25 Iyun 2022 02:48
520
Təhsil

"Kommunikasiya meneceri" layihəsi çərçivəsində ADA Universitetində təşkil olunan "İctimai əlaqələr və medianın əsasları" təlim kursuna yekun vurulub

 

Mədəniyyət Nazirliyinin "Kommunikasiya meneceri" layihəsi çərçivəsində ADA Universitetində 20-24 iyun tarixlərdə keçirilən "İctimai əlaqələr və medianın əsasları" təlim kursunun bağlanış mərasimi keçirilib.

AZƏRTAC xəbər verir ki, ADA Universitetində ixtisasartırma proqramlarının rəhbəri Nərgiz İsmayılova çıxış edərək beş gün davam edən təlimin əhəmiyyəti barədə danışıb. Təlimin müvəffəqiyyətlə başa çatmasını vurğulayan N.İsmayılova bütün təlim iştirakçılarını təbrik edib.

ADA Universiteti İnkişaf və Diplomatiya İnstitutunun direktor müavini Aygün Hacıyeva ilk olaraq universitet haqqında məlumat verib. Bildirib ki, universitet ilk layihələrini diplomatlar üçün təşkil edib, sonradan universitet genişlənərək digər dövlət qurumları ilə əlaqələr qurub və bir çox universitetlərlə anlaşma memorandumu imzalayıb. Universitetdə yeni ixtisaslar açılıb. Daha sonra bu kimi təlim proqramlarının hər zaman uğurlu olmasından danışan A.Hacıyeva deyib: "Əminəm ki, siz, əslində, çox təcrübəli insanlarsız, neçə illərdir hərəniz müxtəlif təşkilatlarda çalışırsız, amma buna baxmayaraq, nələrisə öyrənmək istəyiniz sizi bura qədər gətirdi. Biz ilk dəfə deyil ki, Mədəniyyət Nazirliyi ilə birgə belə bir layihələr təşkil edirik. Düşünürəm ki, indi sizə veriləcək sertifikatlar sizin üçün bu təlimdən gözəl bir xatirə olaraq qalacaq".

"Bu layihənin gerçəkləşməsində Mədəniyyət Nazirliyinin Media və kommunikasiya şöbəsinin müdiri Məryəm Qafarzadənin çox böyük rolu var. Biz təkliflər versək də bu rəhbərlik tərəfindən təsdiqlənməli, nazirliyin rəhbərliyi bu layihəni dəstəkləməli idi. Düşünürəm ki, buna nail ola bildik və birgə gözəl, önəmli bir layihə ərsəyə gətirə bildik. Keçirilən təlimlər "Ünsiyyət və netvörkinq bacarıqları", "Ənənəvi və sosial media ilə işləmək bacarıqları", "Kommunikasiya planının qurulması", "Media işçiləri üçün əsas nitq və yazı bacarıqları", "İctimaiyyətlə əlaqələr fəaliyyətində iş bölgüsü" mövzularını əhatə edib. 16 regionun iştirak etdiyi təlimlərin proqramı tək bilik qazanmaqdan ibarət deyil, insanlarla şəbəkələr qurmaq, dost olmaq, kommunikasiya qurmaq bacarığı haqqındadır", - deyə "Kommunikasiya meneceri" layihəsinin koordinatoru, Mədəniyyət Nazirliyinin Media və kommunikasiya şöbəsinin əməkdaşı Məhəmməd Həmzəyev bildirib.

Mədəniyyət Nazirliyinin Media və kommunikasiya şöbəsinin müdiri Məryəm Qafarzadə bu layihənin uğurla bitməsini vurğulayaraq bildirib ki, birlikdə çox önəmli bir layihə icra olundu və uğurla yekunlaşdı: "Layihə hər kəsdə böyük maraq yarada bilib. Bu ilk olaraq bizim pilot layihəmizdir. Layihə Mədəniyyət Nazirliyinin strateji kommunikasiya siyasətinin struktur qurumları, tabe müəssisə və təşkilatlarında effektiv şəkildə həyata keçirilməsi, o cümlədən ictimaiyyətlə, media subyektləri və nümayəndələri ilə münasibətlərin möhkəmləndirilməsi, eləcə də əlaqələrin genişləndirilməsi, həmçinin sosial media fəaliyyətinin təkmilləşdirilməsi məqsədi daşıyır. Biz çox istəyərdik ki, region idarələr ayrılıqda öz kommunikasiya işini görərək media ilə müştərək və həmçinin müstəqil şəkildə bu işi qura bilsinlər".

ADA Universiteti İctimai və Beynəlxalq Münasibətlər Məktəbində kommunikasiya və rəqəmsal media proqramının rəhbəri, layihənin təlimçisi Şəfəq Mehrəliyeva Azərbaycanın ümumbəşəri mədəni irsdə yerinin fasiləsiz yüksəlməsindən, eləcə də UNESCO tərəfindən Qeyri-Maddi Mədəni İrs Siyahısında Azərbaycan məkanlarının adlarının sürətlə çoxalmasından danışaraq, "Kommunikasiya meneceri" layihəsi barədə təəssüratlarını bölüşüb.

Qeyd edək ki, beş gün davam edən təlimlərə yerli və xarici mütəxəssislər cəlb olunub. Təlimləri ADA Universitetinin İnkişaf və Diplomatiya İnstitutunun direktor müavini Aygün Hacıyeva, ADA Universiteti Fondunun prezidenti Natiq Hacıyev, ADA Universitetinin İctimai və Beynəlxalq Münasibətlər Məktəbində kommunikasiya və media proqramının rəhbəri Şəfəq Mehrəliyeva aparıb.

Onu da vurğulayaq ki, kommunikasiya menecerləri media, sosial media və ictimaiyyət ilə əlaqələr üzrə məsul nümayəndə olaraq çalışdıqları qurumların tədbir və layihələrinin mediada işıqlandırılmasını, qurumların fəaliyyəti barədə ictimaiyyətin məlumatlandırılmasını və bundan irəli gələn digər vəzifələrin yerinə yetirilməsini təmin edəcəklər.

Sonda təlim iştirakçıları sertifikatlarla təltif olunub.

 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video