Azərbaycan Respublikası Prezidentinin Fərmanı
Azərbaycan Respublikası Konstitusiyasının 109-cu maddəsinin 19-cu və 32-ci bəndlərini rəhbər tutaraq, "Yol hərəkəti haqqında" və "Avtomobil yolları haqqında" Azərbaycan Respublikasının qanunlarında dəyişiklik edilməsi barədə" Azərbaycan Respublikasının 2026-cı il 24 fevral tarixli 361-VIIQD nömrəli Qanununun qüvvəyə minməsi ilə əlaqədar həmin Qanunun tətbiqini təmin etmək məqsədilə qərara alıram:
1. Müəyyən edilsin ki:
1.1. "Yol hərəkəti haqqında" Azərbaycan Respublikası Qanununun 85-ci maddəsinin birinci hissəsinin 10-cu bəndinin "Qeyd"inin 1-ci bəndinin birinci cümləsində hər iki halda və 2-ci bəndinin ikinci cümləsində nəzərdə tutulmuş müvafiq icra hakimiyyəti orqanının səlahiyyətlərini Azərbaycan Respublikasının Prezidenti həyata keçirir;
1.2. həmin Qanunun 85-ci maddəsinin birinci hissəsinin 10-cu bəndinin "Qeyd"inin 2-ci bəndinin ikinci cümləsində "orqan (qurum)" dedikdə Azərbaycan Respublikasının Nazirlər Kabineti nəzərdə tutulur;
1.3. həmin Qanunun 85-ci maddəsinin birinci hissəsinin 10-cu bəndinin "Qeyd"inin 1-ci bəndinin birinci cümləsində "orqan (qurum)" dedikdə birinci halda Azərbaycan Respublikasının Daxili İşlər Nazirliyi, ikinci halda Azərbaycan Respublikası İqtisadiyyat Nazirliyinin və Azərbaycan Respublikası Maliyyə Nazirliyinin rəyi nəzərə alınmaqla, Azərbaycan Respublikasının Daxili İşlər Nazirliyi nəzərdə tutulur.
2. Azərbaycan Respublikasının Nazirlər Kabineti:
2.1. "Yol hərəkəti haqqında" Azərbaycan Respublikası Qanununun 85-ci maddəsinin birinci hissəsinin 10-cu bəndinin "Qeyd"inin 2-ci bəndinin ikinci cümləsinə uyğun olaraq, nəqliyyat vasitəsinin duracağa gətirilməsi və orada saxlanılması üçün ödənilmiş haqqın məbləğinin nəqliyyat vasitəsinin sahibinə qaytarılması qaydasını üç ay müddətində müəyyən edib Azərbaycan Respublikasının Prezidentinə məlumat versin;
2.2. "Yol hərəkəti haqqında" və "Avtomobil yolları haqqında" Azərbaycan Respublikasının qanunlarında dəyişiklik edilməsi barədə" Azərbaycan Respublikasının 2026-cı il 24 fevral tarixli 361-VIIQD nömrəli Qanunundan irəli gələn digər məsələləri həll etsin.
3. Azərbaycan Respublikasının Daxili İşlər Nazirliyi Azərbaycan Respublikası İqtisadiyyat Nazirliyinin və Azərbaycan Respublikası Maliyyə Nazirliyinin rəyi nəzərə alınmaqla, "Yol hərəkəti haqqında" Azərbaycan Respublikası Qanununun 85-ci maddəsinin birinci hissəsinin 10-cu bəndinin "Qeyd"inin 1-ci bəndinin birinci cümləsinə uyğun olaraq, balansındakı mühafizə olunan duracaqlara nəqliyyat vasitəsinin gətirilməsi və orada saxlanılması üçün haqların məbləğini üç ay müddətində müəyyən etsin.
4. "Yol hərəkəti haqqında" Azərbaycan Respublikası Qanununun tətbiq edilməsi barədə" Azərbaycan Respublikası Prezidentinin 1998-ci il 22 noyabr tarixli 24 nömrəli Fərmanının (Azərbaycan Respublikasının Qanunvericilik Toplusu, 1998, № 11, maddə 666 (Cild I); 2024, № 3, maddə 260, № 7, maddə 815, № 8, maddələr 937, 947, №10, maddə 1138; 2025, № 6, maddə 542, № 11, maddələr 1018, 1036, № 12 (I kitab), maddə 1150; 2026, № 1, maddə 24) 2-ci hissəsində aşağıdakı dəyişikliklər edilsin:
4.1. 2.1-ci bənddə "10-cu bəndinin "Qeyd" hissəsinin birinci" sözləri "birinci hissəsinin 10-cu bəndinin "Qeyd"inin 1-ci bəndinin birinci cümləsində (hər iki halda) və 2-ci bəndinin ikinci" sözləri ilə əvəz edilsin;
4.2. 2.2-ci bəndə "IX hissəsinin ikinci cümləsində" sözlərindən sonra ", 85-ci maddəsinin birinci hissəsinin 10-cu bəndinin "Qeyd"inin 2-ci bəndinin ikinci cümləsində" sözləri əlavə edilsin;
4.3. 2.34-cü bənddən "XIX hissəsinin ikinci və üçüncü cümlələrində və" sözləri çıxarılsın;
4.4. 2.36-cı bəndə "Qanunun" sözündən sonra "53-cü maddəsinin XIX hissəsinin ikinci və üçüncü cümlələrində," sözləri əlavə edilsin;
4.5. 2.37-ci bənddə ", birinci hissəsinin birinci abzasında və 10-cu bəndinin "Qeyd" hissəsində" sözləri "və birinci hissəsinin birinci abzasında" sözləri ilə əvəz edilsin, həmin bəndin sonunda nöqtə işarəsi nöqtəli vergül işarəsi ilə əvəz olunsun;
4.6. aşağıdakı məzmunda 2.38-ci bənd əlavə edilsin:
"2.38. həmin Qanunun 85-ci maddəsinin birinci hissəsinin 10-cu bəndinin "Qeyd"inin 1-ci bəndinin birinci cümləsində "orqan (qurum)" dedikdə birinci halda Azərbaycan Respublikasının Daxili İşlər Nazirliyi, ikinci halda Azərbaycan Respublikası İqtisadiyyat Nazirliyinin və Azərbaycan Respublikası Maliyyə Nazirliyinin rəyi nəzərə alınmaqla, Azərbaycan Respublikasının Daxili İşlər Nazirliyi nəzərdə tutulur.".
5. Azərbaycan Respublikası Prezidentinin 2001-ci il 30 iyun tarixli 518 nömrəli Fərmanı (Azərbaycan Respublikasının Qanunvericilik Toplusu, 2001, № 6, maddə 416 (Cild I); 2024, № 5 (I kitab), maddələr 521, 529, № 12 (II kitab), maddə 1369) ilə təsdiq edilmiş "Azərbaycan Respublikasının Daxili İşlər Nazirliyi haqqında Əsasnamə"yə aşağıdakı məzmunda 3.1.17-2-ci yarımbənd əlavə edilsin:
"3.1.17-2. "Yol hərəkəti haqqında" Azərbaycan Respublikasının Qanununa uyğun olaraq, balansındakı mühafizə olunan duracaqlara nəqliyyat vasitəsinin gətirilməsi və orada saxlanılması üçün haqların məbləğini Azərbaycan Respublikası İqtisadiyyat Nazirliyinin və Azərbaycan Respublikası Maliyyə Nazirliyinin rəyi nəzərə alınmaqla təsdiq edir;".
6. "Azərbaycan Respublikası İnzibati Xətalar Məcəlləsinin təsdiq edilməsi haqqında" Azərbaycan Respublikasının 2015-ci il 29 dekabr tarixli 96-VQ nömrəli Qanununun tətbiqi barədə" Azərbaycan Respublikası Prezidentinin 2016-cı il 15 fevral tarixli 795 nömrəli Fərmanının (Azərbaycan Respublikasının Qanunvericilik Toplusu, 2016, № 2 (II kitab), maddə 259 (Cild I); 2024, № 2, maddələr 151, 157, № 7, maddələr 806, 812, 814, 815, № 8, maddələr 937, 948, № 12 (I kitab), maddə 1294, (II kitab), maddələr 1359, 1378, 1384; 2025, № 2, maddə 127, № 3, maddə 231, № 4 (I kitab), maddələr 325, 338, № 5, maddə 463, № 6, maddələr 541, 561, № 7, maddə 649, № 8, maddələr 746, 754, № 9, maddə 820, № 11, maddə 1018;2026, № 1, maddələr 36, 41; Azərbaycan Respublikası Prezidentinin 2026-cı il 11 fevral tarixli 598 nömrəli, 23 fevral tarixli 604 nömrəli, 12 mart tarixli 617 nömrəli, 13 mart tarixli 619 nömrəli və 16 mart tarixli 622 nömrəli fərmanları) 4-cü hissəsində aşağıdakı dəyişikliklər edilsin:
6.1. 4.52-ci bənd ləğv edilsin;
6.2. 4.53-cü bənddə "97.3-cü maddəsinin üçüncü cümləsində" sözləri "97.1-ci maddəsində, 97.3-cü maddəsinin birinci və üçüncü cümlələrində" sözləri ilə əvəz edilsin.
7. Azərbaycan Respublikası Prezidentinin 2022-ci il 8 sentyabr tarixli 1842 nömrəli Fərmanı (Azərbaycan Respublikasının Qanunvericilik Toplusu, 2022, № 9, maddə 1031 (Cild I); 2024, № 8, maddə 948, № 11, maddə 1199; 2025, № 3, maddə 227, № 9, maddə 820, № 11, maddələr 1024, 1037) ilə təsdiq edilmiş "Azərbaycan Yerüstü Nəqliyyat Agentliyinin Nizamnaməsi"nin 3.1.25-4-cü yarımbəndindən", habelə Bakı şəhərinin inzibati ərazisində mühafizə olunan duracaqların" və "mühafizə olunan duracaqları və" sözləri çıxarılsın.
İlham ƏLİYEV,
Azərbaycan Respublikasının Prezidenti
Bakı şəhəri, 14 aprel 2026-cı il
jpg_1775472819.jpg)
