Tovuzun müharibə zamanı dağılmış suvarma sistemi yenidən qurulur
Məlum olduğu kimi, 44 günlük Vətən müharibəsi zamanı Tovuz rayonunda da mülki tikililərə və infrastruktura xeyli ziyan dəymişdir. Buna baxmayaraq əhali öz ata-baba yurdlarını bir gün, bir saat da olsa, tərk etməmişdir.
Erməni işğalçıları tərəfindən atılan bombalar ən çox rayonun Ağdam, Vahidli, Dondar Quşçu, Əlibəyli, Yuxarı Öysüzlü, Aşağı Öysüzlü kəndlərinə düşmüş, sosial infrastrukturu sıradan çıxarmışdır. Lakin bunlar da həmin kəndlərin sakinlərini öz iş-güclərindən etməmişdir. Onlar əmin idilər ki, tezliklə qələbə qazanılacaq və kəndlərində dağılan nə varsa, bərpa olunacaq və ya yenisi tikiləcək.
Artıq xeyli vaxtdır ki, Tovuz ərazisində müharibə vaxtı sıradan çıxmış infrastruktur yenidən qurulur. Prezident İlham Əliyevin imzaladığı 6 avqust 2020-ci il tarixli "Azərbaycan Respublikasının Tovuz rayonunun Ermənistan Respublikası Silahlı Qüvvələrinin intensiv atəşə tutması nəticəsində mülki əhaliyə, dövlət əmlakına, o cümlədən infrastruktur obyektlərinə dəymiş ziyanın aradan qaldırılmasına dair əlavə tədbirlər haqqında" sərəncamı çərçivəsində bütün işlər qrafik üzrə gedir.
Rayon icra hakimiyyətindən aldığımız məlumata görə, Ağdam və Vahidli kəndlərinin su təchizatının yaxşılaşdırılması layihəsinin icrasına başlanılmışdır. Layihəyə əsasən, hər iki kəndi içməli su ilə təmin edəcək müxtəlif ölçülü 8 su anbarı inşa olunacaq, 9881 metr uzunluğunda magistral su xətti çəkilməklə 211 bulaq quraşdırılacaq. Ağdam kəndinin əkin və həyətyanı sahələrinin su təminatının yaxşılaşdırılması üçün isə 1980 metrlik su xətti çəkiləcək və 1000 kubmetr tutumu olan su anbarı inşa ediləcək. Əlibəyli, Yuxarı Öysüzlü və Aşağı Öysüzlü kəndlərində 7 subartezian quyusunun qazılması, 14 müxtəlif ölçülü 14 su anbarının inşası nəzərdə tutulmuşdur. Bundan əlavə, Dondar Quşçu, eləcə də Yuxarı və Aşağı Öysüzlü kəndlərinin əkin sahələrinin su təminatının yaxşılaşdırılması məqsədilə həmin yaşayış məntəqələrindəki arxlar yenidən qurulacaq. Hacıalılı kəndində isə 1000 kubmetrlik su anbarı tikiləcək və 3134 metr uzunluğunda su kəməri çəkiləcək.
Sabir ƏLİYEV,
"Azərbaycan"
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
“Dəmiryol nəqliyyatı təyinatlı torpaqların sərhədlərinin kağız üzərində və elektron formada (ArcGİS ...
27 Aprel
Mərakeş Kralı COP29-a dəvət olunub
27 Aprel
"Ədibin evi"ndə Mir Cəlal Paşayevin 116 illik yubileyinə həsr olunmuş tədbir keçirilib
26 Aprel
Dmitri Savelyev: Cənubi Qafqazda sülhün və sabitliyin qorunması bütün Avrasiya üçün qlobal təhlükəsi...
26 Aprel
TBMM-in üzvü: Şuşa özünün dəyərləri və mədəniyyəti ilə çox fərqli bir yerdir
26 Aprel
Monteneqro Baş nazirinin müavini: Ölkələrimiz arasındakı əlaqələr strateji tərəfdaşlıq xarakteri daş...
26 Aprel
Qırğız Mədəniyyəti Günlərinin bağlanış mərasimi keçirilib
26 Aprel
Almaniyadakı Azərbaycan diasporunun üzvləri Prezident İlham Əliyevi böyük coşqu ilə qarşılayıblar...
26 Aprel
Azərbaycan və Monteneqro parlamentləri arasında əlaqələr müzakirə olunub
26 Aprel
Hidayət Heydərov dördqat Avropa çempionu olub
26 Aprel
DİQQƏT ÇƏKƏNLƏR
ÇOX OXUNANLAR
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!