Su ehtiyatlarının səmərəli idarə edilməsi və mühafizəsi seçim məsələsi deyil, Türkiyənin milli təhlükəsizliyinin tərkib hissəsidir.
AZƏRTAC xəbər verir ki, bu fikirləri Türkiyə Prezidenti Rəcəb Tayyib Ərdoğan ölkənin cənub-şərqində yerləşən ən böyük irriqasiya tuneli olan “Silvan”ın təməlqoyma mərasiminin iştirakçıları qarşısında çıxışı zamanı ifadə edib.
Dövlət başçısı vurğulayıb ki, Türkiyə su ehtiyatları ilə zəngin ölkələr sırasında deyil. O əlavə edib: “Əksinə, Türkiyə üçün su problemi aktualdır. Əgər bu gün lazımi tədbirləri görməyə başlamasaq, sabah ciddi problemlərlə üzləşə bilərik. Ölkəmizin su ehtiyatlarının tükənməsinin qarşısını almaq vacibdir”.
Türkiyə lideri istisna etməyib ki, gələcəkdə dünyada münaqişə və fikir ayrılıqlarının mənbəyi neft və digər təbii sərvətlər deyil, məhz su olacaq.
Türkiyə Prezidenti qeyd edib: “İqlim dəyişikliyi, quraqlıq, əhali artımı və urbanizasiya su ehtiyatı problemlərinə gətirib çıxarır. Su əsrimizin əsas strateji sərvətidir”.
Onun sözlərinə görə, hökumət öz siyasətini ölkədə su potensialı amilinə əsaslanaraq formalaşdırır. Prezident vurğulayıb: “Son 23 ildə Türkiyədə 10,6 mindən çox su təsərrüfatı obyekti istifadəyə verilib. Türkiyənin 1298 su anbarında 50 milyard kubmetr su var, 631 su elektrik stansiyası ölkənin inkişafına töhfə verir”.
Rəcəb Tayyib Ərdoğanın sözlərinə görə, diametri 13,2 kilometr olan “Silvan” kəməri kənd təsərrüfatı sahələrinə saniyədə 212 kubmetr su verməyə imkan verəcək ki, bu da bölgənin kənd təsərrüfatı sektoru üçün güclü təkan olacaq.
jpg_1772540760.jpg)
jpeg_1772540615.jpeg)
jpg_1772540566.jpg)
19 (1)jpg_1771885865.jpg)
