Ukrayna Azərbaycanın ərazi bütövlüyünü birmənalı şəkildə dəstəkləyir
Aprelin 4-də Milli Məclisin Sədri Oqtay Əsədov ölkəmizdə rəsmi səfərdə olan Ukraynanın Baş naziri Nikolay Azarovun başçılıq etdiyi nümayəndə heyəti ilə görüşüb.
Bu səfərin dövlətlərarası əlaqələrin inkişafına öz müsbət təsirini göstərəcəyini söyləyən Oqtay Əsədov qeyd edib ki, Azərbaycan və Ukrayna xalqlarını ənənəvi dostluq münasibətləri birləşdirir. Hər iki ölkə müstəqillik əldə etdikdən sonra münasibətlərimiz həyatın bütün sahələrində müvəffəqiyyətlə inkişaf edir. Dövlət başçılarının və yüksək səviyyəli nümayəndə heyətlərinin qarşılıqlı səfərləri zamanı aparılan danışıqlar, ölkələrimiz arasında imzalanmış sənədlər əməkdaşlığın inkişafı üçün möhkəm zəmin yaradıb.
Milli Məclisin Sədri siyasi dialoqla yanaşı, iqtisadi, humanitar sahələrdə də əlaqələrimizin yüksələn xətlə inkişaf etdiyini deyərək parlamentlər səviyyəsində əməkdaşlığın inkişafını da təqdirəlayiq hesab etdiyini bildirib. Oqtay Əsədov diqqətə çatdırıb ki, Avronest Parlament Assambleyasının Bakıda keçirilən növbəti sessiyasında Azərbaycan və Ukrayna nümayəndə heyətləri səmərəli fəaliyyət göstəriblər.
Oqtay Əsədov Ermənistan-Azərbaycan, Dağlıq Qarabağ münaqişəsindən söz açaraq problemin həllində Ukraynanın Azərbaycanın ərazi bütövlüyünü birmənalı şəkildə dəstəklədiyinə görə Ukrayna xalqına və dövlətinə minnətdarlığını bildirib.
Azərbaycanda keçirdiyi görüşlərdən məmnun qaldığını deyən Ukraynanın Baş naziri Nikolay Azarov müstəqillik illərində ölkəmizin əldə etdiyi nailiyyətləri xalqımızın ümummilli lideri Heydər Əliyevin uzaqgörən siyasəti və bunu Prezident İlham Əliyev tərəfindən uğurla davam etdirilməsi ilə əlaqələndirib.
Görüşdə qeyd edilib ki, bu il 20 illiyi tamam olan Ukrayna-Azərbaycan diplomatik əlaqələri yüksək səviyyədədir. Ukrayna ölkəmizlə siyasi dialoqu davam etdirməkdə, iqtisadi, mədəni sahələrdə əməkdaşlığı daha da dərinləşdirməkdə maraqlıdır. Nikolay Azarov dövlətlərarası əməkdaşlığın daha da inkişafında parlamentlərin rolunu xüsusi vurğulayaraq deputatların qarşılıqlı səfərlərinin əhəmiyyətini qeyd edib.
Sonra tərəfləri maraqlandıran məsələlər ətrafında fikir mübadiləsi aparılıb.
"Azərbaycan"
FOTO: A.Məmmədovundur
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Azərbaycanın qadın şahmatçısı Avropa çempionu olub
29 Aprel
Türkiyə bu namizədi dəstəkləyir - KİV
29 Aprel
Baş nazirdən istefa açıqlaması
29 Aprel
“Turkish Airlines” 235 “Airbus” və “Boeing” təyyarəsi almaq niyyətindədir
29 Aprel
Hakan Fidan ilə Antoni Blinken Yaxın Şərqdəki vəziyyəti müzakirə ediblər
29 Aprel
Havanın temperaturu iqlim normasından yüksəkdir, isti hava şəraiti mayın 2-dək davam edəcək ...
29 Aprel
Yəmən limanı yaxınlığında gəmiyə hücum etdilər - MƏLUMAT
29 Aprel
Komitə sədri: Müxtəlif nəşrlərin çapına dəstək olmaqla mədəniyyətimizi təbliğ edirik ...
29 Aprel
İnsan hərəkətlərini imitasiya edən robot təqdim olunub
29 Aprel
Azərbaycanda ilk dəfə Milli Xalça Festivali keçiriləcək
29 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!