Yaxşı iş hər kəsə örnəkdir
Mən Ağcabədi rayonunun Qaraxanlı kəndində yaşayıram. Şəhid Nurlan Quliyevin anasıyam. Oğlum 1995-ci il dekabrın 4-də anadan olub.
Vətən müharibəsi zamanı o da digər oğullarımız kimi torpaqlarımızın azadlığı uğrunda gedən döyüşlərdə vuruşub. Füzuli şəhərinin azad edilməsində iştirak edib. Şuşanın azadlığı uğrunda gedən döyüşlərdə şəhid olub. Prezidentin sərəncamları ilə "Vətən uğrunda", "Füzulinin azad olunmasına görə", "Cəsur döyüşçü" medalları və 3-cü dərəcəli "Vətənə xidmətə görə" ordeni ilə təltif olunub.
Əlbəttə, bütün analar kimi övlad itkisi mənim də ən böyük ağrılarımdandır. Amma şəhidlərimizə, qazilərimizə göstərilən ehtiram, onların ailələrinin daim diqqət mərkəzində saxlanması bizlər üçün böyük təsəllidir. Ağcabədi rayonunda da şəhid ailələri, qazilər daim qayğıkeşliklə əhatə olunublar. Şəhidlərimizin doğum və anım günləri xüsusi qeyd edilir. Şəhid ailələri, qazilər rayon rəhbərliyi tərəfindən tez-tez ziyarət olunur, problemləri, çətinlikləri öyrənilir və həll edilir.
Amma bu məktubu yazmağımın səbəbi başqadır. Ağcabədi Rayon İcra Hakimiyyəti yanında Müraciətlərə Operativ Baxılma Mərkəzi fəaliyyət göstərir. Bu mərkəz vətəndaşların müraciətlərinə operativ baxılmasını, problemlərinin vaxtında həll olunmasını təmin edir. Buna misal olaraq bir müddət öncə özümün etdiyim müraciəti göstərə bilərəm. Qaraxanlı kənd qəbiristanlığındakı artezian quyusundan suyun çıxarılmasında müəyyən problemlər yaranmışdı. Bu, biz kənd sakinləri üçün böyük problem idi. Məzarlıqdakı ağacları, çiçəkləri suvarmaqda çətinlik çəkirdik. Mən də digər kənd sakinləri kimi problemin həll olunmasını istəyirdim. Övladımın və digər şəhidlərimizin məzarları da bu qəbiristanlıqdadır. Bir şəhid anası kimi bu, məni incidirdi. Axı biz məhz o məzarların təmiz, ətrafının gül-çiçəkli olması ilə təsəlli tapırıq. Bunun üçün isə su lazım idi. Odur ki, mərkəzə müraciət etdim. Evə çatmamış artıq müraciətimə baxılmış, həlli üçün tapşırıq verilmişdi. Doğrusu, məsələnin belə operativ həll olunmasını gözləmirdim. Ona görə də bu məktubu rəsmi dövlət qəzetinə yazıb göndərdim ki, problemimizin həllində zəhməti olan hər kəsə minnətdarlığımı bildirim. Yaxşı iş, yaxşı əməl hər kəsə örnək olmalıdr.
Zülfiyyə QULİYEVA,
Ağcabədi rayonunun Qaraxanlı kənd sakini, şəhid anası
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Bakı Avropa Liseyində Fənlərarası Təlim Proqramının 30 illik yubileyi qeyd olunub
20 Aprel
Yaponiya dərman istehsalçısının qida əlavəsində nəzərdə tutulmayan daha iki maddə aşkarlanıb ...
20 Aprel
BMT-nin Davamlı Enerji Onilliyinə yekun vurulub
20 Aprel
Bu ilin üç ayında Rusiyadan Çinə neft ixracı 13 faiz artıb
20 Aprel
AzTU-nun nizamnamə fondu 29,4 milyon manat olaraq müəyyən edilib
20 Aprel
Hulusi Kılıç: Türkiyə, Azərbaycan və Rusiya Qafqaz regionunda sülh naminə əməkdaşlıq edirlər ...
20 Aprel
Azərbaycan və Qazaxıstan tarixçiləri iki ölkə arasında tarix assosiasiyası yaratmaq niyyətindədirlər...
20 Aprel
Barbadosun Baş naziri: COP prezidentləri üçlüyünün yaradılmasını yüksək qiymətləndiririk ...
20 Aprel
Macarıstanın Baş naziri yenə də Aİ rəhbərliyini istefaya çağırıb
20 Aprel
ABŞ xaricdə izləmə proqramının fəaliyyətini daha iki il uzadır
20 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!