24 Noyabr 2022 12:26
323
DÜNYA
A- A+

Kuba Prezidenti Türkiyəyə səfər edib

 

Kuba Prezidenti Migel Dias-Kanel Bermudes Türkiyəyə səfər edib.

AZƏRTAC xəbər verir ki, Ankarada Türkiyə Prezidenti Rəcəb Tayyib Ərdoğan ilə Kuba Prezidenti Migel Dias-Kanel Bermudes arasında ikitərəfli görüş keçirilib, sonra iki ölkəni təmsil edən rəsmi heyətlər bir araya gəliblər.

Türkiyəyə ilə Kuba arasında əməkdaşlığa dair 6 sənəd imzalanıb.

Dövlət başçıları birgə keçirdikləri mətbuat konfransında iki ölkə arasında tarixi dostluq və əməkdaşlığın inkişaf istiqamətlərinə dair fikir və mülahizələrini bölüşüblər.

Türkiyə Prezidenti bildirib ki, yerləşdiyi regiondakı əsas tərəfdaşlarımızdan biri olan Kuba ilə həmrəyliyimizi artırmağın qayğısına qalırıq.

Kuba Prezidenti isə vurğulayıb ki, Türkiyə ilə əməkdaşlığı daha da genişləndirmək məsələsində həmrəyik.

Görüşdə Osmanlı-Kuba münasibətlərinin tarixinə ekskursiya edilib, Kubanın birinci Prezidenti Tomas Estrada Palmanın 1902-ci ildə Osmanlı Sultanına ünvanlandığı məktub xatırlanıb. Yeni qurulan Kuba Respublikası Osmanlı dövləti ilə əməkdaşlığa ciddi səylər göstərib.

Türkiyə Prezidenti Rəcəb Tayyib Ərdoğan Osmanlı Sultanına ünvanlanan və ikinci Əbdülhəmidin Kubanın birinci Prezidentinə cavab məktubunun sürətlərini kubalı həmkarına hədiyyə edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video