28 Noyabr 2023 21:55
245
DÜNYA
A- A+

Rusiyada COVID-19 virusuna yoluxma həftə ərzində 32,8 faiz artıb

 

Rusiyada COVID-19 virusuna yoluxma həftə ərzində 32,8 faiz artıb. Bu ölkədə xəstəxanalara yerləşdirilmə sayı 25,3 faiz çoxalıb.

AZƏRTAC TASS agentliyinə istinadla xəbər verir ki, Rusiya Federasiyasında COVID-19 virusuna yoluxma ötən həftə ərzində 32,8 faiz artıb, xəstəxanalara yerləşdirilmə sayında isə 25,3 faiz çoxalma müşahidə edilib.

Bu barədə jurnalistlərə İnfeksiya ilə mübarizə üzrə federal operativ qərargahdan məlumat verilib.

Xəstəxanalara yerləşdirilmə sayının artması ölkənin 66 subyektində, xəstəliyə yoluxma halı isə 79 regionda qeydə alınıb.

Federal qərargahın məlumatına əsasən, həftə ərzində 54 797 nəfər bu virusun yaydığı xəstəlikdən sağalıb ki, bu da ötən həftələrlə müqayisədə 37,9 faiz çoxdur. Bununla yanaşı, 90 nəfər koronavirusdan vəfat edib.

“Rospotrebnadzor”un məlumatına əsasən, 2023-cü ilin 47-ci həftəsinin yekunlarına görə, Rusiyada 79 min COVID-19 virusuna yoluxma hadisəsi qeydə alınıb.

Qeyd edək ki, yeni tipli COVID-19 pnevmoniyası 2019-cu ilin dekabr ayının ortalarında, Çinin mərkəzi Hubey əyalətinin Uhan şəhərində yerli Huanan ət və dəniz məhsulları bazarı ilə əlaqəli yerli sakinlərdə naməlum mənşəli pnevmoniya xəstəliyinin ilk aşkar olunması ilə başlayıb. 2019-cu il dekabrın 31-də Çin hakimiyyəti naməlum pnevmoniyanın başlaması barədə Ümumdünya Səhiyyə Təşkilatına (ÜST) məlumat verib. Sonradan, Çin alimləri yeni koronavirus — 2019-nCoV ayırd edərək onun genomunun genetik ardıcıllığını təyin ediblər. Virus şiddətli kəskin tənəffüs sindromuna səbəb olan SARS-CoV virusuna (atipik pnevmoniya kimi də tanınır) ən azı 70 faiz genetik ardıcıllıqla bənzəyir. Yeni koronavirusun inkubasiya dövrü 2 gündən 10 günə qədər davam edir və son məlumatlara görə, xəstəlik simptomlar başlamadan əvvəl yoluxucu olur.

ÜST 2019-cu ilin fevral ayının 11-də infeksiyanın adını COVID-19 qoyub, martın 11-də isə koronavirusu pandemiya elan edib.

Digər Xəbərlər

QƏZETİN ÇAP VERSİYASI

XƏBƏR LENTİ Bütün xəbərlər

DİQQƏT ÇƏKƏNLƏR

ÇOX OXUNANLAR

OXUCU MƏKTUBLARI

NƏŞRLƏRİMİZ

BAŞ REDAKTORDAN

Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!

TƏQVİM / ARXİV

Video