26 Oktyabr 2023 10:10
62249
Oxucu məktubları
A- A+

Uşaqlarımızı məktəbə göndərməyə ehtiyat edirik

 

Ölkəmizdə aparılan abadlıq və yenidənqurma işləri regionların simasını tamamilə dəyişib. Yaşadığım Şəmkir rayonu da bu inkişafdan geri qalmır. 
Rayonda həyata keçirilən infrastruktur layihələri insanların rahatlığını təmin etməklə yanaşı, onların məşğulluğuna da müsbət təsir göstərmişdir. Xüsusilə təhsil, səhiyyə sahəsində görülən işlər sakinlərin razılığı ilə qarşılanır.
Ancaq yaşadığımız Keçili kəndinin 600-dən çox şagirdin təhsil aldığı 1 nömrəli orta məktəb binası tamamilə yararsız vəziyyətdədir. Sovetlər dönəmində inşa edilmiş ikimərtəbəli məktəb binası bu müddətdə bir dəfə də olsun əsaslı təmir edilmədiyindən qəzalı vəziyyətə düşüb. Pəncərələr yararsız olduğundan məktəbin sinif otaqlarında dərs keçmək mümkün deyil. Məktəbin tavanı uçmaq təhlükəsi ilə üz-üzədir. Qarşıdan soyuq qış ayları gəlir. İstilik sistemi olmayan məktəbdə necə dərs keçiləcək, bilmirik. 
Hörmətli redaksiya! Artıq uşaqlarımızı məktəbə göndərməyə ehtiyat edirik. Xahiş edirik ki, bu problemin lazımi təşkilatlara çatdırılmasında bizə kömək göstərəsiniz.

Şahmurad QOCAYEV,
Şəmkir rayonunun Keçili kənd sakini

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video