28 Noyabr 2021 00:30
585
SİYASƏT
A- A+

Nurhan əl-Şeyx: Soçi görüşü Cənubi Qafqazda sülhün təmin olunması istiqamətində atılmış mütərəqqi addımdır

 

Soçidə Azərbaycan Respublikasının Prezidenti İlham Əliyev, Ermənistan Respublikasının baş naziri Nikol Paşinyan və Rusiya Federasiyasının Prezidenti Vladimir Putinin iştirakı ilə keçirilən görüş və imzalanmış Bəyanat Cənubi Qafqaz regionunda sülhün təmin edilməsi istiqamətində atılmış daha bir mütərəqqi addımdır.

Bunu AZƏRTAC-ın xüsusi müxbirinə açıqlamasında Misir Xarici Əlaqələr Şurasının üzvü, Qahirə Universitetinin Rusiya Araşdırmalar Mərkəzinin direktoru professor Nurhan əl-Şeyx söyləyib. O deyib: “Ötən il Azərbaycanın ərazilərinin işğaldan azad edilməsi ilə başa çatan müharibədən sonra ən vacib məsələ dayanıqlı sülhün təmin olunmasıdır. Bu baxımdan, sərhədlərin demarkasiyası zəruridir. Sözügedən məsələdə razılıq əldə olunması müsbət amildir. Eyni zamanda, Azərbaycan-Ermənistan sərhədində gərginliyin aradan qaldırılması da regional təhlükəsizliyə töhfə olacaq. Tərəflər çoxillik münaqişəyə son qoymalı, etimad mühitinin yaradılması istiqamətində yeni addımlar atmalıdırlar. Azərbaycan Prezidenti İlham Əliyevin bu məsələ ilə bağlı konstruktiv mövqeyi təqdirəlayiqdir. Bununla yanaşı, Ermənistan rəhbərliyi də sülhün bərqərar olması üçün əməli addımlar atmalı, müharibədən sonra yaranmış yeni reallıqla hesablaşaraq kommunikasiyaların bərpasına şərait yaratmalıdır”.

Soçidə keçirilən görüşün hər iki tərəf üçün əhəmiyyətli olduğunu qeyd edən professor vurğulayıb: “ Düşünürəm ki, Cənubi Qafqaz regionunda qonşu dövlətlər arasında dinc yanaşı yaşamağın, əməkdaşlığın vaxtı çatıb. Heç bir xalq müharibə istəmir və azərbaycanlılarla ermənilər sülh şəraitində yaşamalı, sərhədlərin toxunulmazlığı və ərazi bütövlüyünə hörmət prinsipləri əsasında bütün problemləri konstruktiv dialoq vasitəsilə həll etməlidirlər”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video