raci İbrahimovanın, 105 yaşlı Gülbanu Rüstəmovanın və başqalarının əl işləri - ağacdan hazırlanmış qaşıqlar, əsalar, yun corablar, xurcunlar və çantalar tamaşaçıların diqqətini cəlb edir.
Muzeydə uzunömürlülərdən Daşdəmir Paşayev və Söhbət Fəzziyevlə görüş keçirilib. Onlar gənclərə tövsiyələrini verib, sağlam həyat tərzindən söhbət açıblar.
Yola saldığımız ildə muzeyimizdə 4 min ziyarətçi olub. Əksəriyyəti Bakıdan və digər regionlardan, eləcə də xaricdən gəlmiş qonaqlardır. Ürək sözlərini xatirə kitabına həkk edənlər də az deyil. Onların arasında Hollandiyadan, Koreyadan, Fransadan, Malayziyadan və digər ölkələrdən olan turistlər var. Litvalı turist Aleksey Lotuns yazır: “Uzun və mənalı ömür sürmək xoşbəxtlikdir. Bu torpağa ayaq basdığıma görə xoşbəxt qoca olacağıma əminəm”.
Dilarə FƏTULLAYEVA,
Uzunömürlülər muzeyinin direktoru
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Türkiyənin aparıcı partiyalarından birinə yeni sədr seçilib
28 Aprel
Akademik avarçəkmə üzrə Azərbaycan millisinin üzvü “Paris-2024”ə lisenziya qazanıb
28 Aprel
Bəzi dağlıq ərazilərdə havanın qısamüddətli az yağıntılı olacağı gözlənilir
28 Aprel
Səhiyyə Nazirliyinin rəhbərliyi görkəmli oftalmoloq-alim, akademik Zərifə Əliyevanın xatirəsini ehti...
28 Aprel
Laçın və İrpen şəhərləri qardaşlaşacaq
28 Aprel
Kambocada bomba partlayışı nəticəsində 20 hərbçi ölüb
28 Aprel
Zəngilanda silah-sursat aşkar edilib
28 Aprel
Azərbaycan Ordusunda hərbiləşdirilmiş kross birinciliyi keçirilib
28 Aprel
“Titanik”in sərnişininin saatı rekord qiymətə satılıb
28 Aprel
Ağdam rayonu ərazisində mina hadisəsi baş verib
28 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!