Samir Şərifov: Azərbaycan Orta Dəhlizin ən vacib iştirakçılarından biridir
Asiya İnkişaf Bankının Tbilisidə keçirilən 57-ci illik toplantısında Asiya və Avropa arasında nəqliyyat kommunikasiya əməkdaşlığı və Orta Dəhliz layihəsi barədə müzakirələr aparılıb. Müzakirələrə Azərbaycan tərəfindən dəvət edilmişdim. Bu da təsadüfi deyil. Ona görə ki, Azərbaycan Orta Dəhlizin ən vacib iştirakçılarından biridir. Şübhəsiz ki, ölkəmizin xüsusi coğrafi geosiyasi mövqeyi hamı tərəfindən yaxşı bilinir və belə olduqda Azərbaycanın da bu müzakirələrdə iştirak etməsi təsadüfi deyil.
Bu sözləri AZƏRTAC-a müsahibəsində Tbilisi şəhərində Asiya İnkişaf Bankının (AİB) Rəhbərlər Şurasının 57-ci İllik Toplantısında iştirak edən Azərbaycanın maliyyə naziri, bankın Rəhbərlər Şurasının üzvü Samir Şərifov söyləyib.
O qeyd edib ki, müzakirələr zamanı Azərbaycanın son illər ərzində keçirdiyi məqsədyönlü tədbirlərdən danışılıb, müvafiq məlumatlar verilib. Orta Dəhliz, eyni zamanda, Cənubi Qafqazdan Avropaya elektrik enerjisinin verilməsi məsələlərinə də toxunulub.
“Azərbaycan bu proseslərin ən fəal iştirakçılarından biridir. Qara dəniz sualtı elektrik kabelinin quraşdırılması layihəsi barədə müzakirələr aparıldı və həmin layihələrə müvafiq maliyyə dəstəyi məsələlərinə də toxunuldu.
Azərbaycanın hazırda ənənəvi enerji mənbələrindən istifadə etməklə diversifikasiya meyilləri, bərpaolunan enerji mənbələri hesabına elektrik enerjisinin generasiya edilməsi layihələri böyük maraq doğurur. O cümlədən Azərbaycan Xəzər dənizinin külək enerjisi potensialından istifadə edərək elektrik enerjisinin Avropa bazarlarına çıxarılmasında maraqlı tərəf kimi öz mövqeyini möhkəmləndirir və bu istiqamətdə müvafiq tədbirlərin keçirilməsini təmin edir”, - deyə, S.Şərifov vurğulayıb.
Nazir deyib ki, beynəlxalq maliyyə qurumları ilə, ilk növbədə, Dünya Bankı, Avropa Yenidənqurma və İnkişaf Bankı ilə əməkdaşlıq barədə məlumat verilib və eyni zamanda, Azərbaycanın bərpaolunan enerji potensialının inkişaf etdirilməsində özəl sektordan investisiyaların cəlbi istiqamətində aparılan tədbirlərdən danışılıb.
S.Şərifov deyib: “Bu ilin noyabrında Azərbaycan ən mötəbər qlobal iqlim dəyişikliyi məsələlərinə həsr olunan konfransa - COP29-a ev sahibliyi edəcək. Bununla əlaqədar həmin konfransda və konfrans ərəfəsində Azərbaycan Hökuməti tərəfindən iqlim dəyişikliyi üzrə sazişlərin bütün iştirakçı dövlətləri ilə intensiv danışıqlar aparılmaqdadır. İqlim dəyişikliyinin yaratdığı fəsadların aradan qaldırılması, bununla bağlı qaydaların müvafiq qaydada hazırlanması və bütün ölkələr üçün enerji keçidinə - bərpaolunan enerji mənbələrinə keçidə şərait yaradılmalıdır. Həmin şəraitin yaradılması üçün ən vacib amillərdən biri müvafiq maliyyə resurslarının təmin edilməsidir. Bu resurslar qlobal səviyyədə təmin olunmalıdır. İnkişaf etmiş ölkələr tərəfindən inkişafda olan ölkələr üçün müvafiq maliyyə yardımı təmin edilməlidir”.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Qarabağ Universiteti ilə bağlı sualları cavablandırmaq üçün yeni 146-6-1 xətti açılıb ...
18 May
Qarabağ Universitetinin bukleti hazırlanıb
18 May
Yüksək təsvir yenilənməsinə sahib ilk monitor təqdim edilib
18 May
Şəkər pambığına bənzəyən ekzoplanetin kəşfi
18 May
Dörd ayda əhalinin sosial ödənişlərinə 2 milyard 914 milyon manat xərclənib
18 May
Türkiyə Prezidenti: Su mübahisələri qlobal münaqişələrə səbəb olur
18 May
Azərbaycan Beynəlxalq Hərbi İdman Şurasının 79-cu Baş Assambleyasında təmsil olunub
18 May
Yeni Kaledoniyada etiraz aksiyalarında ölənlərin sayı 6 nəfərə çatıb
18 May
“Yeni dalğa 2024”ün finalına seçilən Azərbaycan təmsilçisi vətənə qayıdıb
18 May
İstanbulun IV Avropa Oyunlarına evsahibliyi etməsi ilə bağlı imzalanma mərasimi keçirilib
18 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!