Yaxın Şərqdəki gərginlik fonunda bəzi analitiklər neft qiymətlərinin 100 dollaradək bahalaşa biləcəyi ilə bağlı ssenariləri qiymətləndirməyə başlayıblar.
AZƏRTAC xəbər verir ki, dünya bazarında neft qiymətləri artmaqda davam edir.
Hazırda “Brent” markalı xam neftin bir barelinin qiyməti 80 dollar, “Light” neftinin qiyməti isə 73 dollar/barel civarındadır. İnvestorlar Yaxın Şərqdəki hadisələri diqqətlə izləyir, analitiklər isə 100 dollar ssenarisini nəzərdən keçirirlər. Hazırda neft analitikləri arasında “qara qızılın” qiymətinin 100 dollara yüksələcəyi ilə bağlı fikir birliyi olmasa da, bu, səhm investorları tərəfindən hazırda nəzərdən keçirilən bir riskdir. İnvestorlar, həmçinin qəfil geosiyasi gərginliklər fonunda fond bazarındakı enişlərin satınalma fürsətləri yaratdığı fikrindədirlər.
Analitiklərin fikrincə, İrana qarşı hücumlar regional enerji axınlarını pozub və qlobal neftin təxminən beşdəbirinin keçdiyi həyati əhəmiyyət daşıyan Hörmüz boğazını faktiki olaraq bağlanmasına səbəb olub. Münaqişə, həmçinin inflyasiyanı artıra biləcək yeni enerji böhranına dair narahatlıqları da artırıb.
Ekspertlər xəbərdarlıq edirlər ki, böhran nə qədər uzun davam edərsə, qlobal iqtisadiyyat üçün bir o qədər çətin olacaq, təchizat zəncirləri təsirlənəcək və qiymətlər artacaq. Vurğulanır ki, neft qiymətləri uzun müddət yüksək qalsa, inflyasiya narahatlıqları artmağa başlaya bilər. Bu da istehlakçılar üçün böyük və gözlənilməz bir yük ola bilər.
Strateqlərə görə, tarixən neftin bir barelinin 100 dollardan yuxarı qiymətləri səhmlərə mənfi təsir göstərib. 1983-cü ildən bəri neft qiymətlərinin 100 dolları keçdiyi dövrlərdən sonrakı ildə “S&P 500” indeksi orta hesabla 1,6 faiz ucuzlaşıb. Belə ki, Hörmüz boğazının uzun müddət bağlı qalması 1973-cü il ərəb neft embarqosu və 1979-cu il İran inqilabı zamanı yaşanan xam neft şoklarını xatırlada bilər. 1973-cü il embarqosu “S&P 500” indeksinin illik əsasda 29 faiz azalmasına səbəb olub. Lakin 1980-ci ildəki tənəzzülə baxmayaraq, ikinci böhran “S&P 500” indeksində illik 11,3 faiz artımla nəticələnib.
jpg_1790976482.jpg)
jpg_1772538644.jpg)
