Qara Qarayevin 100 illiyinə həsr olunan gənc ifaçıların respublika müsabiqəsinə yekun vurulub
Mayın 30-da Müslüm Maqomayev adına Azərbaycan Dövlət Akademik Filarmoniyasında dahi bəstəkar Qara Qarayevin anadan olmasının 100 illiyinə həsr edilən simli, nəfəsli və zərb alətləri üzrə gənc ifaçıların respublika müsabiqəsinin yekun konserti keçirilib.
AZƏRTAC xəbər verir ki, tədbirdə Mədəniyyət Nazirliyinin elm, təhsil və gənclərlə iş şöbəsinin müdiri Yaşar Əliyev çıxış edərək nazir Əbülfəs Qarayevin tədbir iştirakçılarına təbriklərini çatdırıb. Y.Əliyev bildirib ki, müsabiqə respublikada simli, nəfəsli və zərb alətləri üzrə musiqi təhsilinin inkişaf etdirilməsi, istedadlı uşaqların və gənclərin üzə çıxarılması, onların dəstəklənməsi və yaradıcılıq potensialının artırılmasına xidmət edir. Müsabiqənin qalibləri Üzeyir Hacıbəyli adına Bakı Musiqi Akademiyasının professoru, Əməkdar İncəsənət Xadimi Nəzmiyyə Abbaszadənin sədrlik etdiyi tanınmış mütəxəssislərdən ibarət münsiflər heyəti tərəfindən qiymətləndirilib.
Münsiflər heyətinin sədri Nəzmiyyə Abbaszadə müsabiqə haqqında məlumat verib. Qeyd edib ki, müsabiqənin I turu regional mədəniyyət idarələri üzrə yerlərdə, II turu Bakıda keçirilib. Üç yaş qrupunda (I qrup 9-11, II qrup 12-14, III qrup 15-17) simli (violin, viola, violonçel), nəfəsli (fleyta, klarnet, valtorna, truba) və zərb (ksilofon, vibrofon) alətləri üzrə keçirilən müsabiqədə respublikanın müxtəlif musiqi təhsili müəssisələrinin şagirdləri iştirak ediblər. Ümumilikdə 120-yə yaxın gənc ifaçının çıxışı qiymətləndirilib.
Münsiflər heyətinin qərarına əsasən, Bakı, Gəncə, Sumqayıt, Şəki, Şirvan şəhər, Bərdə, Quba, Qusar, Şamaxı rayon uşaq musiqi və incəsənət məktəblərinin şagirdləri müxtəlif dərəcəli diplomlara, hədiyyələrə və fəxri fərmanlara layiq görülüblər. Müsabiqədə müəllimlərin, konsertmeysterlərin də əməyi qiymətləndirilib və onlar fəxri fərmanlarla təltif olunublar.
Sonra müsabiqənin qalibləri mükafatlandırılıb.
Tədbir müsabiqə qaliblərinin ifasında musiqi nömrələrinin ifası ilə davam edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Növbəti köç karvanı Füzuliyə çatıb
29 Aprel
ABŞ dövlət katibinin Yaxın Şərqə səfəri başlayır
29 Aprel
Azərbaycan ABŞ-də multikulturalizm festivalında uğurla təmsil olunub
29 Aprel
İranın Şərqi Azərbaycan əyalətində baş verən partlayışlarda 10 nəfər yaralanıb
29 Aprel
PSJ 12-ci dəfə Fransa çempionu olub
29 Aprel
Azərbaycanın iki gimnastı Serbiyada beş medal qazanıb
29 Aprel
Azərbaycan nümayəndə heyəti Dünya Badminton Federasiyasının illik toplantısına qatılıb
29 Aprel
Bu ölkə Türkiyə ilə sərhəddə hərbi baza yaradır
29 Aprel
BMT iqlim dəyişikliyinin əməyin mühafizəsi və sağlamlığa təsiri haqqında hesabat təqdim edib...
29 Aprel
Qarabağda istifadəyə verilmiş hava limanlarının təhlükəsizliyi yeni texnologiyalarla təmin edilir...
29 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!