Beynəlxalq Enerji Agentliyi (IEA) 32 üzv ölkənin istifadə edəcəyi ümumilikdə 400 milyon barel strateji neft ehtiyatlarının təfərrüatlarını açıqlayıb.
AZƏRTAC xəbər verir ki, üzv ölkələr strateji neft ehtiyatlarından istifadə ilə bağlı fərdi icra planlarını IEA-ya təqdim ediblər. Ehtiyatlar qısa müddət ərzində bazara çıxarılacaq.
IEA-nın Asiya-Okeaniyadakı üzv ölkələri isə ehtiyatlarını dərhal bazara çıxaracaqlar. Amerika və Avropadakı üzv ölkələr isə ehtiyatlarnı bu ayın sonundan etibarən bazara çıxarmağa başlayacaqlar.
Məlumata görə, bazara çıxarılacaq ümumilikdə 400 milyon barel həcmindəki ehtiyyatların 72 faizini xam neft, 28 faizini isə neft məhsulları təkil edəcək. Bu həcmin 172,2 milyon bareli Amerikanın, 66,8 milyon bareli Asiya-Okeaniya ölkələrinin, 32,7 milyon bareli isə Avropanın strateji neft ehtiyatlarından ibarət olacaq. Həmçinin Asiya-Okeaniya ölkələrinin sənaye ehtiyatlarından 41,8 milyon barel, Avropanın sənaye ehtiyatlarından isə 74,8 milyon barel istifadə olunacaq.
Bundan əlavə, bu təşəbbüsü dəstəkləmək üçün Kanadanın yerli istehsalçılarından 23,6 milyon barel neft təqdim ediləcək.
Xatırladaq ki, martın 11-də Beynəlxalq Enerji Agentliyinin 32 üzv ölkəsi Yaxın Şərqdəki münaqişə fonunda qlobal enerji bazarındakı çatışmazlığı aradan qaldırmaq üçün strateji neft ehtiyatlarının 400 milyon barelini bazara yönləndirmək barədə yekdilliklə razılığa gəliblər.
IEA-ya üzv ölkələr 1,2 milyard bareldən çox strateji neft ehtiyata malikdirlər, əlavə olaraq 600 milyon barel sənaye ehtiyatı isə hökumət öhdəliyində saxlanılır.
1974-cü ildə yaradılan Beynəlxalq Enerji Agentliyi bu müddətdə altı dəfə - 1991-ci, 2005-ci, 2011-ci və 2022-ci ildə iki dəfə olmaqla strateji ehtiyatlardan istifadə olunması barədə qərar qəbul edib.
jpeg_1777558782.jpeg)
