11 May 2023 02:02
862
ELANLAR
A- A+

"Azərenerji" ASC "Müasir energetikanın banisi" filmini təqdim etdi

 

Ulu Öndər Heydər Əliyevin anadan olmasının 100 illiyi ilə bağlı "Azərenerji" ilin əvvəlindən başlayaraq həyata keçirdiyi silsilə tədbirlərin davamı olaraq Ümummilli Liderin elektroenergetika sahəsində gördüyü misilsiz fəaliyyətilə bağlı "Müasir energetikanın banisi" adlı filmin təqdimatını keçirib. 
"Azərenerji"  ASC-nin Mətbuat xidmətinin verdiyi məlumata görə, tədbirin əvvəlində "Azərenerji" rəhbərliyi və məsul şəxslər Ulu Öndərin Fəxri xiyabandakı məzarını ziyarət edib, önünə gül dəstələri qoyublar. Sonra "Azərenerji"nin Baş İdarəetmə, Elm, Tədris Kompleksində Ulu Öndərin fəaliyyətini əks etdirən fotosərgiyə baxış keçirilib. Daha sonra "Müasir energetikanın banisi" filmi nümayiş etdirilib. 
Filmdə Ulu Öndər Heydər Əliyevin 1969-cu ildə Azərbaycan rəhbərliyinə gəlişindən sonra respublikanın sosial-iqtisadi həyatının mühüm sahələrindən biri olan energetika sektorunda Moskvanın maneçiliyinə baxmayaraq, Azərbaycan enerjisistemini kənar mənbələrdən asılı vəziyyətdən çıxarmasından və Ulu Öndərin Azərbaycanda enerji müstəqilliyinin və təhlükəsizliyinin bünövrəsini qoymasından bəhs edilir. Həmçinin 1993-cü ilin iyununda Heydər Əliyevin xalqın tələbi ilə yenidən siyasi hakimiyyətə qayıtdıqdan sonra elektroenergetika sahəsində əməli fəaliyyətə keçməsi də filmdə özünə geniş yer alır. Ulu Öndər Heydər Əliyevin şəxsi təşəbbüsü və qayğısı sayəsində - onun siyasi hakimiyyətdə olduğu hər iki dövrdə Azərbaycanın energetika sistemində 3300 MVt-dan artıq generasiya gücü yaradılması da filmdə öz əksini tapıb. 
Filmin təqdimatında "Azərenerji" ASC-nin rəhbəri Baba Rzayev çıxış edərək Ulu Öndərin həyatından və energetika sahəsində misilsiz fəaliyyətindən danışıb. 
Ulu Öndərin 100 illiyi ilə bağlı hazırlanan filmin təqdimatından sonra çoxminli kollektivi olan "Azərenerji"nin xüsusi yardım bağlamaları şəhid əməkdaşlarının ailələrinə, övladı şəhid olan işçilərə və qazilərə göndərilib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video