10 Iyul 2024 14:06
297
DÜNYA
A- A+

Borrel: Bu problemlə üzləşməyə hazır deyilik


2022-ci ilin fevralında Kiyevi bombalananda biz bu bədbəxt reallığa oyandıq və sonra başa düşdük ki, bu problemlə üzləşməyə hazır deyilik.
“Report” xəbər verir ki, bunu Avropa İttifaqının xarici işlər və təhlükəsizlik siyasəti üzrə ali nümayəndəsi Cozep Borrell Vaşinqtonda NATO-nun 75-ci ildönümü çərçivəsində Aİ-nin müdafiəsinə həsr edilən gecədə çıxışı zamanı deyib.
“75 il əvvəl Sovet İttifaqı Avropada azadlıq və demokratiya üçün təhlükə kimi meydana çıxdı. Biz isə birlik və güclə cavab verdik və bu gün bizim edə biləcəyimiz yeganə şey eyni yolu getməkdir. Mən burada - Vaşinqtonda məmnuniyyətlə demək istəyirəm ki, avropalılar, biz öz müdafiə qabiliyyətimizi yenidən qurmağa, müdafiə büdcəmizi artırmağa və müdafiə sənayemizi yüksəltməyə başladıq. Son üç ildə Avropada ümumi xərclər 30% artıb. Bu il isə biz demək olar ki, orta hesabla 2%-ə çatacağıq. Bizim üçün bu, strateji məsuliyyət məsələsidir. Biz bilirik, tam dərk edirik ki, özümüzü müdafiə edə bilmək üçün ordularımızın müdafiə qabiliyyətini artırmalıyıq”,-o qeyd edib.
C.Borrel vurğulayıb ki, Avropanın ərazi müdafiəsi üçün NATO-nun alternativi yoxdur: “Amma NATO-nu daha güclü etmək və yükü bölüşmək var. Son beş ildə çox işlər görülüb. Ağlasığmaz görünən bir şey reallığa çevrilib. Məsələn, müharibə aparan bir ölkəyə hərbi texnika vermək, bizim heç vaxt etmədiyimiz və Vaşinqtondan görmədiyimiz bir şeydir. Bu, məntiqli görünə bilər, amma hərbi ittifaq olmayan Avropa İttifaqı üçün, ümumi təhlükəsizlik və müdafiə siyasəti qurmaq istəsək də, bu, inqilabi idi.Müharibə başlamazdan iki həftə əvvəl mən Donbassda idim, Ukraynanın baş naziri ilə görüşdüm və o, mənə dedi ki, ruslar bizə nə vaxt hücum edəcəklərini bilirik, siz gənclərinizi Kiyevə döyüşməyə göndərməyəcəksiniz, amma müqavimət göstərməyimizə kömək edəcəksiniz? Ölkəmizi müdafiə etmək üçün bizə lazım olan silahları verəcəksiniz? O vaxt ona konkret cavab verə bilmədim, çünki əmin deyildim. Ancaq xoşbəxtlikdən, biz bunu etdik”.

“Azərbaycan”
 

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video