«AzVirt» şirkəti Serbiyada iri infrastruktur layihəsinin tikintisini həyata keçirəcəkdir
Bu barədə Belqradda müqavilə imzalanmışdır
Azərbaycanın Serbiyadakı səfirliyində "Serbiya Koridorları d.o.o." şirkəti və "AzVirt" MMC arasında bu ölkədə həyata keçirilən iri infrastruktur layihələrindən olan "11-ci dəhliz" avtomagistralının (Belqrad-Cənubi Adriatik) Lyiq-Prelyina sahəsinin tikintisi üzrə müqavilənin rəsmi imzalanma mərasimi keçirilmişdir.
Səfirlikdən AzərTAc-a bildirmişlər ki, imzalanma mərasimində Serbiya Demokratik Partiyasının sədri, bu günlərdə prezident vəzifəsindən istefa vermiş və yenidən namizədliyini irəli sürmüş Boris Tadiç, infrastruktur və energetika naziri Milutin Mrkoniç, xarici işlər naziri Vuk Yeremiç, əmək və sosial siyasət naziri Rasim Lyayiç, dövlət və hökumət rəsmiləri, yerli ictimaiyyətin nümayəndələri, ziyalılar, iş adamları, Serbiya-Azərbaycan ticarət-iqtisadi Palatasının və Belqraddakı Azərbaycan Mədəniyyət Mərkəzinin rəhbərləri və üzvləri, burada yaşayan və təhsil alan azərbaycanlılar, KİV-lərin təmsilçiləri iştirak etmişlər.
Müqaviləni "Serbiya Koridorları d.o.o." şirkətinin direktoru Mixail Mişiç, "AzVirt" şirkətinin direktoru Kamil Əliyev və "AzVirt Ogranak (Belqrad)" şirkətinin direktoru İsa Akbulut imzalamışlar.
İmzalanma mərasimindən sonra çıxış edən Azərbaycanın Serbiyadakı səfiri Eldar Həsənov ölkələrimiz arasındakı münasibətlərdə qısa müddət ərzində əsaslı dönüşün baş verdiyini, son illərdə sürətlə inkişaf edən əlaqələrimizin strateji tərəfdaşlıq səviyyəsinə yüksəlməsini xüsusi vurğulamışdır. Diplomat Azərbaycan və Serbiya prezidentlərinin qarşılıqlı səfərlərinin uğurla inkişaf edən əlaqələrimizin dərinləşməsi üçün geniş imkanlar yaratdığını vurğulamışdır. Son dövrlərdə ölkələrimiz arasında bütün sahələrdə əlaqələrin sürətlə inkişaf etdiyini, ticarət dövriyyəsinin getdikcə artdığını və qarşılıqlı sərmayə qoyuluşlarının intensiv xarakter aldığını diqqətə çatdıran E.Həsənov Azərbaycan-Serbiya əməkdaşlığının bu səviyyəyə yüksəlməsində dövlətlərimizin başçıları arasında mövcud olan şəxsi dostluğun rolunu diqqətə çatdırmışdır.
Səfir Azərbaycan Prezidenti İlham Əliyevin göstərişi əsasında Serbiyada həyata keçirilən humanitar layihələrə toxunaraq onların xalqlarımız arasında körpü rolunu oynadığını, mədəniyyətlərarası və dinlərarası dialoqa, əməkdaşlığın möhkəmlənməsinə töhfə verdiyini bildirmişdir.
Serbiyanın Azərbaycan ilə bütün sahələrdə əməkdaşlığın inkişafına böyük önəm verdiyini bildirən Boris Tadiç son illərdə ölkələrimiz arasında münasibətlərdə müşahidə edilən dinamikanın bunun bariz nümunəsi olduğunu demişdir.
Prezident İlham Əliyev ilə görüşlərini məmnuniyyətlə xatırladan Boris Tadiç regionun lider dövlətinə çevrilmiş Azərbaycanın Avropanın enerji təhlükəsizliyinin təmin edilməsində mühüm rol oynadığını və etibarlı tərəfdaş olduğunu diqqətə çatdırmış, ölkəmizin iş adamlarını Serbiya iqtisadiyyatına sərmayə qoymağa çağırmışdır.
Azərbaycan dövləti tərəfindən Serbiyada həyata keçirilən humanitar layihələrə toxunan B.Tadiç bu layihələrin xalqlarımızın yaxınlaşmasına, həmçinin Qərbi Balkan regionunda mədəniyyətlərarası və dinlərarası dialoqa, regionda etimadın yaradılmasına, sülhün, əmin-amanlığın bərqərar olmasına xidmət etdiyini vurğulamış, bu sahədəki səyləri dəstəklədiyinə görə Azərbaycan dövlətinə və şəxsən Prezident İlham Əliyevə minnətdarlığını bildirmişdir.
"AzVirt" şirkətinin direktoru Kamil Əliyev müqavilənin imzalanmasını Azərbaycan və Serbiya arasında iqtisadi sahədə əməkdaşlığın inkişafının bariz göstəricisi olduğunu demişdir. K.Əliyev qarşıya qoyulan işləri keyfiyyətlə və vaxtında yerinə yetirməklə təmsil etdiyi şirkətin iki xalq arasında yaranmış mehriban dostluq münasibətlərinin inkişafına öz töhfəsini verəcəyini diqqətə çatdırmışdır.
Tədbir Serbiya və Qərbi Balkan regionu ölkələrinin mətbuatında geniş işıqlandırılmışdır.
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Fernando Lottenberq: Azərbaycanda antisemitizmin baş verməməsi tolerantlığın parlaq nümunələrindəndi...
04 May
Dövlət Xidməti: Bir sıra bank və müəssisələrə aid çoxsaylı konfidensial məlumatlar ödənişsiz platfor...
04 May
Argentinanın etiqad işləri üzrə katibi Azərbaycanda tolerantlığın qorunub saxlanılmasını yüksək qiym...
04 May
Xankəndidə bir həftə ərzində xeyli sayda silah-sursat və partlayıcı maddələr aşkarlanıb
04 May
Norveçli səyyahlar qrupu Xudafərin körpüsü ilə tanış olublar
04 May
“Azeri Light” markalı neft ucuzlaşıb
04 May
Dünyanın mərkəzi bankları ümumi qızıl ehtiyatlarını mart ayında 15 tondan çox artırıblar...
04 May
İlon Mask ABŞ dollarının dəyərsizləşəcəyi ilə bağlı xəbərdarlıq edib
04 May
ABŞ prezidentliyinə namizəd NATO-nun genişlənməsinə qarşıdır
04 May
Prezident İlham Əliyevin COP29 tədbiri ilə bağlı dəvət məktubları BMT-dəki daimi nümayəndələrə çatdı...
04 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!