Almaniyanın “Die Zeit” qəzetində Azərbaycana həsr olunmuş məqalə dərc edilib
Almaniyanın “Die Zeit” qəzetində Azərbaycana həsr edilmiş “Onlar indi iqlim barədə danışırlar” sərlövhəli məqalə dərc olunub.
AZƏRTAC xəbər verir ki, məqalədə Ermənistanla münaqişə başa çatdıqdan sonra Azərbaycanın sülhün əldə olunması istiqamətində səyləri, Avropanın enerji təminatı, yaşıl enerji və iqlimin mühafizəsi, COP29-a hazırlıq, eləcə Avropa və Asiya arasında mühüm nəqliyyat dəhlizi kimi oynadığı rol, eləcə də digər mühüm mövzulara geniş diqqət ayrılıb.
Məqalənin müəllifi ölkəmizə səfəri zamanı Azərbaycan Respublikası Prezidentinin xüsusi tapşırıqlar üzrə nümayəndəsi Elçin Əmirbəyov və digər rəsmi şəxslərlə görüşlərindən bəhs edib, Bakıda və Ələtdə gördüyü inkişaf prosesini qələmə alıb. Məqalədə Elçin Əmirbəyovun Azərbaycan ilə Ermənistan arasında münasibətlərin normallaşdırılması prosesinə dair açıqlamalarına geniş diqqət ayrılıb. Azərbaycan rəsmisi qeyd edib ki, Qərbi Avropada Azərbaycanla bağlı erməni baxış bucağından yanaşma geniş yayılıb. Lakin o, fərqli baxış bucaqlarının bir araya gətirilməsinin mümkün nümunəsini təqdim edib. Belə ki, COP29 İqlim Konfransı ilə bağlı əldə olunmuş razılaşma, əsirlərin qarşılıqlı şəkildə dəyişdirilməsi etimad yaradan tədbirlərin nəticəsi idi və bu addımların gələcəkdə də mümkünlüyünü nümayiş etdirdi.
Məqalədə diqqətə çatdırılıb ki, Azərbaycan artıq Ermənistanla köhnə münaqişənin dar prizmasından görünmək istəmir. Ölkə xəritədəki mövqeyi, enerji resursları, onların istehsalı və nəqli üçün mühüm məkana çevrilib. Eyni zamanda, COP29 çərçivəsində planetimizdə iqlimin qorunması üçün beynəlxalq müzakirələr Bakıda keçiriləcək və bununla əlaqədar Azərbaycan Prezidenti İlham Əliyev aprelin sonunda Berlində hazırlıq konfransında iştirak edib, burada federal kansler və federal prezidentlə də görüşüb.
Müəllif Bakıda keçirilən enerji mövzusunda beynəlxalq tədbirə də diqqəti yönəldib və Almaniyanın bu tədbirdə 40 nəfərlik nümayəndə heyəti ilə iştirakını ölkəsinin Azərbaycana marağının göstəricisi kimi təqdim edib. Həmin tədbirə qatılan Avropa İttifaqının energetika məsələləri üzrə komissarı Kadri Simsonun Azərbaycanın enerji daşıyıcıları sahəsində böyük potensiala malik olması, Avropa qaz bazarının şaxələnməyə ehtiyac duyması barədə fikirləri diqqətə çatdırılıb. Azərbaycanın Avropa İttifaqının şaxələndirmə strategiyasında yer aldığı, ənənəvi enerji daşıyıcıları ilə yanaşı, gələcəkdə bərpaolunan enerjinin də Avropaya nəqlinin nəzərdə tutulduğu vurğulanıb.
Məqalənin yekununda Elçin Əmirbəyovun Ermənistanla münasibətlər və Zəngəzur dəhlizi ilə bağlı fikirlərinə yer ayrılıb. Azərbaycan rəsmisi Ermənistan tərəfindən beynəlxalq ictimaiyyətə təlqin olunan fikirləri qətiyyətlə rədd edərək bildirib ki, Azərbaycan Naxçıvanla dəhlizin qurulmasına hərbi güc yolu ilə nail olmaq niyyətində deyil. Çünki Azərbaycan heç zaman tarixin yanlış səhifələrində yer almaq istəmir, heç bir ölkənin ərazisində gözü yoxdur və əsas hədəfi Azərbaycanın beynəlxalq hüquqla tanınan ərazilərinin azad edilməsi idi. Azərbaycanın qeyri-legitim olaraq ərazi iddiaları ilə əlaqəsi yoxdur və beynəlxalq ictimaiyyət də bunu qəbul etməz. Ermənistanın öz maraqlarına xidmət edən, ölkəni təcriddən qurtaran, qonşu ölkələrlə əlaqələrini normallaşdıran və tranzitdən qazanc vəd edən bu dəhlizdən imtina etməsi, ilk növbədə, ona zərər vurur, çünki Ermənistan razı olmadığı təqdirdə həmin yol bir qədər cənubdan – İran ərazisindən çəkiləcək.
Məqalənin sonunda hazırda Azərbaycan ilə Ermənistan arasında mübahisəli sərhəd ərazilərinin demarkasiyası və demilitarizasiyası üzərində iş aparıldığı qeyd edilib. Bildirilib ki, tərəflər arasında fərqli yanaşmalar qalsa da, bunlar daha bir-birini tam şəkildə istisna etmir və mayın ortalarında müvafiq protokolun imzalanması gözlənilir.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Prezident İlham Əliyev İran Prezidenti İbrahim Rəisinin helikopterinin qəza enişi etməsi ilə bağlı p...
19 May
İran Prezidentinin helikopteri sərt eniş edib, ölkənin vitse-prezidenti hadisə baş verən əraziyə ged...
19 May
Latviya Parlamentinin sədri Şuşaya gəlib - YENİLƏNİB
19 May
Prezident İlham Əliyev və Prezident Seyid İbrahim Rəisi Azərbaycan-İran dövlət sərhədində görüşüblər...
19 May
Seyid İbrahim Rəisi: Bizim üçün ən vacib məsələ ölkələrimizin maraqlarıdır
19 May
İran Prezidenti: Qarabağın Azərbaycanın ərazisi olduğunu tam açıq şəkildə bildirən ilk ölkələrdən bi...
19 May
Azərbaycan və İran prezidentlərinin iştirakı ilə “Xudafərin” hidroqovşağının istismara verilməsi və ...
19 May
Türkiyəli nazir: İlin sonunadək neft hasilatı daxili bazarın tələbatının 10 faizini ödəyəcək ...
19 May
Seyid İbrahim Rəisi: İranın Azərbaycanla əlaqəsi qonşuluq əlaqəsindən daha üstündür ...
19 May
Prezident İlham Əliyev: İran-Azərbaycan birliyi, dostluğu sarsılmazdır
19 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!