Türkiyə ilə əmək, məşğulluq və sosial müdafiə sahəsində əlaqələr daha da genişlənəcək
Əmək və əhalinin sosial müdafiəsi naziri Sahil Babayevlə Türkiyə Respublikasının əmək və sosial müdafiə naziri Vedat Bilgin arasında videoformatda görüş olub.
Nazirliyin İctimaiyyətlə əlaqələr və kommunikasiya şöbəsindən AZƏRTAC-a verilən məlumata görə, S.Babayev Azərbaycan və Türkiyə arasında dostluq, qardaşlıq və xalqların birliyi amilinə əsaslanan strateji tərəfdaşlığı qeyd edib. Ölkələrimizin ikitərəfli əlaqələrinin davamlı, sabit və uzunmüddətli inkişafında iki qardaş ölkənin dövlət başçılarının birgə səylərinin mühüm rolunu vurğulayıb. O, Prezident, Silahlı Qüvvələrin Ali Baş Komandanı İlham Əliyevin rəhbərliyi ilə Azərbaycan Ordusunun ötən il 44 günlük Vətən müharibəsində əldə etdiyi möhtəşəm Zəfərdən bəhs edərək həmin günlərdə Türkiyənin Azərbaycana siyasi və mənəvi dəstəyinin Azərbaycan xalqı tərəfindən yüksək qiymətləndirildiyini bildirib.
Qardaş Türkiyənin müxtəlif bölgələrində baş vermiş güclü meşə yanğınları, yanğınların törətdiyi fəsadlarla bağlı kədərini ifadə edən S.Babayev dağıdıcı yanğınlar nəticəsində həlak olanların ailələrinə və yaxınlarına başsağlığı verib. Həmişə olduğu kimi, bu gün də xalqımızın qardaş Türkiyə xalqının yanında olduğunu diqqətə çatdırıb.
Nazir Türkiyə ilə əmək, məşğulluq və sosial müdafiə sahəsində ötən dövrdə formalaşan uğurlu əməkdaşlıq təcrübəsini, imzalanmış əməkdaşlıq sənədlərini, əmək və sosial müdafiə sahəsində əməkdaşlıq üzrə Birgə Daimi Komissiyanın fəaliyyətinin əhəmiyyətini qeyd edib. Bu sahədə əlaqələrin getdikcə gücləndirilməsinin və müqavilə-hüquq bazasının daha da genişləndirilməsinin əhəmiyyətini vurğulayıb.
Azərbaycanda icra olunan sosial müdafiə və aktiv məşğulluq proqramlarını diqqətə çatdıran S.Babayev aparılan islahatlar və onların müsbət nəticələri, DOST konsepsiyası, sosial sahədə elektron texnologiyaların tətbiqi, əhaliyə göstərilən proaktiv xidmətlər barədə məlumat verib. Postmüharibə dövründə şəhid ailələri və qazilərlə əlaqədar sosial dəstək tədbirlərini, bu sahələrdə fəal əməkdaşlıq müstəvisində ardıcıl təcrübə mübadilələrinin aparılmasının əhəmiyyətini qeyd edib.
V.Bilgin Azərbaycanın Türkiyə üçün dost və qardaş ölkə olduğunu, iki ölkənin hər zaman bir-birinin yanında olmasının və əlaqələrin daim inkişaf etməsinin məmnunluq doğurduğunu bildirib. O, Türkiyənin sosial islahatlar sahəsində təcrübəsindən və əldə olunan uğurlardan bəhs edib. Əməkdaşlığın daim yeni fəaliyyət istiqamətləri üzrə genişləndirilməsinin qarşılıqlı faydasını, bu sahədə onlar tərəfindən bütün səylərin göstərilməsinə hazır olduqlarını vurğulayıb.
Görüşdə Azərbaycanla Türkiyə arasında əmək, məşğulluq və sosial müdafiə sahəsində əlaqələrin, bu məqsədlə müqavilə-hüquq bazasının genişləndirilməsinə, yeni əməkdaşlıq sənədlərinin layihələrinə, əmək və sosial müdafiə sahəsində əməkdaşlıq üzrə Birgə Daimi Komissiyanın növbəti iclasının təşkilinə dair fikir mübadiləsi aparılıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Zelenski: Ukraynaya 10 il ərzində dəstək vermək üçün ABŞ-la danışıqlar aparılır
29 Aprel
İrpendə “Azərbaycan Günü” keçirilib
28 Aprel
Prezidentin Mətbuat xidmətinin məlumatı
28 Aprel
QDİƏT PA-da Türkiyə heyətinin rəhbəri: Ankara ABŞ və Aİ-nin Cənubi Qafqaza münasibətindən narahatdır...
28 Aprel
Ukrayna ordusu Donetskin 3 yaşayış məntəqəsindən geri çəkilib
28 Aprel
“Nizami” Kino Mərkəzində “Azərbaycanda Rusiya Kinosu Günləri”nin bağlanış mərasimi keçirilib...
28 Aprel
Premyer Liqa: "Qəbələ"nin mövsümü sonuncu pillədə bitirməsi dəqiqləşib
28 Aprel
Türkiyənin aparıcı partiyalarından birinə yeni sədr seçilib
28 Aprel
Akademik avarçəkmə üzrə Azərbaycan millisinin üzvü “Paris-2024”ə lisenziya qazanıb
28 Aprel
Bəzi dağlıq ərazilərdə havanın qısamüddətli az yağıntılı olacağı gözlənilir
28 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!