Vüqar Hüseynovun xatirəsi yad edildi
Sulutəpə qəsəbəsində fəaliyyət göstərən Cəbrayıl rayonu Daşkəsən kənd orta məktəbində Azərbaycanın Milli Qəhrəmanı Vüqar Hüseynovun xatirəsi anıldı. Vüqar Hüseynovun adını daşıyan bu məktəbdə onun anadan olmasının 50 illiyinə təsadüf edən belə bir tədbirin keçirilməsi hamının ürəyindən xəbər verdi. Tədbirin əvvəlində Dövlət himni səsləndirildi və şəhidlərimizin xatirəsi bir dəqiqəlik sükutla yad edildi.
Məktəbin direktoru İlqar Zalov xatırlatdı ki, Milli Qəhrəmanın atası Tofiq müəllim 10 ildən çox burada direktor müavini işləyib. Bu gün səhhəti ilə bağlı tədbirdə iştirak edə bilmir, qardaşları Həbib və Fuad buradadırlar.
Rayon icra hakimiyyəti başçısının birinci müavini Arif Fərzəliyev qeyd etdi ki, təzəlikcə "Cəbrayıllı Milli Qəhrəmanlar” kitabı işıq üzü görüb və orada Vüqar Hüseynovun igidliyi də öz əksini tapıb.
Rayon Təhsil şöbəsinin müdiri Zamiq Qurbanov məlumat verdi ki, tərtib edilən plana uyğun olaraq qəhrəmanlarımız haqqında silsilə tədbirlər keçiririk. V.Hüseynovun qısa, lakin mənalı ömür yoluna ekskurs edən Z.Qurbanov qəhrəmanların həyatının özünün bir tərbiyə nümunəsi, dərin bir fəlsəfə olduğunu dedi.
Qəhrəmanın qardaşı Həbib Hüseynov onunla bağlı xatirələrini danışdı və tədbirin təşkilatçılarına minnətdarlığını bildirdi:
- Vüqar vətən, torpaq uğrunda canını əsirgəmədi. Son döyüşdə 12 nəfər polis yoldaşını ölümdən xilas edərək özü əbədiyyətə qovuşdu. Ulu öndər Heydər Əliyevin imzası ilə ona Azərbaycanın Milli Qəhrəmanı adı verilməsi bizim təsəllimiz və qürurumuzdur. Gələcək nəsli belə qəhrəmanları nümunə göstərərək tərbiyə etməliyik ki, həyatda öz layiqli yerlərini tuta bilsinlər. Hansı işin-peşənin sahibi olsalar da, şərəflə yaşamağı bacarsınlar.
Daşkəsən kəndinin nümayəndəsi Qabil Quliyev isə vaxtilə Vüqara dərs dediyini söylədi. Xatırladı ki, o, yaxşı oxuyur, hüquqşünas olmaq istəyirdi. Sonradan Xüsusi Təyinatlı Milis Dəstəsinə qoşuldu, döyüşlərə yollandı. Xocalı, Ağcakənd və bir sıra döyüş bölgələrində qəhrəmancasına döyüşdü. 22 yaşında şəhid oldu. Şəhidlər isə heç vaxt unudulmur, əbədiyaşarlıq qazanır.
Tədbirin bədii hissəsində şagirdlərin ifasında vətənpərvərlik mövzusunda şeirlər səsləndirildi, Vüqar Hüseynovun döyüş yolunu əks etdirən slayd nümayiş olundu və qəhrəmanın həyatından səhnəciklər şəklində epizodlar göstərildi.
"Azərbaycan”
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Heydər Əliyev Fondunun təşəbbüsü ilə təşkil olunan “Bakı marafonu 2024” start götürüb ...
05 May
Mayın 5-i Həkim-Mama Günüdür
05 May
Türkiyə siyasətçisi Dövlət Baxçalı Əhməd Cavad Şərəf Medalı ilə təltif edilib
05 May
İlk fərdiləşdirilmiş dəri xərçəngi peyvəndi sınaqdan keçirilir
05 May
Samir Şərifov: Azərbaycan Orta Dəhlizin ən vacib iştirakçılarından biridir
05 May
Hayastanda etirazlar səngimir
05 May
"Xalq Bank"ın "Xalq Əmanəti" layihəsinin 24-cü nəşri Cahid Camala həsr olunub
05 May
QƏZƏLLƏR
05 May
"Şərq şairlərinin günəşi"
05 May
Anamın gözünün nuru, əlinin sığalı hopmuş xalça
05 May
DİQQƏT ÇƏKƏNLƏR
Bakıda VI Ümumdünya Mədəniyyətlərarası Dialoq Forumu işə başlayıb Prezident İlham Əliyev Forumun a...01 May 2024
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
ÇOX OXUNANLAR
İlham Əliyevin sülh və qlobal təhlükəsizlik missiyası01 May 2024
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!