Türkiyə ilə Azərbaycan arasında turizmin inkişafına dair görüş keçirilib
Azərbaycan Turizm Agentlikləri Assosiasiyasının (ATAA) sədri Rüfət Hacıyevin rəhbərlik etdiyi nümayəndə heyəti Türkiyəyə səfər edib.
AZƏRTAC xəbər verir ki, səfər çərçivəsində ATAA ilə Türkiyənin Səyahət Agentlikləri Birliyi (TÜRSAB) arasında görüş keçirilib.
Görüşdə iki qurum, eləcə də iki qardaş ölkə arasında bu sahə üzrə gələcək fəaliyyət planları, Türkiyə-Azərbaycan turizm əlaqələri və ortaq turizm platformasının yaradılması məsələləri müzakirə olunub. Bundan əlavə postpandemiya dövründə turizmin inkişafı baxımından iki qardaş ölkə arasında şəxsiyyət vəsiqələri və vizasız səyahəti nəzərə alaraq qarşılıqlı turist sayının artırılması ilə bağlı geniş fikir mübadiləsi aparılıb.
Görüş əsnasında iki qardaş ölkə arasında səhiyyə turizminin inkişafına dair əməkdaşlıq müqaviləsi imzalanıb.
Tədbirdə çıxış edən ATAA-nın sədri Rüfət Hacıyev Qarabağ müharibəsi dövründə Azərbaycanla həmrəylik və birlik nümayiş etdirdiyi üçün türk xalqı və dövlətinə minnətdarlığını bildirib və bunun hər bir azərbaycanlı üçün çox vacib olduğunu xüsusi qeyd edib.
Pandemiya dövründə də iki qardaş ölkə arasında turizmin inkişafının davam etdiriləcəyinə ümidvar olduğunu deyən sədr Azərbaycanın bir çox sahədə olduğu kimi turizm baxımından da çox gözəl potensiala malik olduğumu vurğulayıb: “Biz bu potensialı Türkiyə bazarında nümayiş etdirmək istəyirik. Pandemiyanın nə zaman bitəcəyi bəlli deyil. Bunu üçün də bu dövrdə işləməyi öyrənməliyik. Bu baxımdan “Türk hava yolları”nın pandemiya dövrü ərzində kəsintisiz fəaliyyəti bizim və bütün dünya üçün çox gözəl nümunə oldu. Biz, eyni zamanda, iki qardaş ölkə arasında səhiyyə turizmini inkişaf etdirməyi də hədəfləyirik. Belə ki, səhiyyə turizmi ümumi turizm sahəsində çox böyük rola sahibdir”.
Çıxışı zamanı Azərbaycanı öz torpaqlarını geri almaq uğrunda apardığı haqlı mübarizəsində əldə etdiyi şanlı zəfər münasibətilə təbrik edən TÜRSAB-ın rəhbəri Firuz Barbaros Bağlıkaya bu qələbənin bütün türk dünyasını qürurlandırdığını vurğulayıb: “Türkiyə ilə Azərbaycan qədim köklərə sahib iki qardaş ölkədir. Azərbaycan xalqının ulu öndəri Heydər Əliyevin "Bir millət, iki dövlət" şüarı iki ölkə arasındaki münasibətləri ümumiləşdirən ən gözəl cümlədir. Dostluğumuz strateji tərəfdaşlıqlarla daha da möhkəmləndikcə, hər keçən gün bu əməkdaşlığı daha da yüksək səviyyəyə qaldırmaqdan məmnunuq. Bu əməkdaşlığı daha da inkişaf etdirəcək ən vacib sahələrdən biri də turizm sektorudur.
Bu baxımdan, iki ölkə arasındakı qarşılıqlı turizm fəaliyyətləri, aprelin birindən başladılan Azərbaycan ilə Türkiyə arasında şəxsiyyət vəsiqələri ilə səyahət fürsəti qarşılıqlı turizm hərəkətliliyini ciddi şəkildə artıracağına əminəm”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Səsvermə bülletenində Rəcəb Tayyib Ərdoğanın adı birinci yazılacaq
01 Aprel
Plastikdən istifadəni dayandırsaq nə olar?
01 Aprel
Milli Qəhrəman Şükür Həmidovun anım mərasimi keçirilib
01 Aprel
Sülhməramlıların növbəti avtomobil karvanı aksiya ərazisindən maneəsiz keçib
01 Aprel
Yüz bir yaşlı kişi uzunömürlülüyün 2 sirrini açıqlayıb
01 Aprel
Alimlər səsdən sürətli yeni təyyarəyə aid kadrları göstəriblər
01 Aprel
Laçın-Xankəndi yolunda hərəkətin sərbəstliyi mütəmadi olaraq təmin edilir
01 Aprel
2060-cı ilə qədər ömür uzunluğu 150 yaşadək artacaq
01 Aprel
Tornado ABŞ-nin 10 ştatında 450 min istehlakçını işıqsız qoyub
01 Aprel
BQXK-ya məxsus 8 avtomobilin aksiya ərazisindən keçidinə şərait yaradılıb
01 Aprel
DİQQƏT ÇƏKƏNLƏR
“Dəmir yumruq" Laçın yolunu tam nəzarətə götürdü31 Mart 2023

Prezident İlham Əliyev Məsim Məmmədovu Prezidentin Laçın rayonunda xüsusi nümayəndəsi təyin olunması...28 Mart 2023

Türk dünyası daha böyük coğrafiyanı əhatə edir19 Mart 2023

Qardaşlığın Ankara Zirvəsi18 Mart 2023

Ankarada Türk Dövlətləri Təşkilatının Dövlət Başçılarının Fövqəladə Zirvə görüşü keçirilib Azərbayc...16 Mart 2023

ÇOX OXUNANLAR
Dövlət kapital qoyuluşunda daha fəaldır01 Aprel 2023

Zəfərin yaratdığı yeni idarəetmə modeli30 Mart 2023

Qalibin məğlublara yeganə şərti28 Mart 2023

Prezident İlham Əliyev və birinci xanım Mehriban Əliyeva Talış kəndində görülən işlərlə tanış olubla...18 Mart 2023

Tarixin ən qüdrətli Azərbaycanı Heydər Əliyev ideyalarının təntənəsidir17 Mart 2023

Avropanın ümid yeri Azərbaycandır15 Mart 2023

OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!