19 Sentyabr 2023 16:44
246
SİYASƏT
A- A+

Rusiya XİN Qarabağda vəziyyətlə bağlı narahatlığını ifadə edib

 

Rusiya Qarabağda vəziyyətin kəskin eskalasiyası ilə bağlı dərindən narahatdır.

AZƏRTAC xəbər verir ki, bu barədə RF XİN-in rəsmi nümayəndəsi Mariya Zaxarova bildirib.

M.Zaxarova deyib: Rusiya tərəfi təkidlə münaqişə tərəflərini hərbi əməliyyatları dərhal dayandırmağa və siyasi-diplomatik nizamlanma yoluna qayıtmağa çağırır”.

RF XİN-in nümayəndəsi razılaşdırılmış, o cümlədən “kağız üzərində təsbit olunmuş yol xəritəsinin” həyata keçirilməsinin əhəmiyyətini qeyd edib. Onun sözlərinə görə, Qarabağ probleminin sülh yolu ilə həlli üzrə bütün addımlar 2020-2022-ci illərdə Rusiya, Azərbaycan və Ermənistan liderlərinin qəbul etdikləri üçtərəfli bəyanatlar kompleksində öz əksini tapıb.

Diplomat vurğulayıb: “Xüsusi olaraq qeyd etmək istərdik ki, son vaxtlar Rusiya və beynəlxalq vasitəçilərin səyləri ilə problemin sülh yolu ilə həlli üzrə tərəqqidə ciddi irəliləyiş formalaşmağa başlayıb”. O əlavə edib ki, Rusiyanın sülhməramlı kontingenti yaranmış vəziyyətdə öz vəzifələrini yerinə yetirməyə davam edir.

M.Zaxarova onu da qeyd edib ki, hazırda Ermənistanla Azərbaycan arasında sülh sazişinin işlənib hazırlanması üçün sanballı hüquqi əsas mövcuddur. O bildirib: “Düşünürəm ki, hazırlanacaq və imzalanacaq sülh sazişinin dəqiq vaxtı və konkret parametrləri haqqında danışmaq nəticə etibarilə düzgün olmazdı. Nəticə ondan ibarət olacaq ki, sənədlərlə təsbit olunmuş bütün məsələlər reallaşsın. Biz artıq təkrar etmişik və yenə də təkrarlayırıq: sənəd əsas məqsədə, məhz regionda dayanıqlı sülhün əsasının qoyulmasına xidmət etməlidir və bunun üçün Azərbaycan və Ermənistan arasında maraqlar balansı təmin olunmalıdır.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video