Türkiyənin Manisa vilayətinin Turgutlu rayonunda yerləşən İnci Üzmez Peşə və Texniki Anadolu Liseyinin qarşısında baş verən silahlı insident nəticəsində 14-17 yaşlarında təxminən 10 nəfərin yaralandığı, onlardan ikisinin vəziyyətinin ağır olduğu bildirilir.
AZƏRTAC xəbər verir ki, əldə edilən məlumata görə, hadisə xəbərinin yayılmasından sonra çox sayda valideyn məktəbə gələrək binaya daxil olmağa çalışıb. Bu səbəbdən ərazidə təhlükəsizlik tədbirləri görən hüquq-mühafizə əməkdaşları ilə valideynlər arasında qarşıdurma yaşanıb. Məktəbin ətrafında təhlükəsizlik tədbirləri gücləndirilib.
Qeyd edək ki, hadisə ilə bağlı açıqlama verən Türkiyənin vitse-prezidenti Cevdet Yılmaz ölkənin milli təhsil və daxili işlər nazirlərinin hadisə yerinə yola düşdüklərini, faktla bağlı hüquqi və inzibati araşdırmanın başladıldığını bildirib.
11:08
Türkiyənin Manisa vilayətinin Turgutlu rayonunda yerləşən İnci Üzmez Peşə və Texniki Anadolu Liseyinin qarşısında silahlı insident törədən şəxs saxlanılıb.
Onun müşahidə kameraları vasitəsilə müəyyən edildiyi bildirilir.
Xatırladaq ki, hadisə bu gün yerli vaxtla saat 08 radələrində baş verib. Aralarında şagirdlər də olmaqla 5 nəfərin yaralandığı, onlardan birinin vəziyyətinin ağır olduğu bildirilir.
11:04
Türkiyənin Manisa vilayətinin Turgutlu rayonunda yerləşən İnci Üzmez Peşə və Texniki Anadolu Liseyinin qarşısında silahlı insident baş verib.
Ilkin məlumata əsasən, yerli vaxtla saat 08:00 radələrində naməlum şəxs məktəbin qarşısında ətrafa atəş açdıqdan sonra hadisə yerindən qaçıb. Polis və təcili tibbi yardım qrupları əraziyə cəlb olunub.
Hadisə zamanı aralarında şagirdlər də olmaqla 5 nəfərin yaralandığı, onlardan birinin vəziyyətinin ağır olduğu bildirilir.
Manisa Valiliyi hadisə ilə bağlı araşdırmanın başlandığını, şübhəlinin saxlanılması istiqamətində əməliyyat tədbirlərinin həyata keçirildiyini bildirib.
677jpg_1790033437.jpg)
