22 Noyabr 2026 10:57
680
SİYASƏT
A- A+
Zəfər və inkişaf yolunun siyasi avanqardı: Yeni Azərbaycan Partiyası

Zəfər və inkişaf yolunun siyasi avanqardı: Yeni Azərbaycan Partiyası


Müasir Azərbaycan dövlətçiliyinin şərəfli salnaməsində elə tarixi günlər var ki, onların əhəmiyyəti illər ötdükcə daha dərindən dərk olunur, xalqın taleyində oynadığı xilaskarlıq rolu daha aydın görünür. 1992-ci il noyabrın 21-i məhz belə taleyüklü, dönüş nöqtəsi sayılan tarixlərdən biridir. Həmin gün Ümummilli Lider Heydər Əliyevin rəhbərliyi ilə Yeni Azərbaycan Partiyasının (YAP) təsis edilməsi yalnız yeni bir siyasi təşkilatın meydana çıxması deyil, həm də müstəqil Azərbaycan dövlətinin məhv olmaq təhlükəsindən xilas edilməsi, milli birliyin və dövlətçilik düşüncəsinin yenidən bərqərar olması demək idi.

Bu gün yaranmasının 34-cü ildönümünü qeyd etdiyimiz Yeni Azərbaycan Partiyası ötən üç onillikdən artıq dövrdə şərəfli, məsuliyyətli və zəfərlərlə zəngin inkişaf yolu keçmişdir. Yarandığı ilk gündən xalqın sevgisini, etimadını və dəstəyini qazanan partiya qısa müddətdə ümumxalq partiyasına çevrilmiş, Cənubi Qafqaz regionunun ən böyük və ən mütəşəkkil siyasi qüvvəsi statusunu möhkəmləndirmişdir. Bu gün də YAP Azərbaycan Respublikasının Prezidenti, Partiyanın Sədri cənab İlham Əliyevin müdrik rəhbərliyi altında ölkəmizin hərtərəfli tərəqqisinə, dövlət müstəqilliyimizin daha da möhkəmlənməsinə və tarixi Zəfərlərimizin əbədiləşdirilməsinə misilsiz töhfələr verir.

Xalqımızın milli özünüdərk və dövlətçilik ənənələrinə söykənən Yeni Azərbaycan Partiyası fəaliyyət göstərdiyi bütün dövrlərdə ümummilli maraqları hər şeydən uca tutmuş, cəmiyyətin bütün sağlam qüvvələrini vahid ideya – müstəqil, güclü və çiçəklənən Azərbaycan ideyası ətrafında birləşdirmişdir. Məhz bu ali məqsədə sadiqlik partiyamızı ölkənin aparıcı siyasi gücünə və xalqın sarsılmaz etimad ünvanına çevirmişdir.


Tarixi zərurətdən doğan xilaskarlıq missiyası və Ulu Öndər Heydər Əliyev dühası


1990-cı illərin əvvəllərində Azərbaycanın düşdüyü dərin ictimai-siyasi, iqtisadi və hərbi böhranı xatırlamadan Yeni Azərbaycan Partiyasının yaranmasının tarixi əhəmiyyətini tam təsəvvür etmək mümkün deyil. Sovet İttifaqının süqutundan sonra dövlət müstəqilliyini yenicə bərpa etmiş respublikamız o dövrdə hakimiyyətdə olan səriştəsiz qüvvələrin yarıtmaz idarəçiliyi ucbatından parçalanmaq və müstəqilliyini itirmək təhlükəsi ilə üz-üzə qalmışdı. Bir tərəfdən Ermənistanın ölkəmizə qarşı hərbi təcavüzü, torpaqlarımızın işğalı, digər tərəfdən isə daxili hakimiyyət çəkişmələri, iqtisadi tənəzzül, hərc-mərclik və vətəndaş qarşıdurması təhlükəsi xalqımızı ümidsizliyə sürükləyirdi.

Ölkədə dövlət idarəçiliyi mexanizmləri demək olar ki, iflic vəziyyətinə düşmüş, silahlı birləşmələr ayrı-ayrı siyasi qrupların əlində alətə çevrilmiş, əhalinin sosial vəziyyəti son dərəcə ağırlaşmışdı. Belə bir şəraitdə Azərbaycanın siyasi xəritədən silinməsi təhlükəsi real xarakter almışdı və xalq bu fəlakətdən çıxış yolu axtarırdı.

Belə bir ağır və böhranlı məqamda Azərbaycan xalqının nicat yolu yalnız böyük dövlət xadimi, zəngin idarəçilik təcrübəsinə və sarsılmaz siyasi iradəyə malik Ümummilli Lider Heydər Əliyevin yenidən ölkə rəhbərliyinə qayıdışından keçirdi. Xalqın mütərəqqi övladları, görkəmli ziyalılar yaxşı anlayırdılar ki, ölkəni bu fəlakətdən yalnız Heydər Əliyev şəxsiyyəti və onun ətrafında sıx birləşəcək yeni, sağlam siyasi təşkilat xilas edə bilər. Məhz bu tarixi zərurətin ifadəsi olaraq 1992-ci il oktyabrın 16-da Azərbaycanın 91 nəfər tanınmış ziyalısı Ulu Öndər Heydər Əliyevə müraciət ünvanlayaraq onu yeni yaradılacaq partiyaya rəhbərlik etməyə və ölkəni xilas etmək missiyasını öz üzərinə götürməyə çağırdı.

Ulu Öndər Heydər Əliyev xalqın və ziyalıların bu çağırışına böyük vətənpərvərlik və məsuliyyət hissi ilə cavab verdi. 1992-ci il oktyabrın 24-də göndərdiyi cavab məktubunda böyük strateq mövcud vəziyyəti dərindən təhlil edərək bildirdi ki, Azərbaycanın düşdüyü ağır vəziyyətdən çıxması üçün yeni, müstəqil dövlətçilik prinsiplərinə söykənən siyasi partiyanın yaradılması zəruridir və o, bu məsuliyyətli işə rəhbərlik etməyə hazırdır. Bu tarixi cavab xalqımızın qəlbində gələcəyə böyük ümid çırağı yandırdı.

Nəhayət, 1992-ci il noyabrın 21-də Naxçıvan şəhərində ölkənin bütün bölgələrini təmsil edən 550 nəfərdən artıq nümayəndənin iştirakı ilə Yeni Azərbaycan Partiyasının təsis konfransı keçirildi. Konfransda partiyanın Proqramı və Nizamnaməsi qəbul edildi, Ulu Öndər Heydər Əliyev yekdilliklə Yeni Azərbaycan Partiyasının Sədri seçildi. Bununla da Azərbaycanın müasir siyasi tarixində yeni bir mərhələnin əsası qoyuldu.

Təsis konfransından cəmi yeddi ay sonra – 1993-cü ilin iyun ayında xalqın təkidli tələbi ilə Ulu Öndər Heydər Əliyevin Bakıya qayıdışı və ali hakimiyyətə gəlişi ilə Yeni Azərbaycan Partiyası xalqın sarsılmaz iradəsinə söykənərək dövlət idarəçiliyində aparıcı siyasi qüvvə kimi möhkəmləndi və ölkəni xilas etməyin əsas dayağına çevrildi. Ulu Öndərin müdrik siyasəti nəticəsində ölkədə vətəndaş müharibəsi təhlükəsinin qarşısı alındı, separatçılıq meyillərinə son qoyuldu, 1994-cü ilin mayında cəbhədə atəşkəs əldə olundu, həmin ilin sentyabrında isə Azərbaycanın gələcək iqtisadi qüdrətinin təməlini qoyan “Əsrin müqaviləsi” imzalandı. 1995-ci ildə ümumxalq səsverməsi ilə müstəqil Azərbaycan Respublikasının ilk Konstitusiyası qəbul edildi, hüquqi, demokratik və dünyəvi dövlət quruculuğu prosesi dönməz xarakter aldı.

Eyni zamanda, Ulu Öndər Heydər Əliyevin rəhbərliyi ilə ölkədə bazar iqtisadiyyatına keçid təmin olundu, torpaq islahatı həyata keçirilərək kəndlilərə öz torpaqlarının sahibi olmaq hüququ verildi, milli ordu quruculuğu istiqamətində əsaslı addımlar atıldı və Azərbaycanın beynəlxalq təcriddən çıxarılmasına nail olundu.

Ulu Öndər Heydər Əliyevin müəyyənləşdirdiyi azərbaycançılıq məfkurəsi Yeni Azərbaycan Partiyasının ideoloji əsasını təşkil edərək ölkəmizdə yaşayan bütün xalqların və dinlərin nümayəndələrini vahid dövlətçilik bayrağı altında birləşdirdi. Ümummilli Liderin “Yeni Azərbaycan Partiyası dünənin, bu günün və gələcəyin partiyasıdır” kəlamı bu gün də öz aktuallığını və müdrikliyini tam şəkildə təsdiqləyir.


Heydər Əliyev siyasi kursunun müasir təntənəsi: Prezident İlham Əliyevin liderliyində yeni yüksəliş dövrü


Hər bir siyasi təşkilatın həyatında varislik prinsipi və ideoloji bütövlük onun uzunömürlülüyünü şərtləndirən əsas amillərdəndir. Yeni Azərbaycan Partiyasının ötən 34 ildə əldə etdiyi möhtəşəm nailiyyətlərin kökündə məhz Ulu Öndər Heydər Əliyev ideyalarına sarsılmaz sədaqət və bu siyasi kursun Azərbaycan Respublikasının Prezidenti cənab İlham Əliyev tərəfindən müasir dövrün çağırışlarına uyğun şəkildə yaradıcılıqla inkişaf etdirilməsi dayanır.

2003-cü ildə keçirilən prezident seçkilərində Azərbaycan xalqı Ulu Öndər Heydər Əliyevin siyasi varisi cənab İlham Əliyevə böyük etimad göstərərək öz gələcəyini etibarlı əllərə tapşırdı. Daha sonra cənab İlham Əliyevin partiyanın Sədri seçilməsi ilə Yeni Azərbaycan Partiyasının fəaliyyətində keyfiyyətcə yeni mərhələ başlandı. Partiya dövlət başçımızın rəhbərliyi altında ölkədə aparılan genişmiqyaslı sosial-iqtisadi islahatların, dövlət proqramlarının, infrastruktur layihələrinin və modernləşmə strategiyasının ön sıralarında dayandı.

Prezident İlham Əliyevin rəhbərliyi ilə 23 ildən artıq müddətdə Azərbaycan iqtisadiyyatı misli görünməmiş sürətlə inkişaf etmiş, ümumi daxili məhsul dəfələrlə artmış, strateji valyuta ehtiyatlarımız yüksək həddə çatmış, yoxsulluq və işsizlik səviyyəsi kəskin şəkildə azalmışdır. Regionların sosial-iqtisadi inkişafına dair qəbul edilən ardıcıl dövlət proqramları sayəsində paytaxtla bölgələr arasındakı fərq minimuma endirilmiş, ölkənin hər bir guşəsində müasir yol-nəqliyyat infrastrukturu, yeni təhsil və səhiyyə müəssisələri, sənaye parkları və aqroparklar yaradılmışdır.

Azərbaycan nəinki özünün enerji təhlükəsizliyini tam təmin etmiş, eyni zamanda Bakı-Tbilisi-Ceyhan, Bakı-Tbilisi-Ərzurum, TANAP və TAP kimi nəhəng layihələrlə Avropanın enerji təhlükəsizliyinin etibarlı tərəfdaşına çevrilmişdir. Bununla yanaşı, Şərq-Qərb və Şimal-Cənub nəqliyyat dəhlizlərinin kəsişməsində yerləşən ölkəmiz Avrasiyanın mühüm nəqliyyat-logistika mərkəzi kimi mövqeyini daha da möhkəmləndirmişdir.

Dövlət başçımızın həyata keçirdiyi uğurlu daxili və xarici siyasət ölkəmizin beynəlxalq nüfuzunu görünməmiş zirvələrə qaldırmışdır. Azərbaycanın 155 ölkənin dəstəyi ilə BMT Təhlükəsizlik Şurasının qeyri-daimi üzvü seçilməsi, Qoşulmama Hərəkatına uğurla sədrlik edərək qlobal həmrəylik təşəbbüsləri ilə çıxış etməsi, həmçinin BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası – COP29 kimi mötəbər qlobal tədbirə yüksək səviyyədə ev sahibliyi etməsi Prezident İlham Əliyevin uzaqgörən diplomatiyasının və Azərbaycanın beynəlxalq münasibətlər sistemində artan çəkisinin bariz göstəricisidir.

Eyni zamanda, ölkəmizdə həyata keçirilən güclü sosial siyasət, şəhid ailələrinə, müharibə veteranlarına, əlillərə və həssas əhali qruplarına göstərilən yüksək dövlət qayğısı Prezident İlham Əliyevin siyasətinin mərkəzində Azərbaycan vətəndaşının dayandığını bir daha sübut edir. Bütün bu sosial-iqtisadi və humanitar layihələrin icrasında Yeni Azərbaycan Partiyasının çoxminli üzvləri və təşkilat strukturları fəal iştirak etmişdir.


Tarixi Zəfər və tam suverenlik: Azərbaycanın şanlı yeni dövrü


Yeni Azərbaycan Partiyasının 34 illik fəaliyyətinin və Prezident, Müzəffər Ali Baş Komandan cənab İlham Əliyevin dövlətçilik salnaməsinin ən parlaq, ən uca zirvəsi, şübhəsiz ki, torpaqlarımızın işğaldan azad edilməsi və dövlət suverenliyimizin tam bərpasıdır. Ulu Öndər Heydər Əliyevin ən böyük arzusu doğma Qarabağın və Şərqi Zəngəzurun işğaldan azad olunması, məcburi köçkünlərimizin öz ata-baba yurdlarına qayıtması idi. Prezident İlham Əliyev ata vəsiyyətini şərəflə yerinə yetirərək xalqımızın otuz illik həsrətinə son qoydu.

2020-ci il sentyabrın 27-də Ermənistanın növbəti hərbi təxribatına cavab olaraq Müzəffər Ali Baş Komandan İlham Əliyevin rəhbərliyi ilə başlayan Vətən müharibəsi cəmi 44 gün ərzində Azərbaycan Ordusunun tam və parlaq Qələbəsi ilə başa çatdı. Döyüş meydanında “Dəmir yumruq” əməliyyatı ilə işğalçı ordunu darmadağın edən Azərbaycan Silahlı Qüvvələri xalqımızın qəhrəmanlıq dastanını yazdı. Müharibə günlərində bütün xalqımız kimi, Yeni Azərbaycan Partiyasının üzvləri də ön və arxa cəbhədə böyük fədakarlıq nümayiş etdirdilər, milli birliyimizin və həmrəyliyimizin sarsılmazlığını bütün dünyaya sübut etdilər.

2023-cü il sentyabrın 19-20-də həyata keçirilən lokal xarakterli antiterror tədbirləri nəticəsində isə Qarabağda erməni separatizminin kökü birdəfəlik kəsildi və Azərbaycanın ərazi bütövlüyü, dövlət suverenliyi tam şəkildə təmin olundu. Bu gün işğaldan azad edilmiş bütün ərazilərimizdə üçrəngli Dövlət Bayrağımızın əzəmətlə dalğalanması Prezident İlham Əliyevin sərkərdəlik məharətinin, siyasi iradəsinin və müdrik liderliyinin təntənəsidir.

Postmüharibə dövründə azad edilmiş ərazilərdə həyata keçirilən “Böyük Qayıdış” Dövlət Proqramı dünyada analoqu olmayan bir quruculuq nümunəsidir. Azərbaycan dövləti öz daxili imkanları hesabına xarabalığa çevrilmiş yaşayış məntəqələrimizi yenidən qurur, müasir şəhərsalma standartlarına əsaslanan layihələri reallaşdırır, beynəlxalq hava limanları, avtomobil və dəmir yolları inşa edir, keçmiş məcburi köçkünlərin doğma yurdlarına ləyaqətli qayıdışını təmin edir. Bu möhtəşəm quruculuq prosesi xalq-iqtidar birliyinin nələrə qadir olduğunu əyani şəkildə nümayiş etdirir.


Yeni dövrün tələblərinə uyğun yenilənmə və gələcəyə baxış


Yeni Azərbaycan Partiyasının keçirdiyi qurultaylar – Ümummilli Lider Heydər Əliyevin sədrliyi ilə baş tutan ilk qurultaylardan başlayaraq Prezident İlham Əliyevin rəhbərliyi ilə keçirilən son qurultaylara qədər bütün ali məclislər partiyanın təşkilati cəhətdən möhkəmlənməsində, siyasi xəttinin müəyyənləşməsində və müasir çağırışlara uyğun yenilənməsində həlledici rol oynamışdır. Xüsusilə Vətən müharibəsindən sonrakı dövrdə partiyanın yeni Nizamnaməsi və Proqramının qəbul edilməsi, idarəetmə strukturunun təkmilləşdirilməsi və ölkədə fəaliyyət göstərən bir sıra siyasi partiyaların YAP-a qoşulması ölkəmizdə sağlam siyasi dialoq mühitinin dərinləşməsinə və milli həmrəyliyin daha da güclənməsinə xidmət etmişdir.

Bu gün sıralarında 800 minə yaxın üzvü birləşdirən Yeni Azərbaycan Partiyası cəmiyyətin bütün təbəqələrini – ziyalıları, gəncləri, qadınları, sahibkarları, elm və mədəniyyət xadimlərini əhatə edən ümumxalq partiyasıdır. Xüsusilə gənclərin partiya sıralarına axını, onların dövlət idarəçiliyində və ictimai-siyasi həyatda fəal təmsil olunması Ulu Öndər Heydər Əliyev ideyalarının gələcək nəsillərə uğurla ötürüldüyünün sübutudur.

Partiyamız həmçinin beynəlxalq əlaqələrini genişləndirərək dünyanın bir çox nüfuzlu siyasi partiyaları, o cümlədən Türk Dövlətləri Təşkilatına üzv ölkələrin hakim partiyaları ilə sıx əməkdaşlıq edir. Bu əməkdaşlıq Azərbaycanın xarici siyasət prioritetlərinin dəstəklənməsinə və ölkəmiz haqqında həqiqətlərin beynəlxalq ictimaiyyətə çatdırılmasına mühüm töhfə verir.

Yeni Azərbaycan Partiyası Azərbaycan Respublikasının Prezidenti, Partiyanın Sədri cənab İlham Əliyevin rəhbərliyi altında ölkəmizin dayanıqlı və davamlı inkişafına, dövlət müstəqilliyimizin və suverenliyimizin daha da möhkəmlənməsinə, azad edilmiş ərazilərimizin tam bərpasına və Böyük Qayıdışın uğurla başa çatdırılmasına, iqtisadi, hərbi və diplomatik qüdrətimizin yeni zirvələrə yüksəldilməsinə, eləcə də xalqımızın rifahının daha da artırılmasına mühüm nailiyyətlər qazandıracaqdır.


Asif Əsgərov,

Milli Məclisin deputatı

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

Azərbaycan-Vyetnam əlaqələri yüksələn xətlə inkişaf edir

13:46
22 Noyabr

Livan Respublikasının Prezidenti Zati-aliləri General Jozef Auna  

12:50
22 Noyabr

Azərbaycanda sabaha gözlənilən hava şəraiti açıqlanıb

12:28
22 Noyabr

Zəfər və inkişaf yolunun siyasi avanqardı: Yeni Azərbaycan Partiyası

10:57
22 Noyabr

Gəncədə YAP-ın yaradılmasının 34-cü ildönümü qeyd olunub

10:43
22 Noyabr

Azərbaycan-Vyetnam əlaqələri yeni mərhələdə

10:34
22 Noyabr

Prezident İlham Əliyevin sosial media hesablarında Vyetnama səfəri ilə bağlı daha bir videoçarx paylaşılıb VİDEO

23:39
21 Noyabr

Prezident İlham Əliyevin Vyetnama səfəri başa çatıb

22:13
21 Noyabr

Hanoy Tiсarət və Turizm Kollecində Bakı guşəsi və Azərbaycan kulinariya zonası açılıb

21:56
21 Noyabr

ABŞ Milada qədər Ukrayna və Rusiya arasında yeni sülh danışıqları təşkil etməyi planlaşdırır  

19:36
21 Noyabr

Yeni Dehlidə Azərbaycan-Nepal mədəni əməkdaşlığı müzakirə olunub  

18:21
21 Noyabr

Adil Kərimli Hindistanın mədəniyyət və turizm naziri ilə görüşüb  

17:31
21 Noyabr

Volodimir Zelenski: Rusiya Ukraynanın körpülərinə yüzdən çox hücum edib  

17:22
21 Noyabr

Küləkli hava şəraiti ilə bağlı sarı xəbərdarlıq verilib

16:38
21 Noyabr

Bakıda Kəlağayı Festivalının açılışı olub 

15:43
21 Noyabr

Azərbaycanın və Vyetnamın birinci xanımları Hanoyda İrs Evində olublar

15:31
21 Noyabr

Prezident: Xüsusilə Vətən müharibəsi dövründə Vyetnamın verdiyi dəstəyə və ədalətli mövqeyinə görə minnətdarıq 

15:03
21 Noyabr

Prezident İlham Əliyev: Vyetnam bizim üçün dost ölkə və strateji tərəfdaşdır 

14:59
21 Noyabr

Vyetnam Prezidenti: Tamamilə əminəm ki, Azərbaycan bundan da böyük inkişafa nail olacaq 

14:53
21 Noyabr

To Lam: Azərbaycan həm Avropanın, həm də Asiyanın bənzərsiz mədəni irsini daşıyan inci hesab olunur VİDEO  

14:51
21 Noyabr

Hanoyda Prezident İlham Əliyevin və birinci xanım Mehriban Əliyevanın şərəfinə rəsmi nahar verilib

14:47
21 Noyabr

ÇOX OXUNANLAR

OXUCU MƏKTUBLARI

NƏŞRLƏRİMİZ

TƏQVİM / ARXİV

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!