05 Iyul 2022 00:33
222
CƏMİYYƏT

Şəhid mayorun doğum günü qeyd edilib

 

Düşmən üzərində qazanılan qələbədə canından keçən şəhidlərimizdən biri də mayor Rəhim Hüseynovdur.

Bu günlər Abşeron Rayon İcra Hakimiyyətinin məsul işçiləri, hüquq-mühafizə orqanlarının rəhbərləri, YAP Abşeron rayon təşkilatının üzvləri,  şəhid ailələri, şəhidin döyüş yoldaşları və qazilər  II Fəxri xiyabanda Rəhim Hüseynovun məzarını ziyarət etmişlər. 

Vətənimizin bütövlüyü uğrunda canından keçmiş  şəhidlərin xatirəsi yad olunmuş, ruhlarına dualar oxunmuş, məzarları üzərinə tər çiçəklər düzülmüşdür. Sonra şəhid mayor R.Hüseynovun keçdiyi ömür yolu, hərbi xidmətdə əldə etdiyi peşəkarlıq xatırlanmışdır. Bildirilmişdir ki, müharibənin ilk günlərindən döyüşə atılan mayorun fədakarlığı nümunə olmuşdur. "Vətən uğrunda", "Cəbrayılın azad olunmasına görə", "Qubadlının azad olunmasına görə" medallarına layiq görülən mayor  Rəhim Hüseynovun xatirəsi onu tanıyanların yaddaşında əbədi qalacaq.

38-ci doğum günündə göstərilən diqqətə görə şəhid mayorun yaxınları iştirakçılara təşəkkürlərini bildirmişlər. Anım tədbiri şəhidin evinin ziyarət edilməsi ilə yekunlaşmışdır.

 

A.ƏLİYEV,

"Azərbaycan"

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video