Ermənistan seçkiyə bir-biri ilə açıq düşmənçilik edən düşərgələrə bölünmüş vəziyyətdə gedir
Ermənistan cəmiyyəti iyunun 20-nə təyin olunmuş növbədənkənar parlament seçkilərinə Qarabağ müharibəsində acınacaqlı məğlubiyyətin yaratdığı dərin siyasi böhran fonunda, eləcə də bir-biri ilə açıq düşmənçilik edən düşərgələrə bölünmüş vəziyyətdə gedir.
AZƏRTAC Ermənistanda seçkiöncəsi gərgin situasiyanın bəzi məqamlarına nəzər salır.
Seçkilərdə iştirak edəcək əsas oyunçuların bəyanat və davranışları göstərir ki, onlar nəinki yeni hökumət qurmağa can atır, həm də qalib gələcəkləri təqdirdə rəqiblərinə qarşı hüquqi təqiblərə başlamaq niyyətindədirlər. Siyasi qüvvələr və cəmiyyət 2020-ci ilin payızında Qarabağda baş verən müharibənin xəyal qırıqlığına səbəb olan nəticələrinin günahkarlarını axtarır. Hazırda onlar öz aralarında açıq düşmənçilik aparan bir neçə düşərgəyə bölünüb. Cəmiyyətin bir hissəsi döyüşə hazır ordu qura bilmədikləri, korrupsiya və rüşvətxorluq sxemlərinə qarışdıqları üçün əvvəlki hakimiyyətləri günahlandırır.
Cəmiyyətin digər hissəsi isə baş nazir vəzifələrini icra edən Nikol Paşinyanın rəhbərlik etdiyi hazırkı hakimiyyəti təqsirkar bilir. Opponentlərinin fikrincə, Paşinyan qeyri-effektiv daxili və xarici siyasət yürüdüb, Ermənistanın strateji müttəfiqi - Rusiya ilə münasibətlərin soyumasına imkan verib, ordunun döyüş qabiliyyətini zəiflədib və nəticədə cəmiyyəti parçalayaraq əvvəlki hakimiyyətlərə dəstəyi əhəmiyyətli dərəcədə artırıb.
Qarşıdakı seçkilərdə əsas rəqiblər Nikol Paşinyanın “Vətəndaş sazişi” partiyası və sabiq prezident Robert Koçaryanın “Ermənistan” blokudur. Sosioloji rəy sorğularının nəticələrinə əsasən, seçkiöncəsi mübarizənin hər iki lideri seçicilərin təxminən 24 faizinin səsini qazana bilər. Onlar Qarabağdakı məğlubiyyətə görə daim bir-birini ittiham edərək sərt təbliğat aparırlar.
Nikol Paşinyan artıq 2018-ci ildə xalqdan “məxməri mandat” aldığını, indi isə özünün dediyi kimi, “hakimiyyəti insanların əlindən almağa çalışan” bütün “sabiq korrupsionerlərin” və “sümürgəçi elitanın” öhdəsindən gəlmək üçün “polad mandat” istədiyini bildirib. Seçkilərdə qalib gələcəyi təqdirdə bütün “paslı mismarları çıxarmağı” vəd edən Paşinyan parlamentdə lazımi səs çoxluğuna malik olmaq üçün seçicilərdən 60 faiz səs istəyir.
Robert Köçəryan isə öz növbəsində Qarabağdakı acınacaqlı məğlubiyyətin səbəblərini müəyyənləşdirmək üçün müstəqil araşdırma aparılmalı olduğunu bildirir. Onun sözlərinə görə, müharibə hakimiyyətin yüksək eşelonlarında baş verən xəyanət nəticəsində uduzulub. Ermənistanın sabiq prezidenti seçkilərdə qələbə qazanacağı təqdirdə ölkəyə sabitlik gətirəcəyi, silahlı qüvvələrin döyüş qabiliyyətini bərpa edəcəyi və iqtisadi inkişafa nail olacağı barədə vədlər verir. Koçaryanın yaxın tərəfdarları Nikol Paşinyanın komandasını açıq şəkildə “şər hakimiyyəti” və “kapitulyator” adlandırır.
Müşahidəçilər həm Nikol Paşinyan komandasının, həm də Robert Koçaryan komandasının səsvermənin nəticələrini təkcə məhkəmələrdə deyil, həm də küçə və meydanlarda mübahisə obyektinə çevirməyə hazırlaşdıqlarından ehtiyatlanır. Paşinyan seçkilərdə qələbəsinin şübhə doğurmadığını bəyan etsə də, iyunun 21-dən 24-dək İrəvanın mərkəzindəki Respublika meydanının mitinq üçün ayrılması xahişi ilə şəhər meriyasına müraciət edib. Ermənistanın sabiq prezidenti Koçaryan da öz qələbəsinə əminliyini ifadə edərək, tərəfdarlarını seçkisonrası mübarizəyə hazır olmağa səsləyir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Türkiyənin aparıcı partiyalarından birinə yeni sədr seçilib
28 Aprel
Akademik avarçəkmə üzrə Azərbaycan millisinin üzvü “Paris-2024”ə lisenziya qazanıb
28 Aprel
Bəzi dağlıq ərazilərdə havanın qısamüddətli az yağıntılı olacağı gözlənilir
28 Aprel
Səhiyyə Nazirliyinin rəhbərliyi görkəmli oftalmoloq-alim, akademik Zərifə Əliyevanın xatirəsini ehti...
28 Aprel
Laçın və İrpen şəhərləri qardaşlaşacaq
28 Aprel
Kambocada bomba partlayışı nəticəsində 20 hərbçi ölüb
28 Aprel
Zəngilanda silah-sursat aşkar edilib
28 Aprel
Azərbaycan Ordusunda hərbiləşdirilmiş kross birinciliyi keçirilib
28 Aprel
“Titanik”in sərnişininin saatı rekord qiymətə satılıb
28 Aprel
Ağdam rayonu ərazisində mina hadisəsi baş verib
28 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!