Bakıda keçirilən Beynəlxalq Memarlıq Forumu öz işini yekunlaşdırıb
İyunun 11-də Bakıda, Heydər Əliyev Mərkəzində Beynəlxalq Memarlıq Forumu çərçivəsində Beynəlxalq Memarlar İttifaqının (BMİ) növbədənkənar Baş Assambleyası keçirilib.
AZƏRTAC xəbər verir ki, iclasın gündəliyi təsdiq olunduqdan sonra BMİ-nin fəaliyyəti barədə təşkilatın prezidenti Tomas Vonyenin hesabatı dinlənilib.
Tədbirdə Azərbaycan Memarlar İttifaqı İdarə Heyətinin sədri və BMİ-nin Şura üzvü Elbay Qasımzadə çıxış edərək Bakıya gəlib bu tədbirlərdə iştirak etdiklərinə görə assambleya üzvlərinə təşəkkürünü bildirib. O, əminliklə qeyd edib ki, qonaqlar öz vətənlərinə ölkəmizlə bağlı yaxşı təəssüratlarla qayıdacaqlar.
Sonra BMİ-nin keçmiş prezidenti Esa Mohamedin, eləcə də təşkilatın Baş katibi Serban Tiganasın hesabatları dinlənilib.
Toplantı zamanı BMİ-nin tərkibini müəyyən edən beş regionun vitse-prezidentləri çıxış edərək təmsil etdikləri region üzrə üzv ölkələrin memarlar birliklərinin fəaliyyəti barədə məruzələrlə çıxış ediblər.
Daha sonra BMİ-nin maliyyə hesabatı barədə məlumat verilib.
Beynəlxalq Memarlar İttifaqının Memarlıq təhsili komissiyasının fəaliyyəti barədə Maqda Mostafa və Marilis Nepomeçye, Peşəkarlıq praktikası komissiyasının fəaliyyəti barədə Ceyms Rayt və Çjuan Veymin, Beynəlxalq müsabiqələr komissiyasının fəaliyyəti barədə Regina Qontyer və Yeji Qroxulski, Dayanıqlı inkişaf məqsədləri komissiyasının fəaliyyəti barədə Natali Mossin və İştiyaq Zahir hesabatlarla çıxış ediblər.
Tədbirdə həmçinin BMİ-nin işçi proqramlarının fəaliyyəti barədə hesabatlar da dinlənilib.
UNESCO-nun Ümumdünya Memarlıq Paytaxtı, 2020-ci ildə Rioda keçiriləcək XXVII Ümumdünya Konqresi və 2023-cü ildə Kopenhagendə keçiriləcək XXVIII Ümumdünya Konqresi barədə məlumatla tanış olan Assambleya üzvləri müzakirə olunan məsələlər barədə öz fikirlərini bölüşüblər.
Fasilədən sonra BMİ-nin ümumi siyasəti və inkişaf konsepsiyası barədə üzv ölkələrin nümayəndələrinin çıxışları dinlənilib. Sonra Nizamnamə üzrə təftiş komissiyasının hesabatı dinlənilərək səsə qoyulub.
Səsvermədən sonra 2021-ci ildə beynəlxalq forumun keçirilməsi üçün namizədlikləri irəli sürülmüş ər-Riyad və Madrid şəhərlərinin təqdimatı və səsverməsi olub.
Assambleya üzvləri Bakıda keçirilən "Tarixi şəhərlərdə kütləvi turizm” mövzusunda forumun əhəmiyyətini vurğulayaraq ilk forumun Bakıda yüksək səviyyədə keçirilməsinin sonrakı forumları qəbul edəcək şəhərlər üçün gözəl nümunə olduğunu və Bakıya Beynəlxalq Memarlar İttifaqının "Memarlıq Forumu şəhəri-2019” statusunun verildiyini qeyd ediblər.
Bununla da "Tarixi şəhərlərdə kütləvi turizm” mövzusunda Beynəlxalq Memarlıq Forumu öz işini yekunlaşdırıb.
Qeyd edək ki, forum Mədəniyyət Nazirliyi və Azərbaycan Memarlar İttifaqının dəstəyi, BMİ-nin iştirakı ilə reallaşıb.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Türkiyənin aparıcı partiyalarından birinə yeni sədr seçilib
28 Aprel
Akademik avarçəkmə üzrə Azərbaycan millisinin üzvü “Paris-2024”ə lisenziya qazanıb
28 Aprel
Bəzi dağlıq ərazilərdə havanın qısamüddətli az yağıntılı olacağı gözlənilir
28 Aprel
Səhiyyə Nazirliyinin rəhbərliyi görkəmli oftalmoloq-alim, akademik Zərifə Əliyevanın xatirəsini ehti...
28 Aprel
Laçın və İrpen şəhərləri qardaşlaşacaq
28 Aprel
Kambocada bomba partlayışı nəticəsində 20 hərbçi ölüb
28 Aprel
Zəngilanda silah-sursat aşkar edilib
28 Aprel
Azərbaycan Ordusunda hərbiləşdirilmiş kross birinciliyi keçirilib
28 Aprel
“Titanik”in sərnişininin saatı rekord qiymətə satılıb
28 Aprel
Ağdam rayonu ərazisində mina hadisəsi baş verib
28 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!