Azərbaycan ilə Fransa arasında elm və təhsil əlaqələri genişlənir
Xəzər Universitetinin və “Dünya” məktəbinin nümayəndə heyəti Azərbaycanın Fransadakı səfirliyinin dəstəyi ilə Parisə səfər edib. Məqsəd Paris Sorbonna Universiteti və şəhərin tanınmış orta məktəbləri ilə əlaqələr qurmaqdır.
Nümayəndə heyəti Paris Sorbonna Universitetinin prezidenti, professor Jobert Barthelemi ilə görüşüb. Görüşdə qarşılıqlı maraq doğuran məsələlərə toxunulub, əməkdaşlığın perspektivləri müzakirə olunub.
Daha sonra nümayəndə heyətinin üzvləri Paris Sorbonna Universitetinin kampusunda olublar. Onlara bu ali məktəbin tarixi və bu günü haqqında ətraflı məlumat verilib.
“Luis Les Grand” məktəbində keçirilən görüşdə direktor Jean Bastinelli Fransanın görkəmli şəxslərinin, eləcə də ölkə prezidentlərinin məzun olduqları bu məktəbin şanlı keçmişi, ənənələri və kampusu barədə məlumat verib.
“Dünya” məktəbi və “Luis Les Grand” məktəbi əməkdaşlıq etməyə razılaşıblar.
Azərbaycanın Fransadakı səfirliyi nəzdində fəaliyyət göstərən Azərbaycan Mədəniyyət Mərkəzində Xəzər Universiteti və “Dünya” məktəbinin təqdimatı keçirilib. Universitetin fəaliyyətini əks etdirən foto-qalereya, bu ali məktəbin nəşriyyatının əsərlərindən (kitablar, lüğətlər, jurnallar və s.) ibarət sərgi nümayiş olunub .
Azərbaycanın Fransadakı səfirinin siyasi işlər üzrə müşaviri Nigar Hüseynova mərkəzin fəaliyyəti haqqında məlumat verib.
Nümayəndə heyəti Panteon Sorbonna 1 Universitetinin beynəlxalq əlaqələr üzrə prorektoru Mariya Qravari-Barbasın başçılıq etdiyi heyətlə görüşüb. İki universitet arasında əməkdaşlıq məsələləri müzakirə edilib.
Xəzər Universiteti nümayəndə heyətinin Parisin məşhur “Viktor Hüqo” məktəbində və YUNESKO Assosiativ Məktəblər şəbəkəsinin müdiriyyəti ilə də görüşləri nəzərdə tutulur.
Nümayəndə heyətinin Parisə səfəri Azərbaycan ilə Fransa arasında elm və təhsil əlaqələrinin gücləndirilməsinə xidmət edir.
AZƏRTAC
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Zelenski: Ukraynaya 10 il ərzində dəstək vermək üçün ABŞ-la danışıqlar aparılır
29 Aprel
İrpendə “Azərbaycan Günü” keçirilib
28 Aprel
Prezidentin Mətbuat xidmətinin məlumatı
28 Aprel
QDİƏT PA-da Türkiyə heyətinin rəhbəri: Ankara ABŞ və Aİ-nin Cənubi Qafqaza münasibətindən narahatdır...
28 Aprel
Ukrayna ordusu Donetskin 3 yaşayış məntəqəsindən geri çəkilib
28 Aprel
“Nizami” Kino Mərkəzində “Azərbaycanda Rusiya Kinosu Günləri”nin bağlanış mərasimi keçirilib...
28 Aprel
Premyer Liqa: "Qəbələ"nin mövsümü sonuncu pillədə bitirməsi dəqiqləşib
28 Aprel
Türkiyənin aparıcı partiyalarından birinə yeni sədr seçilib
28 Aprel
Akademik avarçəkmə üzrə Azərbaycan millisinin üzvü “Paris-2024”ə lisenziya qazanıb
28 Aprel
Bəzi dağlıq ərazilərdə havanın qısamüddətli az yağıntılı olacağı gözlənilir
28 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!