17 Noyabr 2026 17:14
773
İQTİSADİYYAT
A- A+
Florensiyada Azərbaycan imzası   

Florensiyada Azərbaycan imzası   


Rəşad Şolanın ixtirası dünyada birinci oldu!


Bəzən bir insanın illərlə apardığı axtarış, düşüncə və zəhmət minlərlə insanın həyatına ümid işığı salır. Bu dəfə həmin ümidin arxasında azərbaycanlı uroloq-cərrah, tibb elmləri doktoru Rəşad Şolanın imzası var. Onun müəllifi olduğu yeni cərrahi metod İtaliyanın Florensiya şəhərində keçirilən SIU 2026 Dünya Konqresində ən yaxşı yeni texnologiya kimi qalib elan edilib.

Elmin sərhədləri yoxdur. Onun dili fərqli, məqsədi isə birdir: insan həyatını yaxşılaşdırmaq, ağrıları azaltmaq, çətinliklərə yeni həll yolları tapmaq. Azərbaycanlı həkim Rəşad Şolanın beynəlxalq tibb ictimaiyyətinin diqqətini çəkən uğuru da məhz bu ali məqsədin nəticəsidir.

İtaliyanın Florensiya şəhərində keçirilən Beynəlxalq Urologiya Cəmiyyətinin (Société Internationale d’Urologie – SIU) 2026-cı il Dünya Konqresində Rəşad Şolan qadınlarda sidik kanalının daralmasının müalicəsi üçün müəllifi olduğu yeni cərrahi metodikanı təqdim edib. “Mosquito texnikası” adlandırılan bu üsulun indiyədək elmi ədəbiyyatda təsvir olunmadığı bildirilir. Bu, illərin tibbi təcrübəsinin, elmi axtarışların, peşəkar düşüncənin və insanlara daha yaxşı həyat bəxş etmək istəyinin beynəlxalq elmi platformada nümayişi idi.

Metodika konqres çərçivəsində keçirilən SANTU – Urologiyada Əlçatan Yeni Texnologiyalar Simpoziumunda müzakirəyə çıxarılıb. Rəşad Şolanın təqdim etdiyi üsulun yaxın dövr nəticələrinin olduqca ümidverici olduğu, müəllifin bildirdiyinə görə, uğur göstəricisinin 100 faizə yaxınlaşdığı qeyd edilib.

Ən böyük sevinc isə təqdimatın beynəlxalq səviyyədə aldığı qiymətləndirmə olub. SIU-nun təşkilat komitəsinin qərarı ilə azərbaycanlı həkim müəllifi olduğu metodika ilə BANTUC – Urologiyada Ən Yaxşı Əlçatan Yeni Texnologiyalar Müsabiqəsinin həm nominantı, həm də qalibi elan edilib.

Bu uğurun arxasında yalnız bir mükafat deyil, daha böyük məna dayanır. Çünki tibb elmi daim yenilənmə, araşdırma və cəsarətli addımlar tələb edir. Mövcud yanaşmalarla kifayətlənməyib yeni metod axtarmaq, onu praktikada tətbiq etmək və dünya mütəxəssislərinin müzakirəsinə çıxarmaq böyük məsuliyyət və peşəkarlıq tələb edir.

Rəşad Şolanın uğuru Azərbaycan tibbinin beynəlxalq elmi məkanda təmsil olunması baxımından da xüsusi əhəmiyyət daşıyır. Bu uğur bir daha göstərir ki, Azərbaycan həkimlərinin elmi potensialı, təcrübəsi və yenilikçi düşüncəsi dünya miqyasında diqqət çəkə bilər.

Florensiyada qazanılan bu qələbə bir azərbaycanlı həkimin şəxsi uğurundan daha böyük məna ifadə edir. Bu, ağ xalatın arxasında dayanan zəhmətə, insan sağlamlığı naminə sərf olunan illərə, elmin gücünə və yeniliyə inamın təntənəsidir.

Bəzən bir kəşf, bir metod, bir cəsarətli elmi addım insanlara yeni ümid verir. Rəşad Şolanın “Mosquito texnikası” ilə qazandığı beynəlxalq uğur da məhz belə bir ümidin Azərbaycan imzası ilə dünya elminə təqdim olunmasıdır.

Qürurverici olan təkcə qalib gəlmək deyil, Azərbaycan adını dünya elminin nüfuzlu tribunalarından birində qalib kimi səsləndirməkdir!

Züleyxa ƏLİYEVA, 

“Azərbaycan”

 


  


Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan-Vyetnam əlaqələri yüksələn xətlə inkişaf edir

13:46
22 Noyabr

Livan Respublikasının Prezidenti Zati-aliləri General Jozef Auna  

12:50
22 Noyabr

Azərbaycanda sabaha gözlənilən hava şəraiti açıqlanıb

12:28
22 Noyabr

Zəfər və inkişaf yolunun siyasi avanqardı: Yeni Azərbaycan Partiyası

10:57
22 Noyabr

Gəncədə YAP-ın yaradılmasının 34-cü ildönümü qeyd olunub

10:43
22 Noyabr

Azərbaycan-Vyetnam əlaqələri yeni mərhələdə

10:34
22 Noyabr

Prezident İlham Əliyevin sosial media hesablarında Vyetnama səfəri ilə bağlı daha bir videoçarx paylaşılıb VİDEO

23:39
21 Noyabr

Prezident İlham Əliyevin Vyetnama səfəri başa çatıb

22:13
21 Noyabr

Hanoy Tiсarət və Turizm Kollecində Bakı guşəsi və Azərbaycan kulinariya zonası açılıb

21:56
21 Noyabr

ABŞ Milada qədər Ukrayna və Rusiya arasında yeni sülh danışıqları təşkil etməyi planlaşdırır  

19:36
21 Noyabr

Yeni Dehlidə Azərbaycan-Nepal mədəni əməkdaşlığı müzakirə olunub  

18:21
21 Noyabr

Adil Kərimli Hindistanın mədəniyyət və turizm naziri ilə görüşüb  

17:31
21 Noyabr

Volodimir Zelenski: Rusiya Ukraynanın körpülərinə yüzdən çox hücum edib  

17:22
21 Noyabr

Küləkli hava şəraiti ilə bağlı sarı xəbərdarlıq verilib

16:38
21 Noyabr

Bakıda Kəlağayı Festivalının açılışı olub 

15:43
21 Noyabr

Azərbaycanın və Vyetnamın birinci xanımları Hanoyda İrs Evində olublar

15:31
21 Noyabr

Prezident: Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq 

15:03
21 Noyabr

Prezident İlham Əliyev: Vyetnam bizim üçün dost ölkə və strateji tərəfdaşdır 

14:59
21 Noyabr

Vyetnam Prezidenti: Tamamilə əminəm ki, Azərbaycan bundan da böyük inkişafa nail olacaq 

14:53
21 Noyabr

To Lam: Azərbaycan həm Avropanın, həm də Asiyanın bənzərsiz mədəni irsini daşıyan inci hesab olunur VİDEO  

14:51
21 Noyabr

Hanoyda Prezident İlham Əliyevin və birinci xanım Mehriban Əliyevanın şərəfinə rəsmi nahar verilib

14:47
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!