Azərbaycanla Rusiya arasında münasibətlər müsbət dinamika ilə inkişaf edir
Sentyabrın 28-də Milli Məclisdə Rusiya Federasiyasının hakim partiyasının gənclər təşkilatı olan "Vahid Rusiya Gənclər Qvardiya”sı Ümumrusiya İctimai Təşkilatının nümayəndələri ilə görüş keçirildi.
Görüşdə Azərbaycan-Rusiya parlamentlərarası əlaqələr üzrə işçi qrupunun rəhbəri, Milli Məclisin Hüquq siyasəti və dövlət quruculuğu komitəsinin sədri Əli Hüseynli, Müdafiə, təhlükəsizlik və korrupsiya ilə mübarizə komitəsinin sədr müavini Aydın Mirzəzadə, Azərbaycandakı Rus İcmasının rəhbəri, deputatlar Mixail Zabelin, Sevinc Hüseynova, Azər Badamov və digərləri iştirak ediblər.
Əli Hüseynli Azərbaycan-Rusiya əməkdaşlığının yüksək səviyyədə olduğunu qeyd edərək parlamentlər arasında sıx və səmimi əlaqələrin mövcud olduğunu, qanunvericilik sahəsində səmərəli təcrübə və fikir mübadiləsi aparıldığını söylədi. Komitə sədri bildirdi ki, hər iki ölkənin parlamentlərində gənclər də təmsil olunur və dövlət başçılarının keçirdikləri görüşlər, forumlar gənclərimiz arasında əməkdaşlığın inkişaf etdirilməsinə böyük töhfə verir.
Mixail Zabelin isə IX Azərbaycan-Rusiya Regionlararası Forumunun keçirilməsini, Rusiya Prezidenti Vladimir Putinin Azərbaycana səfərini xatırladaraq son dövrdə iki ölkə arasında münasibətlərin müsbət dinamika ilə inkişaf etdiyini diqqətə çatdırdı. O, Azərbaycanın multikultural, tolerant ölkə olduğunu vurğulayaraq ölkəmizdə rus dilinin, mədəniyyətinin bu gün də qorunub saxlanıldığını bildirdi: "Burada uzun zamandır böyük rus icması yaşayır. Gürcüstan, Ermənistandan fərqli olaraq Azərbaycanda rus dilinə və mədəniyyətinə daha böyük diqqət göstərilir. Rus mədəniyyətini, rus dilini saxlamaqla Azərbaycan suverenliyini, müstəqilliyini itirməyib. Əksinə, ulu öndər Heydər Əliyevin və Prezident İlham Əliyevin dediyi kimi, gənclərimiz nə qədər çox dil bilsələr, bir o qədər intellektual və mədəni olacaqlar. Azərbaycanda sovet dövründə mövcud olan rusdilli məktəblər bu gün də fəaliyyət göstərir. Hər kəs rus dilində təhsil almaq imkanına sahibdir. 17 mindən çox tələbə təhsilini rus dilində alır”.
Parlamentin Müdafiə, təhlükəsizlik və korrupsiya ilə mübarizə komitəsinin sədr müavini Aydın Mirzəzadə Azərbaycanla Rusiya arasında mehriban qonşuluq əlaqələrinin mövcudluğundan danışaraq vurğuladı ki, hər iki dövlət başçıları təkcə həmkar deyil, həm də səmimi dostdurlar.
Rusiya nümayəndə heyətinin üzvü Dinar Railoviç Barıyev də öz növbəsində bu səfərin mədəniyyətlərarası dialoqun təşkilinə töhfə verəcəyinə ümidvarlığını ifadə etdi: "Azərbaycanda bizi yüksək qonaqpəvərliklə qarşılayıblar. Bu cür səfərlər bizim ölkələrimiz arasında dostluğumuzun necə inkişaf etdiyini göstərir. Azərbaycan ilə Rusiya gəncləri arasında dostluq münasibətləri davam edir və gələcəkdə də azərbaycanlı gəncləri Rusiyaya dəvət etmək niyyətindəyik”.
Deputat Sevinc Hüseynova da xalqlar arasında mənəvi yaxınlıq və dostluq bağlarının əməkdaşlığın genişləndirilməsinə kömək etdiyini vurğulayıb.
Görüş qarşılıqlı maraq doğuran məsələlər ətrafında müzakirələrlə davam etdirilib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Zelenski: Ukraynaya 10 il ərzində dəstək vermək üçün ABŞ-la danışıqlar aparılır
29 Aprel
İrpendə “Azərbaycan Günü” keçirilib
28 Aprel
Prezidentin Mətbuat xidmətinin məlumatı
28 Aprel
QDİƏT PA-da Türkiyə heyətinin rəhbəri: Ankara ABŞ və Aİ-nin Cənubi Qafqaza münasibətindən narahatdır...
28 Aprel
Ukrayna ordusu Donetskin 3 yaşayış məntəqəsindən geri çəkilib
28 Aprel
“Nizami” Kino Mərkəzində “Azərbaycanda Rusiya Kinosu Günləri”nin bağlanış mərasimi keçirilib...
28 Aprel
Premyer Liqa: "Qəbələ"nin mövsümü sonuncu pillədə bitirməsi dəqiqləşib
28 Aprel
Türkiyənin aparıcı partiyalarından birinə yeni sədr seçilib
28 Aprel
Akademik avarçəkmə üzrə Azərbaycan millisinin üzvü “Paris-2024”ə lisenziya qazanıb
28 Aprel
Bəzi dağlıq ərazilərdə havanın qısamüddətli az yağıntılı olacağı gözlənilir
28 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!