Bakıdakı Rus Kitabı Evində Xalq yazıçısının kitabları təqdim edilib
Oktyabrın 15-də Bakıdakı Rus Kitabı Evində məşhur qələm ustası, Xalq yazıçısı, dramaturq, “Şöhrət” ordeni kavaleri Natiq Rəsulzadənin oxucularla görüşü keçirilib. Görüşdə müəllifin həm yeni, həm də əvvəllər nəşr olunmuş əsərlərindən ibarət “Seçilmiş” və “Qapının arxasında dayanan” adlı iki hekayə və povestlər toplusunun təqdimatı olub.
AZƏRTAC xəbər verir ki, görüşün əvvəlində Natiq Rəsulzadə iştirakçılara müraciət edərək ədəbiyyatın gənc nəslin dünyagörüşünün genişləndirilməsində, düzgün düşüncənin formalaşmasında mühüm rol oynadığını söyləyib. Yazıçı ölkələrin gələcəyinin kitablardan və mütaliədən asılı olduğunu qeyd edib: “Bu yaxınlarda Bakı Beynəlxalq Kitab Sərgisində iştirak etdim. Müxtəlif nəsillərin nümayəndələrinin təqdim olunan ədəbiyyata necə böyük maraq göstərdiklərini, eyni anda bir neçə kitab aldıqlarını görmək xoş oldu. Gənclər çox oxumalıdır, bədii ədəbiyyat insanın qəlbinə və şüuruna gedən birbaşa yoldur”.
Yazıçı kitablara daxil olan əsərlərin ortaq bir fikirlə - əxlaqi və mənəvi dəyərlərin əhəmiyyəti və sarsılmazlığı ilə əlaqəli olduğunu diqqətə çatdırıb. Hekayələrdə Xeyir və Şərin, bir anlığın və əbədi olanın, doğru olanla xeyirli olanın, əxlaqi və əxlaqsız əməllər arasındakı seçimlə bağlı əbədi problemlər qaldırılır.
Sonra çıxış edən Rusiya Federasiyasının Azərbaycandakı səfiri Mixail Boçarnikov görkəmli yazıçı Natiq Rəsulzadənin yaradıcılığının Azərbaycandan kənarda çox populyar olduğunu, onun əsərlərinin dünyanın hər yerində oxunduğunu deyib, xüsusən rusdilli auditoriyanın onu orijinal üslubu və hecasına görə sevdiyini qeyd edib. Səfir Natiq Rəsulzadə kimi şəxsiyyətlərin töhfəsi sayəsində Rusiya ilə Azərbaycan arasında mədəni əlaqələrin genişləndiyini vurğulayıb. M.Boçarnikov müəllifə daha böyük uğurlar və tükənməz ilham hissi arzulayıb.
Xalq yazıçısı Çingiz Abdullayev hələ tələbə ikən Natiq Rəsulzadənin yaradıcılığına aşiq olduğunu, onun “Gecədə atlı” əsərinin o dövrün ədəbi aləmində sensasiya doğurduğunu söyləyib. “Yazıçı vicdana, yaxşılığa doğru çağırmalı, insanları düzgün hərəkətlərə təşviq etməlidir. Natiq Rəsulzadənin əsərlərində əxlaq və mənəviyyat hər zaman tərənnüm edilir. Onun bir çox hekayələri mənə çox təsir edib. Müəllifin yaradıcılığı ədəbiyyatımızda xüsusi yer tutur. Onunla uzun illər dost olduğumla fəxr edirəm. Natiq Rəsulzadə rus dilinin böyük ustasıdır, əsərləri insana zövq verir. Gənclərin onun hər zaman aktual olan yaradıcılığına necə böyük maraq göstərdiyini görmək çox xoşdur”, - deyə Ç.Abdullayev bildirib.
“Rossotrudniçestvo”nun Azərbaycandakı nümayəndəliyinin rəhbəri İrek Zinnurov Natiq Rəsulzadənin yaradıcılığının böyük pərəstişkarı olduğunu və müəlliflə görüşməyinə çox şad olduğunu gizlətməyib: “Biz Rusiya ilə Azərbaycan arasında mədəni əlaqələrin genişləndirilməsi və gücləndirilməsi üçün əlimizdən gələni edirik. Bu işdə iki ölkənin mədəniyyət və incəsənət xadimləri çox böyük töhfə verirlər. Bugünkü görüşün təşkilinə görə Rus Kitabı Evinin rəhbərliyinə də təşəkkür etmək istərdim, bu cür tədbirlər Rusiya və Azərbaycan xalqlarının yaxınlaşmasında böyük rol oynayır”.
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov Natiq Rəsulzadəyə Azərbaycan ədəbiyyatının inkişafındakı xidmətlərinə görə minnətdarlığını bildirib. O, incə söz ustadının onu digər yazıçılardan fərqləndirən bənzərsiz üslub yaratdığını, müəllifin məhz xüsusi üslubu sayəsində oxucuların sevgisini qazandığını qeyd edib.
Təqdimatda çıxış edən Natiq Rəsulzadənin dostları və həmkarları onun ədəbiyyata verdiyi töhfələrdən danışıb, çoxşaxəli yaradıcılığının müxtəlif tərəflərinə toxunub, ona gələcək uğurlar arzulayıblar.
Sonra N.Rəsulzadənin “Seçilmiş” və “Qapının arxasında dayanan” kitabları iştirakçılara təqdim olunub.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
FAO COP29-un yüksək səviyyədə keçməsi üçün Azərbaycana dəstək verməyə hazır olduğunu bildirib...
05 May
Azərbaycan COP29 çərçivəsində Şərqlə Qərb arasında körpü olacaq
05 May
Mina terroruna görə Ermənistan dünya birliyi tərəfindən qınanılmır
05 May
Regionun gündəliyi Azərbaycan tərəfindən müəyyənləşdirilir
05 May
Beynəlxalq təşkilatlar delimitasiya və demarkasiya prosesini dəyərləndirirlər
05 May
Azərbaycanın təşəbbüsləri bəhrəsini verir
05 May
"Bakı Prosesi" bir daha göstərdi ki, Azərbaycan dünya üçün tolerantlıq nümunəsidir
05 May
Dünyanın çalxalanması fonunda ölkəmizdə sabitliyin olmasının xüsusi önəmi var
05 May
Azərbaycan müxtəlif mədəniyyətlərin inkişafına töhfə verir
05 May
Qərb Gürcüstanı Ukraynaya çevirmək niyyətindədir
05 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!