QMİ sədri: Azərbaycanla Vatikan arasında dostluq və qardaşlıq münasibətləri yüksək səviyyədədir
Mayın 24-də Qafqaz Müsəlmanları İdarəsinin (QMİ) sədri şeyxülislam Allahşükür Paşazadə Vatikan Dövlətinin iqamətgahı Ankarada olmaqla Türkiyə və Azərbaycandakı apostol nunsisi arxiyepiskop Marek Solçinski ilə görüşüb.
AZƏRTAC xəbər verir ki, QMİ sədri Azərbaycanla Vatikan arasında dostluq və qardaşlıq münasibətlərinin yüksək səviyyədə olmasından məmnunluğunu ifadə edib. O, arxiyepiskop Marek Solçinski ilə əvvəllər də görüşdüyünü, lakin onunla səfir kimi ilk dəfə söhbət etdiyini diqqətə çatdırıb.
Şeyxülislam arxiyepiskopun Ulu Öndər Heydər Əliyevin 100 illik yubileyi ərəfəsində Azərbaycana səfər etməsindən çox şad olduğunu bildirib. Deyib ki, dövlət rəhbərləri Azərbaycanla Vatikan arasındakı əlaqələrə çox böyük diqqət göstərirlər.
A.Paşazadə qonağa, həmçinin Azərbaycan ərazilərinin işğalı zamanı dini abidələrin, o cümlədən məscidlərin və kilsələrin dağıdıldığı barədə məlumat verib, hazırda isə həmin ərazilərdə dini-mənəvi irsin bərpası, məscid, kilsə və məbədlərin yenidən qurulması sahəsində görülən işlər barədə danışıb. Vurğulanıb ki, Azərbaycan dünya miqyasında dinlərarası, millətlərarası münasibətlərin qurulmasında nümunəvi ölkə kimi tanınır, respublikamızda bütün dinlərə məxsus tarixi-dini abidələr qorunur, onlara xüsusi qayğı ilə yanaşılır. Azərbaycanda multikulturalizmin dövlət siyasəti kimi həyata keçirildiyi və dövlətimizin başçısının bu dəyərli ideyanın qlobal müstəvidə fəal müdafiəçisi olduğu diqqətə çatdırılıb.
Söhbət zamanı Prezident İlham Əliyevin və Birinci vitse-prezident Mehriban Əliyevanın Vatikana səfəri, orada yerləşən bəzi abidələrin Heydər Əliyev Fondu tərəfindən bərpası istiqamətində görülən mühüm işlərdən də bəhs olunub.
Arxiyepiskop Marek Solçinski Vatikanla Azərbaycan arasında diplomatik əlaqələrin qurulmasının 30 illik yubileyi ərəfəsində ölkəmizə səfər etməsindən məmnunluğunu bildirib.
Nunsi, eyni zamanda, Azərbaycanın işğaldan azad olunmuş ərazilərinə səfər edəcəyini vurğulayıb.
Görüşdə Müqəddəs Taxt-Tacın Dövlət katibi kardinal Pietro Parolinin ölkəmizə nəzərdə tutulan səfərinin detalları müzakirə olunub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Ukraynalı səyyah: "Çox şadam ki, Azərbaycan öz torpaqlarını azad edib və indi onlar bərpa olunur"...
27 Iyul
Ötən altı ayda Mingəçevirdə genişmiqyaslı işlər görülüb
27 Iyul
Dünya Azərbaycan həqiqətləri ilə tanış olur
27 Iyul
Azərbaycanın strateji coğrafi mövqeyi onu Çin-Avropa yük qatarı üçün əsas nəqliyyat qovşağına çeviri...
27 Iyul
“29 İqlim Söhbəti: COP29-a gedən yol"da hər kəs “dəyişməlidir"
27 Iyul
Ermənistan Avropa İttifaqının əlində alətə çevrilib
27 Iyul
Ermənistan Qərbin planlarını icra edir
27 Iyul
Keçinin əcəli çatanda...
27 Iyul
24 siyasi partiya, 449 namizəd
27 Iyul
Azərbaycanın idxal-ixrac əməliyyatlarında saldo müsbət olaraq qalır
27 Iyul
DİQQƏT ÇƏKƏNLƏR
ÇOX OXUNANLAR
Həqiqətə çağırış25 Iyul 2024
![](/uploads/img/posts/2024/07/25/Clip_23jpg-1721862946.jpg)
Uzaqgörənlik24 Iyul 2024
![](/uploads/img/posts/2024/07/24/1 copyjpg-1721771921.jpg)
Azərbaycan iqlim dəyişikliyi ilə mübarizədə qlobal səviyyədə tanınır23 Iyul 2024
![](/uploads/img/posts/2024/07/23/Clip_2jpg-1721686526.jpg)
Azərbaycan Qlobal Cənubla Qlobal Şimal arasında təmasları gücləndirir YENİLƏNİB - 2 VİDEO...21 Iyul 2024
![](/uploads/img/posts/2024/07/20/1721480194305007127_1200x630jpg-1721495783.jpg)
Avropanın Azərbaycana ehtiyacı artır20 Iyul 2024
![](/uploads/img/posts/2024/07/20/Clipjpg-1721423683jpg-1721453251.jpg)
Bütün yollar Qarabağa aparır18 Iyul 2024
![](/uploads/img/posts/2024/07/18/Clip_8jpg-1721248442.jpg)
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!