18 Mart 2023 19:13
629
DÜNYA
A- A+

Türkiyə və Misir prezidentlərinin görüşünə hazırlıq görülür  

 

Türkiyə Prezidenti Rəcəb Tayyib Ərdoğanın misirli həmkarı Əbdülfəttah əs-Sisi ilə görüşünə hazırlıq işləri görülür. AZƏRTAC “Əl Əhram” qəzetinə istinadla xəbər verir ki, bu barədə Türkiyənin xarici işlər naziri Mövlud Çavuşoğlu misirli həmkarı Sami Şükri ilə Qahirədəki Tahrir sarayında keçirdiyi birgə mətbuat konfransında məlumat verib.

M.Çavuşoğlu deyib: “Biz Türkiyədə seçkilərdən əvvəl və ya sonra dövlət başçıları arasında görüşə şərait yaratmaq üçün çalışırıq və bu, onların təyin etdiyi tarixdə baş tutacaq”. O əlavə edib ki, iki ölkənin dövlət başçılarının görüşü çərçivəsində Türkiyə və Misir xalqları arasında qədim tarixə malik olan dostluq əlaqələrinin inkişafı istiqamətində mühüm sənədlərin də imzalanması nəzərdə tutulur.

S.Şükri deyib ki, türkiyəli həmkarı ilə məsləhətləşmələr “dərin, səmimi və şəffaf” olub. O əlavə edib ki, iki ölkənin son illərin məlum hadisələrindən sonra normal münasibətləri bərpa etmək üçün siyasi iradəsi var.

Türkiyə və Misir xarici işlər nazirlərinin görüşündə səfirlər səviyyəsində təmsilçiliyin bərpası məsələsi müzakirə olunub. Lakin səfirlərin mübadiləsi üçün dəqiq tarix müəyyən edilməyib. "Biz bu yolun gətirdiyi müsbət nəticələrə müvafiq olaraq, uyğun vaxtda ortaq bir məxrəcə gələcəyik. İki ölkə arasında diplomatik əlaqələr kəsilməyib. Diplomatik münasibətlər müvəqqəti işlər vəkilləri səviyyəsində davam edib. Ankarada Misirin, Qahirədə Türkiyənin təmsilçiliyi olub", - deyə Şükri əlavə edib. O qeyd edib ki, bu müsbət nəticələr bir çox məsələlər, o cümlədən ikitərəfli münasibətlər və regional mövzular üzrə ümumi baxışların tapılması ilə başlayıb.

S.Şükri Türkiyə ilə koordinasiyanı davam etdirmək və münasibətləri bərpa etmək üçün hər iki ölkənin dövlət orqanları arasında kommunikasiya kanallarını açmaq istəyini də ifadə edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video