24 Sentyabr 2023 17:06
438
SİYASƏT
A- A+

İcma Ermənistanın xarici işlər naziri Ararat Mirzoyanın çıxışını tənqid edib

 

Qərbi Azərbaycan İcması Ermənistanın xarici işlər naziri Ararat Mirzoyanın BMT Baş Assambleyasının 78-ci sessiyasının ümumi müzakirələrindəki çıxışını tənqid edib.

Qərbi Azərbaycan İcmasından AZƏRTAC-a daxil olan məlumatda deyilir:

“Biz Ermənistanın xarici işlər naziri Ararat Mirzoyanın BMT Baş Assambleyasının 78-ci sessiyasının ümumi müzakirələrində etdiyi çıxışında Azərbaycan Respublikasının suverenliyinə və ərazi bütövlüyünə qəsd edən və onun daxili işlərinə qarışan mövqe sərgiləməsini qınayırıq.

Nazir Mirzoyan Qarabağdakı keçmiş qanunsuz rejimin qalıqlarının kapitulyasiya bəyanatlarında da etiraf etdikləri kimi, Ermənistanın silahlı qüvvələrinin Azərbaycan ərazisində qanunsuz şəkildə yerləşdirilməsinə izahat vermək əvəzinə Azərbaycanı guya Ermənistanın ərazi bütövlüyünə təhdid törətməkdə imtina etməsi riyakarlıqdır. Xatırlatmaq istərdik ki, Azərbaycanın Qazax və Sədərək rayonlarının 8 səkkiz kəndi hələ də Ermənistanın işğalı altındadır və o kəndlərin 10 minə yaxın əhalisi 30 ildir öz evlərinə qayıda bilmirlər. Ermənistan Azərbaycan ərazilərinin 20 faizini işğal etməsinə, oradan bir milyona yaxın azərbaycanlını qovmasına, 20 mindən artıq azərbaycanlı mülki şəxsi öldürməsinə, minə yaxın Azərbaycan şəhər və kəndini dağıtmasına görə daşıdığı cavabdehliyi qarşılamaq və barışıq üçün hələ də lazımi addımlar atmayıb.

Ermənistanın nazirinin Azərbaycanın Qarabağ bölgəsində guya humanitar problemlər olması barədə iddiası və oraya BMT-nin qurumlararası missiyasının göndərilməsi barədə təklifi ilə bağlı qeyd etmək istərdik ki, Ermənistanın atmalı olduğu addım Azərbaycana qarşı törətdiyi işğal, qətliam, etnik təmizləmə və dağıntılara görə məsuliyyəti üzərinə götürmək və Azərbaycan hökumətinin Qarabağda apardığı re-inteqrasiya və yenidən qurma işlərinə dəstək verməkdir.

BMT-nin qurumlararası missiyasının getməli olduğu ölkə isə Ermənistandır. Xatırladaq ki, Ermənistandan qovulmuş azərbaycanlıların təhlükəsiz və ləyaqətli şəkildə öz evlərinə qayıtması prosesinə yardım etmək üçün BMT-nin qurumlararası missiyasının Ermənistana göndərilməsi üçün biz hələ bu ilin aprel ayında BMT-nin Baş katibinə müraciət etmişik. Lakin Ermənistan hökuməti razılıq vermədiyi üçün missiyanın orada göndərilməsi hələlik mümkün olmayıb.

A.Mirzoyanın “Azərbaycan ordusunun və hüquq-mühafizə orqanlarının Qarabağdakı yaşayış məntəqələrindən geri çəkilməsi”nə, “BMT tərəfindən mandat verilmiş sülhməramlı qüvvələrin Qarabağda yerləşdirilməsi”nə çağırması olduqca məsuliyyətsiz və təhlükəli açıqlamadır. Özünün suverenliyini, ərazi bütövlüyünü, “qırmızı xətt”lərini daim qabardan Ermənistanın Azərbaycanı öz suveren ərazilərindən geri çəkilməyə çağırması bir daha rəsmi İrəvanın Azərbaycana qarşı ərazi iddiasını, sadəcə bunu indi başqa ad altında pərdələməyə məcbur olmasını sübut edir. “BMT tərəfindən mandat verilmiş sülhməramlı qüvvələr” dedikdə yəqin ki erməni nazir Avropa İttifaqının Ermənistandakı missiyasının Azərbaycan ərazilərində yerləşdirilməsi kimi xam xəyalı nəzərdə tutur. Aydındır ki, bunu Avropa İttifaqı, Fransa, Almaniya kimi ölkələr A.Mirzoyanın çıxışına salıblar.

Ermənistan bilməlidir ki, Brüsseldə oturub boş-boş bəyanat verən Marina Kalyurand, Natali Luazo kimi səlibçilərə, Fransa, Almaniya, Litva, Estoniya kimi ölkələrə, Luis Okamponun cızmaqarasına, Snop Doqqun tvitinə arxalanıb Azərbaycana qarşı çirkin siyasətini davam etdirməklə sülhə nail olmaq olmaz.

A.Mirzoyanın çıxışı onu göstərir ki, daşnak və mağara təfəkkürlü erməni diplomatları bölgədə sülh və barışığa maneə olmaqla yanaşı, həm də Ermənistanın bu 30 il ərzində “baş tutmamış dövlət” olmasının əsas səbəbkarlarından biridir.

Demokratiyadan danışan erməni nazirə son günlər Ermənistanda baş verən vətəndaş müharibəsini, polis zorakılığını, kütləvi saxlanılmaları xatırladırıq.

Biz Ermənistan hökumətindən Azərbaycanın ərazi bütövlüyünə və suverenliyinə qarşı qəsdini, onun daxili işlərinə qarışmağı dərhal dayandırmağı, Azərbaycanın işğal altında olan 8 kəndini azad etməyi, Ermənistandan qovulmuş azərbaycanlıların qayıdışına şərait yaratmağı və bu məqsədlə, BMT-nin qurumlararası missiyasının Ermənistana göndərilməsinə razılıq verməyi tələb edirik”.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video