Dünyada ciddi dəyişikliklər baş verir. Texnoloji, siyasi və hərbi transformasiyalar, keçidlər dünya tarixinin yeni bir mərhələsinin artıq başladığından xəbər verir. Bu yeni mərhələ ayrı-ayrı ölkələrə, onların həyata keçirdiyi milli siyasətlərə bu və ya digər dərəcədə təsir göstərir və milli siyasətləri bu yenilikləri, dəyişiklikləri, təhdidləri nəzərə almağa məcbur edir.
AZƏRTAC-ın bölgə müxbiri xəbər verir ki, bunu “Yeni dünya nizamı: geosiyasi aspektlər və qlobal çağırışlar” mövzusunda beynəlxalq konfransda çıxış edən Yeni Azərbaycan Partiyası Sədrinin müavini, Milli Məclis sədrinin birinci müavini Əli Əhmədov deyib.
Əli Əhmədov çıxışında Azərbaycanın bu gün həyata keçirilən xarici siyasətinin üç əsas istiqamətini diqqətə çatdırıb: “Prezident İlham Əliyevin rəhbərliyi ilə həyata keçirilən siyasətdə dünyanın, bəşəriyyətin üzləşdiyi təhdidlər, çağırışlar nəzərə alınıb, bununla əlaqədar olaraq lazımi tədbirlər görülüb və bundan sonra da görüləcək. Azərbaycanın bu gün həyata keçirilən xarici siyasətinin üç əsas istiqamətini vurğulaya bilərəm ki, bu istiqamətin birincisi Ermənistanla olan münaqişənin aradan qaldırılmasından sonra Azərbaycanın xarici siyasətində sülh gündəliyinin mərkəzi məsələyə çevrilməsidir. Sülh gündəliyinin əsas hədəfi isə Ermənistanla davamlı, etibarlı sülh müqaviləsinin hazırlanmasıdır. İnanıram ki, yaxın zamanlarda ölkələrimiz arasında belə bir sülh müqaviləsinin imzalanması yeni mərhələnin əsasının qoyulması üçün ciddi vəsilə olacaq. İkinci istiqamət əməkdaşlıq və təhlükəsizlik xəttidir ki, bu xəttin də başlıca hədəfi Azərbaycanın bütün ölkələrlə, o cümlədən bölgəmizdəki ölkələrlə hərtərəfli və etibarlı əməkdaşlığının həyata keçirilməsi və bunun milli maraqlara uyğunlaşdırılması ilə əlaqədardır. Ölkəmizin bu istiqamətdə həyata keçirdiyi siyasətin başlıca hədəfi əməkdaşlığın etibarlı zəmin üzərində qurulmasını təmin edə biləcək kommunikasiya strategiyasının, digər formada ifadə olunan Zəngəzur dəhlizinin açılması ilə əlaqədardır ki, güman edirəm, bu da mümkün olan yaxın zamanlarda Azərbaycanın əməkdaşlıq strategiyasının daha geniş ərazidə həyata keçirilməsini təmin etmək baxımından reallığa çevriləcək. Üçüncü istiqamət isə təbii olaraq, bütövlükdə bəşəriyyətin üzləşdiyi təhdidlər və çağırışlara, hər bir milli siyasətin, o cümlədən də Azərbaycanın milli siyasətinin, milli immunitetinin hazırlanması ilə əlaqədardır”.
jpg_1749997259.jpg)
jpg_1776022753.jpg)
jpg_1775472819.jpg)
