Qanunsuz tikintini dayandıran tapılacaqmı
Bakının köhnə məhəllələrində, sovetin 5 və 9 mərtəbəli binalarının arasında qollu-budaqlı ağacları kəsərək, əhalinin öz əli, zəhməti ilə primitiv də olsa düzəltdiyi istirahət guşələrini sökərək, uşaqlar üçün nəzərdə tutulan meydançaları şumlayaraq yerində çoxmərtəbəli yaşayış, yaxud ofis binalarının tikilməsi təzə hal deyil. O cümlədən belə hallara qarşı həmin ərazidə yaşayan sakinlərin etiraz etmələrinə, bu barədə ən yüksək ünvanlara və səlahiyyətli məmurlara üz tutmalarına, bəzi hallarda isə obyekt sahibləri ilə mübarizəni təkbaşına aparmaq məcburiyyətində qalmalarına da öyrəncəliyik.
Amma bu o demək deyil ki, adını iş adamı qoyan, əslində isə əsl iş görüb qazanmaq əvəzinə qazan doldurmaq həvəsinə düşən birisi yüzlərlə, minlərlə vətəndaşın normal yaşamaq hüququnu pozmalı, hamı da bunu qəbul edib susmalıdır. Xeyr, belə deyil! Bu cür qanunsuzluqlara və ədalətsizliyə qarşı hər kəs mübarizə aparmalı, hətta həmin mübarizədə qələbəyə ümid az olsa da, geri çəkilməməlidir! “Azərbaycan” qəzetinin redaksiyasına daxil olmuş bu məktubun müəllifləri kimi... Ölkənin tanınmış elm adamlarının, fərdi təqaüdçülərin imzaladığı və çoxsaylı sənədlərin surətlərinin, eləcə də fotoların əlavə olunduğu həmin məktubda yazılır:
“Hörmətli redaksiya! Bizim 8-ci mikrorayonda yaşadığımız 20, 21, 22 və 26 saylı binaların ümumi həyətində, o cümlədən 177 saylı uşaq bağçasının yanında “Murad M.S.” MMC çoxmərtəbəli yaşayış binası tikməyə başlamışdır. Halbuki həmin ərazidə belə bir böyük obyektin inşası üçün yetərli torpaq sahəsi yoxdur. Ümumiyyətlə, 8-ci mikrorayon Bakıda əhalinin ən sıx yaşadığı ərazilərdən sayılır. Buranın infrastrukturu yeni tikililərsiz də bu sayda əhalinin normal yaşayışı üçün kifayət etmir. Belə olan halda köhnə binaların arasına əlavə 17 mərtəbəli yaşayış binasını pərçimləməyə kim icazə verib, bilmirik.
Məsələ burasındadır ki, həqiqətən, “Murad M.S.” MMC-yə həmin binanı inşa etməyə icazə verəni tapa bilmirik. Bununla bağlı üz tutduğumuz Bakı Şəhər İcra Hakimiyyətində bizə dedilər ki, tikintinin dayandırılması barədə BŞİH-nin müvafiq idarəsi tərəfindən 2016-cı il yanvarın 18-də göstəriş verilmişdir. Bundan əlavə, Dövlət Şəhərsalma və Arxitektura Komitəsinin də sözügedən ərazidə hər hansı inşaat işlərinin aparılmasının qanuna zidd olması barədə qərarı var (hər iki sənədin surəti ərizəyə əlavə olunur).
Amma nə fayda?! Obyektdə tikinti işləri davam edir. Sanki hansısa səlahiyyət sahibi “dovşana qaç, tazıya tut” deyir. Ortada, daha doğrusu, qapılarda biz qalmışıq. Kimə, hara müraciət edirik, deyirlər orada bina tikilməsi qanunsuzdur. Elə isə bu qanunsuz tikintini aparan şirkətə niyə “dur” deyən yoxdur? Bir də görəcəklər ki, binanın yarısı qaldırılıb, mənzillərin də hamısı satılıb. Onda nə edəcəklər?
Hörmətli redaksiya, xahiş edirik, bizim bu cavabını tapmadığımız sualları siz əlaqədar qurumlara çatdırasınız. Bəlkə sizə cavab verdilər”.
8-ci mikrorayonun 20, 21, 22, 26 saylı binalarının sakinləri adından
Əbülfəz Hacıyev, professor
Möhtəməl Eyniyev, elmlər doktoru
Xəlil Səmidov, professor
Səməd Hüseynov, elmlər doktoru
Əziz Məmmədov, professor
Xanoğlan İbrahimov, təqaüddə olan polis polkovniki
Xanvəli Abdullayev, professor
Abdulla Əhmədov, professor
Tapdıq Həsənov, professor
Nəcəf Qəhrəmanov, professor
Ağa Sadıqov, elmlər namizədi, dosent
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Zelenski: Ukraynaya 10 il ərzində dəstək vermək üçün ABŞ-la danışıqlar aparılır
29 Aprel
İrpendə “Azərbaycan Günü” keçirilib
28 Aprel
Prezidentin Mətbuat xidmətinin məlumatı
28 Aprel
QDİƏT PA-da Türkiyə heyətinin rəhbəri: Ankara ABŞ və Aİ-nin Cənubi Qafqaza münasibətindən narahatdır...
28 Aprel
Ukrayna ordusu Donetskin 3 yaşayış məntəqəsindən geri çəkilib
28 Aprel
“Nizami” Kino Mərkəzində “Azərbaycanda Rusiya Kinosu Günləri”nin bağlanış mərasimi keçirilib...
28 Aprel
Premyer Liqa: "Qəbələ"nin mövsümü sonuncu pillədə bitirməsi dəqiqləşib
28 Aprel
Türkiyənin aparıcı partiyalarından birinə yeni sədr seçilib
28 Aprel
Akademik avarçəkmə üzrə Azərbaycan millisinin üzvü “Paris-2024”ə lisenziya qazanıb
28 Aprel
Bəzi dağlıq ərazilərdə havanın qısamüddətli az yağıntılı olacağı gözlənilir
28 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!