Azərbaycan Respublikası Atçılıq Federasiyasının təşkilatçılığı ilə çövkən milli atüstü oyunu üzrə Şuşa kuboku turnirinin final görüşü keçirilib
Binə Atçılıq Mərkəzində keçirilən turnirin qalibləri mükafatlandırılıb
Avqustun 6-da Azərbaycan Respublikası Atçılıq Federasiyasının (ARAF) təşkilatçılığı ilə çövkən milli atüstü oyunu üzrə Şuşa kuboku turnirinin final görüşü keçirilib.
AZƏRTAC xəbər verir ki, Binə Atçılıq Mərkəzini qapalı manejində baş tutan final görüşündən əvvəl tamaşaçılara “Odlar yurdu” şousu nümayiş etdirilib.
Yarışın həlledici görüşündə “Buta Qolden” və “Polad” komandaları birincilik uğrunda mübarizə aparıblar. “Polad” komandası ilk hissəni 1:0 öndə başa vurub. İkinci hissəyə də “Polad” yaxşı başlayaraq, hesab arasındakı fərqi ikiyə çatdırıb. Matçın sonlarında “Buta” təsəlli qolu vurub. Beləliklə, gərgin idman mübarizəsi şəraitində keçən qarşılaşmada “Polad” komandası rəqibini 2:1 hesabı ilə məğlub edərək Şuşa kubokunun qalibi olub.
Qeyd edək ki, “Sərhədçi Dilbaz” və “Köhlən” komandaları arasında Şuşa kubokunda üçüncü yer uğrunda mübarizə isə “Sərhədçi Dilbaz” komandasının 5:0 hesablı qələbəsi ilə yekunlaşıb.
Oyundan sonra Şuşa kuboku turnirinin qaliblərinin mükafatlandırılması mərasimi olub.
Yarışın qalib komandası qızıl medal və kubok, ikinci və üçüncü yeri tutan komandalar isə müvafiq olaraq gümüş və bürünc medallarla təltif olunublar. Mükafatları ARAF-ın prezidenti Elçin Quliyev təqdim edib. E.Quliyev çıxış edərək məlumat verib ki, qalib komandaya 10 min, finalçıya 7 min və bürünc medalçıya 4 min manat pul mükafatı da veriləcək.
Turnirdə altı komanda kubok və medallar uğrunda mübarizə aparıb.
Xatırladaq ki, qrup oyunları nəticəsində üç güc səbətindən eyni reytinqə sahib olan komandalar arasında A qrupunda yer alan “Sərhədçi Dilbaz” və “Polad” komandaları, B qrupundan isə “Buta Qolden” və “Köhlən” komandaları yarımfinala vəsiqə qazanıb. Yarımfinal oyunlarında “Buta Qolden” komandası “Sərhədçi Dilbaz” komandası üzərində 5:3 hesablı, “Polad” komandası isə “Köhlən” komandası üzərində 4:0 hesablı qələbə əldə edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Düzgün nəfəs almaq ömrü uzadır
23 Aprel
Ekstremal hava şəraiti Avropaya milyardlarla avro məbləğində ziyan vurub
23 Aprel
Böyük Britaniya Kiyevə 617 milyon dollar hərbi yardım edir
23 Aprel
Yuxu problemini aradan qaldırmaq üçün ən təsirli meyvə - Ananas
23 Aprel
Britaniyalı nazir Azərbaycan və Ermənistan arasında delimitasiya üzrə irəliləyişi alqışlayıb...
23 Aprel
ABŞ günəş enerjisinin inkişafı üçün 7 milyard dollar ayırıb
23 Aprel
ABŞ tənəzzüldədir
23 Aprel
Öz dilinə tərcümə olunan şair
23 Aprel
Tarixə şahidlik edəcək abidələrimiz
23 Aprel
Zamanın fövqündə dayanan ədəbi irs
23 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!