Ordumuz - güvən və qürur yerimizdir
Əzəli torpaqlarımızın bir hissəsinin işğalı nəticəsində Naxçıvan Azərbaycandan aralı düşüb - torpaq üzərindən əlaqəmiz kəsilib. Düşmən Ermənistanla uzun sərhəd zolağı var.
Azərbaycanla aradakı məsafə rayonlarımızın işğalı ilə bir qədər də uzanıb. Buna baxmayaraq, Azərbaycanın ayrılmaz hissəsi olan Naxçıvan ana vətənlə vahid ruhda yaşayır və fəaliyyət göstərir.
Naxçıvanın hərbi-strateji əhəmiyyəti böyükdür. Ermənistanın bütün dövlət və hərbi obyektlərinə buradan qısa məsafə və müddətdə sarsıdıcı zərbə endirmək mümkündür. Bu səbəbdən Naxçıvan Əlahiddə Ümumqoşun Ordusu müstəsna önəmə malikdir. Azərbaycan Milli Ordusunun Naxçıvan Muxtar Respublikasındakı bu xüsusi statuslu bölməsi hər an düşmənə həlledici zərbə endirməyə, uğurlu hərbi əməliyyatlar keçirməyə hazırdır. Milli Ordumuzun buradakı hərbi hissələri ən müasir silahlarla, artilleriya sistemləri, döyüş texnikası və digər vasitələrlə təchiz olunub və döyüş qabiliyyətinə görə də düşməndən xeyli üstündür.
Azərbaycanın Dövlət Müstəqilliyi Günü münasibətilə keçirilən hərbi paradda bir daha bunun şahidi olduq. Ali Məclisin Sədri Vasif Talıbovun və müdafiə naziri Zakir Həsənovun qəbul etdiyi paradda Naxçıvan Əlahiddə Ümumqoşun Ordusunun nizami hərbi hissələri ordumuza inam, güvən hissini möhkəmlətməklə bərabər, bizi qürurlandırdı. Bir daha əmin olduq ki, Milli Ordumuzun yüksələn qüdrəti sonda düşməni ram etməyə yetəcək və işğal altındakı torpaqlarımız azad olunacaq.
Parada baxmağa məktəblilər, gənclər də gəlmişdi. Dərs dediyim ibtidai sinif şagirdlərinin gözlərindəki parıltını, sevinci, heyrəti görməyə dəyərdi. Onların arasında “mən hərbçi olacam”, “mən tankçı olacam”, “mən qəhrəman olacam” - deyə arzularını dilə gətirən, əsgərləri bayraqlarla salamlayan uşaqları izlədikcə zəhmətimizin hədər getmədiyini, Azərbaycanın gələcyinin etibarlı əllərdə olacağını yəqin etdim.
Sevinc İBRAHİMOVA,
Naxçıvan şəhər 12 nömrəli tam orta məktəbin ibtidai sinif müəlliməsi
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Zelenski: Ukraynaya 10 il ərzində dəstək vermək üçün ABŞ-la danışıqlar aparılır
29 Aprel
İrpendə “Azərbaycan Günü” keçirilib
28 Aprel
Prezidentin Mətbuat xidmətinin məlumatı
28 Aprel
QDİƏT PA-da Türkiyə heyətinin rəhbəri: Ankara ABŞ və Aİ-nin Cənubi Qafqaza münasibətindən narahatdır...
28 Aprel
Ukrayna ordusu Donetskin 3 yaşayış məntəqəsindən geri çəkilib
28 Aprel
“Nizami” Kino Mərkəzində “Azərbaycanda Rusiya Kinosu Günləri”nin bağlanış mərasimi keçirilib...
28 Aprel
Premyer Liqa: "Qəbələ"nin mövsümü sonuncu pillədə bitirməsi dəqiqləşib
28 Aprel
Türkiyənin aparıcı partiyalarından birinə yeni sədr seçilib
28 Aprel
Akademik avarçəkmə üzrə Azərbaycan millisinin üzvü “Paris-2024”ə lisenziya qazanıb
28 Aprel
Bəzi dağlıq ərazilərdə havanın qısamüddətli az yağıntılı olacağı gözlənilir
28 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!