Tütünçülük gəlirli sahədir
Kənd təsərrüfatı məhsullarının çeşidinin genişləndirilməsi, ayrı-ayrı sahələrin səmərəliliyinin artırılması, söz yox ki, ölkə iqtisadiyyatının neft və qazdan asılılığının azaldılmasına təkan verir. Bu baxımdan respublikamızın ümumi iqtisadi inkişafında mühüm rol oynayan tütünçülüyə dövlət qayğısı son illər özünü daha qabarıq şəkildə göstərir.
İqtisadi əhəmiyyətinə görə Azərbaycanda ikinci texniki bitki hesab olunan tütünçülük ölkə iqtisadiyyatına böyük gəlir gətirməklə yanaşı, əhalinin məşğulluğunun təminatına da dəstək verir, insanların dolanışığının daha da yaxşılaşmasında mühüm rol oynayır.
Elə buna görə də son vaxtlar respublikamızın digər bölgələri kimi, Qazaxda da kənd təsərrüfatının şaxələndirilməsi istiqamətində həyata keçirilən məqsədyönlü tədbirlərdə tütünçülüyün inkişaf etdirilməsi diqqət mərkəzində saxlanılır. 2016-cı ildə cəmi 10 hektarda tütün əkilmişdisə, keçən il bu rəqəm 50 hektara çatdırılmışdır. Bütün aqrotexniki tədbirləri vaxtında həyata keçirən tütünçülər 50 hektar sahədən 80 tondan çox məhsul götürmüşlər. Əldə olunmuş qazancdan razı qalan tütünçülər bu il əkin sahələrini 10 hektar da artırmışlar. Bu məqsədlə rayonun Kosalar kəndində 32 hektar, Qazaxbəyli kəndində 8 hektar, İkinci Şıxlı və Çaylı kəndlərinin hər birində 1 hektar, Birinci Şıxlı, Aşağı Salahlı, Hüseynbəyli, Daş Salahlı, Alpout kəndlərinin hər birində 2, Dəmirçilər kəndində 1,5, Cəfərli kəndində 2,5 və Fərəhli kəndində 4 hektar sahədə tütün əkilmişdir.
Tütünçülər bu il sahələrdə daha məhsuldar sortlar əkərək bütün aqrotexniki tədbirləri vaxtında yerinə yetirmişlər. Hazırda rayonda tütün dərimi uğurla davam etdirilir. İndiyədək 80 tondan çox yaş, 2 tona yaxın isə quru tütün tədarük edilmişdir. Dərimin vaxtında və itkisiz başa çatdırılması üçün yığılmış tütün elə sahələrdəcə qurudulur. Bunun üçün xüsusi talvarlar hazırlanmışdır. Tütün dəriminə 200 nəfər cəlb edilmişdir. Tütünçülər onlar üçün yaradılan şəraitdən razılıq edirlər.
Tütünçülüyün belə sürətli inkişafı rayon sakinlərinin ürəyincədir. Bu sahədə çalışan kənd sakinləri aldıqları əməkhaqqıdan çox razıdırlar. Məsələn, Kosalar kəndində elə ailələr var ki, mövsüm ərzində 6-7 min manat pul qazanırlar. Belə ailələrdən biri Rasim Əliyevin ailəsidir. Rasim 2, onun həmkəndlisi Maya Abbasova 5, Qənirə Abbasova isə 7 nəfər ailə üzvü ilə birlikdə işləməklə çoxlu qazanc əldə edirlər.
Bir sıra kəndlər tütünçülüyün inkişafında yüksək nailiyyətlər qazanır. Məsələn, Daş Salahlı kəndinin sakini Vəli Vəliyev 50 sot pay torpağını icarəyə verməklə özü də ailə üzvləri ilə birlikdə həmin təsərrüfatda çalışır. Həm pay torpağından, həm də çalışdığı təsərrüfatdan yaxşı qazanc götürür. Bununla da Vəli ailəsinin dolanışığını təmin edir. İlham Yaqubov da qonşusu Vəli kimi pay torpağını icarəyə verib. Hər il onun sahəsindən 20-25 sentner tütün yığılır.
Hazırda rayonda tütün dəriminin qızğın çağıdır. Hamı çalışır ki, yetişdirilən məhsulu vaxtında və itkisiz toplasın. Bunun üçün sübh tezdən sahələrə çıxan kənd sakinləri əlverişli keçən hava şəraitindən səmərəli istifadə etməyə çalışırlar.
Sabir ƏLİYEV,
“Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
"Şərq şairlərinin günəşi"
05 May
Anamın gözünün nuru, əlinin sığalı hopmuş xalça
05 May
Həyatı filmə bənzəyən aktyor
05 May
Məğrur, qürurlu Şuşa
05 May
Fironun məzarının "öldürücü" sirri
05 May
Tovuz kümçüləri bu il də bol məhsul götürmək əzmindədirlər
05 May
Dini konfessiyaların nümayəndələri Tərtərdə olmuşlar
05 May
Ağdam Ağsaqqallar Şurasının konfransı keçirilib
05 May
Gələcək mühəndislərlə sənaye müəssisələri arasında əlaqə yaradılır
05 May
Azərbaycanın zamanı qabaqlayan enerji siyasəti
05 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!