30 Avqust 2022 00:52
5005
Oxucu məktubları

Qəhrəman generalın  adını daşıyan küçənin sakini olduğumuz üçün qürur duyuruq

 

44 günlük Vətən müharibəsi 30 illik Qarabağ həsrətimizə son qoydu. Müzəffər ordumuz Ali Baş Komandan İlham Əliyevin rəhbərliyi altında düşmənə qalib gəldi. 
Həmin döyüşlərdə sumqayıtlılar da şücaət göstərmiş, qələbənin təminatında öz sözlərini demişlər. Belə oğullardan biri də şəhid general-mayor Polad Həşimovdur. Polad Həşimov 2020-ci il iyulun 14-də Tovuz istiqamətində gedən şiddətli döyüşlər zamanı Ermənistan silahlı qüvvələrinin hücum cəhdinin qarşısını alarkən qəhrəmancasına şəhid olub. 
Sumqayıtda yaşadığımız küçəyə şəhid generalın adının verildiyini eşidəndə sevindik. İnsan qürur duyur ki, onun yaşadığı küçə belə bir qəhrəmanın adını daşıyır. Küçəmiz şəhərin mərkəzində yerləşdiyindən əlaqədar təşkilatlar onun səliqə-sahmanına diqqətlə yanaşır. 
Bu yaxınlarda axşam çağlarında küçədə bir hadisənin şahidi oldum. Bir gənc ailə şəhər bulvarından geri qayıdan zaman yanlarındakı 5-6 yaşlarında olan bir qızcığaz anasından "Bu Polad əmi deyil?!", - deyə soruşdu. Anası başı ilə təsdiqlədi. Qız küçənin başlanğıcına vurulan barelyefin qarşısında farağat dayanaraq himni oxumağa başladı. Yaxınlıqdan keçənlərin hamısı balaca qızcığaza qoşuldu. Çox qürurverici və kövrək bir səhnə alındı. İndi hər dəfə küçəmizlə addımlayanda qürur duyuram. Qürur duyuram ki, qəhrəman generalın adını daşıyan küçənin sakiniyəm. 

Ülviyyə QURBANOVA,
Sumqayıt şəhəri
 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video