30 May 2023 12:43
294
İDMAN
A- A+

Çingiz Hüseynzadə: Üçüncü Avropa Oyunlarının idman təqvimi bizim üçün o qədər də əlverişli deyil

 

Təəssüflə qeyd etməliyəm ki, qarşıdan gələn üçüncü Avropa Oyunlarının idman təqvimi bizim üçün o qədər də əlverişli deyil.

Bu sözləri Azərbaycan Milli Olimpiya Komitəsinin vitse-prezidenti Çingiz Hüseynzadə AZƏRTAC-a məxsusi müsahibəsində deyib.

Vitse-prezident qeyd edib ki, idmanın güləş növü üçüncü Avropa Oyunlarının proqramında yoxdur. Cüdo yarışları isə yalnız komanda şəklində keçiriləcək. Birinci və İkinci Avropa oyunlarında sambo olsa da, Polşada keçiriləcək yarışlarda idmanın bu növü proqramdan çıxarılıb.

“Medallara iddia etdiyimiz idman növləri üçüncü Avropa Oyunlarının proqramında yer almır. Ancaq digər idman növlərində də medal qazanmaq şansımız var. Bu səbəbdən üçüncü Avropa Oyunlarında idmançılarımızın performansları barədə nə isə demək mümkün deyil. Mən inanıram ki, idmançılarımız istənilən idman növündə sonadək mübarizə aparacaq və qələbə qazanmağa çalışacaqlar”, - deyə vitse-prezident əlavə edib.

Qeyd edək ki, üçüncü dəfə təşkil olunacaq Avropa Oyunları ilk dəfə 2015-ci ildə Bakıda keçirilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video