Bolqarıstanın vitse-prezidenti Azərbaycan vətəndaşlarının hüquqlarının Ermənistan tərəfindən pozulması barədə məlumatlandırılıb
Azərbaycan Respublikasının insan hüquqları üzrə müvəkkili (ombudsman) Səbinə Əliyeva Bolqarıstan Respublikasının vitse-prezidenti İliana İotova ilə görüşüb.
Ombudsman Aparatından AZƏRTAC-a bildiriblər ki, səmimi qəbula görə təşəkkürünü ifadə edən Səbinə Əliyeva İ.İotovaya Ombudsman təsisatın beynəlxalq əlaqələri, dünya ictimaiyyətinə ünvanlanmış hesabatlar və müraciətlər barədə məlumat verib.
Ombudsman Ermənistan tərəfindən azərbaycanlıların etnik təmizləməyə məruz qaldığını, 30 ilə yaxındır qaçqın və məcburi köçkün həyatı yaşamağa məcbur olmuş vətəndaşlarımızın insan hüquqlarının kobud şəkildə pozulduğunu bildirib. O, həmçinin çıxışında Birinci və İkinci Qarabağ müharibələri nəticəsində itkin düşmüş azərbaycanlıların sayı barədə məlumat verib, bu günədək onlar barədə Ermənistan tərəfindən heç bir məlumatın verilmədiyini diqqətə çatdırıb.
Görüşdə Vətən müharibəsi nəticəsində işğaldan azad edilmiş ərazilərdə geniş quruculuq işlərinin aparıldığı qeyd olunub. Ombudsman vurğulayıb ki, həmin ərazilərdə basdırılan minalar bu prosesə, xüsusilə də məcburi köçkünlərin həmin bölgələrə qayıdaraq məskunlaşmasına ciddi maneə yaradır. S.Əliyeva Ermənistan tərəfinin basdırdığı minaların xəritələrini təqdim etməməsinin çox sayda azərbaycanlının ölümünə və yaralanmasına səbəb olduğunu diqqətə çatdırıb. Qeyd edilib ki, bu sahədə beynəlxalq ictimaiyyətin dəstəyi və mina xəritələrinin verilməsi ilə bağlı çağırışlar xüsusi əhəmiyyət daşıyır.
Öz növbəsində İ. İotova ombudsmana ətraflı məlumata görə təşəkkürünü bildirib. O, qarşılıqlı əlaqələrin inkişafı baxımından Azərbaycanın Ombudsman Aparatı ilə Bolqarıstanın Ayrı-seçkiliyə qarşı Müdafiə üzrə Komissiyası arasında Anlaşma Memorandumunun imzalanmasını yüksək qiymətləndirib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Zelenski: Ukraynaya 10 il ərzində dəstək vermək üçün ABŞ-la danışıqlar aparılır
29 Aprel
İrpendə “Azərbaycan Günü” keçirilib
28 Aprel
Prezidentin Mətbuat xidmətinin məlumatı
28 Aprel
QDİƏT PA-da Türkiyə heyətinin rəhbəri: Ankara ABŞ və Aİ-nin Cənubi Qafqaza münasibətindən narahatdır...
28 Aprel
Ukrayna ordusu Donetskin 3 yaşayış məntəqəsindən geri çəkilib
28 Aprel
“Nizami” Kino Mərkəzində “Azərbaycanda Rusiya Kinosu Günləri”nin bağlanış mərasimi keçirilib...
28 Aprel
Premyer Liqa: "Qəbələ"nin mövsümü sonuncu pillədə bitirməsi dəqiqləşib
28 Aprel
Türkiyənin aparıcı partiyalarından birinə yeni sədr seçilib
28 Aprel
Akademik avarçəkmə üzrə Azərbaycan millisinin üzvü “Paris-2024”ə lisenziya qazanıb
28 Aprel
Bəzi dağlıq ərazilərdə havanın qısamüddətli az yağıntılı olacağı gözlənilir
28 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!