Qışda immunitetimizi necə gücləndirək?
Həkim təyinatı olmadan istifadə edilən dərmanlar zərərlidir! Xüsusən qış fəslində havanın soyuq keçməsi immun sistemimizə də təsir göstərir. İmmunitetin zəifləməsi də bir sıra xəstəliklərin yaranmasına gətirib çıxarır.
Bakı Baş Səhiyyə Mərkəzindən AZƏRTAC-a bildirilib ki, mərkəzin strukturuna daxil olan 1 nömrəli Şəhər Poliklinikasının həkim-terapevti İradə Səbziyevanın sözlərinə görə, qeyri-düzgün yaşam tərzi, düzgün olmayan qidalanma, əmək fəaliyyətinin düzgün tənzimlənməməsi, gigiyenik qaydalara düzgün riayət etməmək kimi amillər immunitetin zəifləməsinə səbəb olur: “Əgər hər hansı şəxsdə xroniki xəstəlik varsa və o, həmin xəstəliyi nəzarətdə saxlamırsa, bu zaman immun sistemi zəifləyə bilər. İmmunitetin zəifləməsini təkcə havanın soyuq olması ilə əlaqələndirmək də düzgün olmaz. Çünki qeyd etdiyimiz amillər yalnız soyuq havada və ya qış aylarında baş vermir. Yay fəslində də qeyd olunan faktorlara nəzarət edilməzsə, bu zaman da immunitetin zəifləməsi müşahidə edilir. Sadəcə olaraq qış aylarında bu hala daha çox rast gəlinir”.
İ.Səbziyeva diqqətə çatdırır ki, immun sisteminin gücləndirilməsi üçün ilk növbədə yuxu rejiminə düzgün əməl edilməli, qidalanma rejiminə və digər məqamlara xüsusilə nəzarət edilməlidir: “Bununla yanaşı, havaya uyğun gündəlik geyimlər istifadə edilməlidir ki, xəstələnmə hallarının qarşısını almaq mümkün olsun. Çünki hava ilə gələn infeksion xəstəliklər də immun sisteminin zəifləməsini sürətləndirir. Qidalanma zamanı əsasən vitaminlərə, mövsümi meyvə-tərəvəzlərə, ət və ət məhsullarına daha çox üstünlük vermək lazımdır ki, immunitetin zəifləməsinin qarşısını almaq mümkün olsun. Lazım gələrsə, həkim təyinatı ilə profilaktik olaraq orqanizmdə çatışmazlıq göstərən mineral və vitamin balansını normaya çatdırmaq üçün müxtəlif kompleks preparatlardan istifadə etmək olar”.
Həkim-terapevt vurğulayır ki, dərman preparatlarına müalicə məqsədilə müraciət edilirsə, bu, mütləq qaydada həkim nəzarəti ilə aparılmalıdır. Onun sözlərinə görə, qanda həmin elementlərin miqdarı bilinəndən sonra buna uyğun olaraq vitaminlər təyin edilməlidir: “Əgər bunlar normanı keçərsə, əlbəttə ki, bu vitaminlər orqanizmdə fəsadlara səbəb ola bilər. Məsələn, orqanizmdə vitamin A-nın normadan artıq olması ürəkbulanma, görmənin pozulması, yorğunluq, əsəbilik, iştahasızlıq, qusma, saç tökülməsi kimi fəsadlara səbəb ola bilər. Son zamanlar bir çox insanlar həkim təyinatı olmadan belə immun sistemini gücləndirmək üçün vitamin D qəbul edir. Lakin unutmaq olmaz ki, bu vitaminin nəzarətsiz qəbulu mədə-bağırsaq sisteminin qeyri-düzgün işləməsinə, ishala, qaraciyər, böyrək və digər orqanlarda fəsadlara səbəb olur. Bununla yanaşı, vitamin C-nin normadan artıq qəbulu dəridə səpgilərin yaranmasına və digər zərərlərə gətirib çıxarır. Nəzərə almaq lazımdır ki, bu vitaminlərin həkim təyinatı olmadan istifadəsi sonradan orqanizm üçün çox ciddi fəsadlarla nəticələnə bilir. Hamilələr, qaraciyər, böyrək çatışmazlığından, şəkərli diabetdən əziyyət çəkən şəxslər vitamin qəbulu zamanı xüsusilə diqqətli olmalıdır”.
Bəzi şəxslərin qış aylarında immun sistemini gücləndirmək üçün müxtəlif antibiotiklərdən də istifadə etdiyini deyən İ.Səbziyeva bildirir ki, həkim təyinatı olmadan dərman preparatlarının, vitaminlərin, ələlxüsus da antibiotiklərin qəbulu sonradan ciddi xəstəliklərə gətirib çıxaran çox ciddi fəsadlara səbəb olur: “Antibiotikin qəbulu zamanı həkim-mütəxəssislər şəxsin bu preparatlara qarşı allergiyasının, yanaşı xəstəliklərinin olub-olmamasını və digər məqamları yoxladıqdan sonra antibiotiklər təyin edirlər. Praktikamızda dəfələrlə rast gəlirik ki, xəstə özbaşına şəkildə, yəni həkim təyinatı olmadan antibiotik qəbul edib və ağırlaşmış şəkildə allergik vəziyyətə düşüb. Bu zaman xəstəliyin müalicəsi xeyli müddət çəkir və müalicə prosesi daha ağır gedir”.
Səhhətinizdə yaranan istənilən xəstəlik və problemlə bağlı, ilkin səhiyyə xidməti göstərən tibb müəssisələrinə müraciət etmək lazımdır. Dərman preparatlarının, antibiotiklərin, vitaminlərin həkim nəzarəti olmadan istifadəsi sonradan ağırlaşmalara və hətta ölümlərə də səbəb ola bilər.
Unutmayın ki, ilkin səhiyyə xidməti tez sağaldır!
Digər Xəbərlər
QƏZETİN ÇAP VERSİYASI
XƏBƏR LENTİ Bütün xəbərlər
Macarıstan Avropa Sülh Fondundan Ermənistana yardım göstərilməsi layihəsinə veto qoyub
30 Aprel
Ermənistan prezidenti sərhədlərin delimitasiyası prosesini dəstələyib
30 Aprel
UNICEF-in nümayəndəsi Azərbaycanda uşaq hüquqları ilə bağlı dövlət siyasətini müsbət dəyərləndirib...
30 Aprel
AŞF prezidenti: Mehriban Əliyevanın təbriki Azərbaycan şahmatçılarına növbəti qələbələr üçün böyük s...
30 Aprel
Banqladeşdə anomal istilər azı 10 nəfərin həyatına son qoyub
30 Aprel
İbtidai insanlarla bağlı yeni tədqiqat nəticələri təqdim edilib
30 Aprel
“Motorola”nın taxta örtülü smartfonu təqdim edilib
30 Aprel
Milyarderə verilmiş ölüm hökmü götürüldü - İran məhkəməsindən QƏRAR
30 Aprel
Ən sürətli internetə bu ölkələr sahibdir
30 Aprel
ANAMA sədri İsveçrədəki beynəlxalq tədbirdə ölkəmizin üzləşdiyi mina problemindən danışıb...
30 Aprel
DİQQƏT ÇƏKƏNLƏR
Prezident İlham Əliyev Xarici ölkələrlə dostluq üzrə Çin Xalq Assosiasiyasının sədrini qəbul edib YE...29 Aprel 2024
Azərbaycan ilə Qırğızıstanın dostluğu və qardaşlığı əbədidir28 Aprel 2024
Azərbaycan Prezidenti İlham Əliyev və Almaniyanın Kansleri Olaf Şolts birgə mətbuat konfransı keçiri...26 Aprel 2024
Tərəfdaşlıqdan strateji müttəfiqliyə25 Aprel 2024
Möhkəm təmələ əsaslanan müttəfiqlik24 Aprel 2024
ÇOX OXUNANLAR
Tükdən nazik siyasət30 Aprel 2024
Qlobal liderdən həmrəylik çağırışı28 Aprel 2024
İlham Əliyevdən ədalət dərsi26 Aprel 2024
ADA Universitetində “COP29 və Azərbaycan üçün Yaşıl Baxış” mövzusunda beynəlxalq forum keçirilib Pr...24 Aprel 2024
"Dəmir yumruğ"un ikinci zərbəsi23 Aprel 2024
Azərbaycan və Rusiya prezidentlərinin Baykal-Amur Magistralının 50 illik yubileyi münasibətilə dəmir...22 Aprel 2024
OXUCU MƏKTUBLARI
NƏŞRLƏRİMİZ
BAŞ REDAKTORDAN
Hamımızın Azərbaycan adlı bir Vətəni var! Qoynunda dünyaya göz açdığımız, minbir nemətindən dadıb isti qucağında boya-başa çatdığımız bu əvəzolunmaz diyar azərbaycanlı adını qürur və iftixarla daşıyan hər kəs üçün müqəddəs və ülvidir.
Müzəffər Ali Baş Komandan İlham Əliyevin rəhbərliyi ilə Azərbaycan Ordusu Vətən müharibəsində zəfər çalaraq erməni işğalçılarını kapitulyasiyaya məcbur etdi, düşməni qovaraq ərazi bütövlüyünə nail oldu.
Bununla da Azərbaycan yeni inkişaf dövrünə qədəm qoydu.
Bu dövrdə dünyada mürəkkəb və ziddiyyətli proseslər davam etməkdədir!
Hələ də dünyada ədalətsizliklər mövcuddur!
Hələ də dünyada ikili standartlar var!
Hələ də dünyada güclülər zəiflərin haqqını tapdalamaq istəyir!
Odur ki, biz daima güclü olmalıyıq.
Güclü olmağın əsas şərti isə bizim birliyimizdir!
Dünyanın harasında yaşamağımızdan, hansı sahədə çalışmağımızdan asılı olmayaraq, əlbir və əlaqəli fəaliyyət göstərməyi bacarmalıyıq.
Azərbaycan naminə, onun dünyada yeri, yüksək nüfuzu uğrunda daim birlikdə mübarizə aparmalıyıq.
Yalnız bu halda anamız Azərbaycanı qoruya, yüksəldə və hamımız üçün qürur mənbəyinə çevirə bilərik.
Ulu yurdumuzun adını daşıyan "Azərbaycan" qəzeti də bu amala xidmət edir.
Əziz azərbaycanlılar! Sizi Azərbaycan naminə, övladlarımızın firavan və xoşbəxt gələcəyi uğrunda əlbir və əlaqəli fəaliyyətə çağırıram!