Zəngin ənənəli məktəb üçün yeni bina tikilir
Salyan şəhər Nizami Gəncəvi adına 2 saylı tam orta məktəb rayonun ən nüfuzlu təhsil ocaqlarından biridir. Burada müəllimlik peşəsinə ürəkdən bağlı olan, dərs dedikləri şagirdlərin bilikli, savadlı, mənəvi cəhətdən ləyaqətli insanlar kimi yetişməsi üçün gözünün yağını əridən müəllimlər çalışıblar və bu ənənə indi də uğurla davam etdirilir.
Elə bir salyanlı olmaz ki, Yunis Zərgərli adını tanımasın, onunla fəxr etməsin. Bu həmin Yunis Zərgərlidir ki, riyaziyyat fənninin tədrisi metodikasını yaratmışdı. Adı-sanı respublikaya yayılmışdı. Əməyi yüksək qiymətləndirilmiş, ali dövlət ordenləri ilə təltif olunmuşdu. Tələbə qəbulu imtahanları zamanı imtahan götürən müəllimlər onun şagirdlərinin biliyinə heyran olar, Yunis Zərgərlinin pedaqoji nəticələrinə əhsən deyərmişlər. Salyanda öz zabitəsi ilə seçilən tədris təşkilatçısı Ağaməmməd Mirzəyev də xatirələrdə yaşayır. 2 saylı məktəbə uzun illər rəhbərlik etmiş Ağaməmməd müəllimin də müstəsna xidmətləri unudulmayıb. Bu təhsil ocağının tarixində belə pedaqoqlar az olmamışdır.
Lakin məktəbin binası çox köhnəldiyindən müasir tələblərə cavab vermirdi. Prezident İlham Əliyev keçən il 3 sentyabr tarixdə Salyana növbəti səfəri zamanı təhsil ocağı üçün yeni binanın tikilməsi barədə sərəncam imzalamışdı. Hazırda tikinti işlərinə başlanılıb, burada qızğın iş gedir. Məktəbin yeni dərs ilində istifadəyə verilməsi nəzərdə tutulmuşdur. Yeni məktəb müasir standartlara cavab verməklə ən yeni avadanlıqlarla təchiz ediləcəkdir. Bu da son nəticədə məktəbdə təlim-tərbiyənin daha da yüksəlməsinə şərait yaradacaqdır.
Allahverdi PİRİYEV,
Salyan Rayon Ziyalılar Cəmiyyətinin sədri
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Alimlər: Pilləkənlərlə qalxmaq ömrü uzadır
27 Aprel
Çempionlar Liqası: Pley-off mərhələsində ən çox qol vuran futbolçular açıqlanıb
27 Aprel
Sakit okeanda 6,9 bal gücündə zəlzələ olub
27 Aprel
ÜST-nin rəhbəri: Pandemiya dövründə vaksinlərə qeyri-bərabər əlçatanlıq ölüm hallarını artırdı ...
27 Aprel
ANAMA-nın əməkdaşı Şuşada minaya düşüb
27 Aprel
Aprelin 27-si Beynəlxalq Baytar Həkimi Günüdür
27 Aprel
Yaxın günlərdə Laçının Sus kəndinə köçürüləcək ailələr bəlli olub
27 Aprel
“Paris-2024”: Olimpiya məşəli Yunanıstandan Fransaya yola düşüb
27 Aprel
Sabah Bakıda 31, bəzi rayonlarda isə 32 dərəcə isti olacaq
27 Aprel
Qırğız nazir: Azərbaycan Qırğızıstana neft məhsulları ixrac etməyə hazır olduğunu bildirib...
27 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!