Azərbaycan Dillər Universiteti Malanq İslam Universiteti ilə əməkdaşlıq edəcək
Martın 6-da Azərbaycan Dillər Universiteti (ADU) ilə İndoneziyanın Malanq İslam Universiteti arasında anlaşma memorandumu imzalanıb.
Memorandum ADU-nun rektoru, akademik Kamal Abdulla və Malanq İslam Universitetinin rektoru, professor Haci Maskuri Bakri tərəfindən imzalanıb.
ADU-dan AZƏRTAC-a bildirilib ki, memorandumda tələbə və müəllim mübadiləsi, elmi-pedaqoji kadrların ixtisaslarının artırılması sahəsində əməkdaşlıq, birgə elmi tədbirlərin keçirilməsi, elmi nəşrlərin hazırlanması və bir sıra başqa istiqamətlər üzrə faydalı əməkdaşlığın həyata keçirilməsi nəzərdə tutulur.
K.Abdulla yalnız Azərbaycanda deyil, digər ölkələrdə də tanınan ADU-nun ölkələrarası əlaqələrin qurulmasında böyük potensiala malik olduğunu qeyd edib. Universitetdə fəaliyyət göstərən beş fakültə ilə bağlı məlumat verən rektor burada tədris olunan dil və mədəniyyətlər haqqında məlumat verib. Müxtəlif xalq və dini konfensiya nümayəndələrinin məskunlaşdığı Azərbaycanın multikultural dəyərlərindən söz açan K.Abdulla universitetdə mövcud olan Multikulturalizm Elmi-Tədqiqat Laboratoriyasının fəaliyyətindən danışıb. Azərbaycan multikulturalizmi fənninin bir çox xarici ölkələrin universitetlərində tədris olunduğunu vurğulayan rektor ADU-nun Malanq İslam Universitetində də bu fənnin tədrisi ilə bağlı əməkdaşlığa hazır olduğunu bildirib.
Görüşdə iştirak edən İndoneziyanın Azərbaycandakı səfiri Hüsnan Bey Fanani səmimi qəbula görə minnətdarlığını bildirib. O, İndoneziyadan gələn qonaqları ADU ilə tanış etməkdən məmnun olduğunu söyləyib.
Malanq İslam Universitetinin rektoru, professor H.Maskuri Azərbaycanın sürətlə inkişaf etdiyini və hər iki ölkənin dini dəyərlərinin oxşarlığı baxımından yaxın olduğunu söyləyib. H.Maskuri rəhbərlik etdiyi universitetdə on üç mindən artıq tələbənin təhsil aldığını deyib. O, xarici tələbələrin də təhsil aldığı universitetdəki on fakültənin fəaliyyətindən söz açıb. H.Maskuri Malanq İslam Universitetində islami dəyərlərə, həmçinin multikultural amillərə önəm verilməsindən bəhs edib.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Dubayda dünyanın ən böyük hava limanı tikiləcək
29 Aprel
Zelenski: Ukraynaya 10 il ərzində dəstək vermək üçün ABŞ-la danışıqlar aparılır
29 Aprel
İrpendə “Azərbaycan Günü” keçirilib
28 Aprel
Prezidentin Mətbuat xidmətinin məlumatı
28 Aprel
QDİƏT PA-da Türkiyə heyətinin rəhbəri: Ankara ABŞ və Aİ-nin Cənubi Qafqaza münasibətindən narahatdır...
28 Aprel
Ukrayna ordusu Donetskin 3 yaşayış məntəqəsindən geri çəkilib
28 Aprel
“Nizami” Kino Mərkəzində “Azərbaycanda Rusiya Kinosu Günləri”nin bağlanış mərasimi keçirilib...
28 Aprel
Premyer Liqa: "Qəbələ"nin mövsümü sonuncu pillədə bitirməsi dəqiqləşib
28 Aprel
Türkiyənin aparıcı partiyalarından birinə yeni sədr seçilib
28 Aprel
Akademik avarçəkmə üzrə Azərbaycan millisinin üzvü “Paris-2024”ə lisenziya qazanıb
28 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!